బుజ్జిపాప తత్త్వాలు - 1 ( దేవుడు చేసిన మనుషులు)

శివుడొక్కడె దేవుడంటె 

చింతబరిక తియ్యాలి

విష్ణువొకడే దేవుడంటే

వీపు సాఫు చెయ్యాలి

ఓ బుజ్జిపాపా !

అమ్మవారి పూజ చేస్తూ

ఆడదాన్ని హింసపెడితే

అట్లకాడ కాల్చాలి

పొద్దుగాల పూజలంటూ

హద్దుమీరి తిరుగుతుంటే

మొద్దు తిరగవెయ్యాలి

ఓ బుజ్జిపాపా 

మీ మతం చెడ్డదంటూ

మతం మారిపొమ్మంటే

మత్తు దింపి చూపాలి

మాటకొస్తే నీతి చెబుతూ

మానవత్వం మాయమైతే

మాడు అంటి పంపాలి

ఓ బుజ్జిపాపా