“The world is a puzzle; no need to make sense out of it." - Socrates

22, మార్చి 2011, మంగళవారం

ఫిలిప్పైన్స్ లో భూకంపనలు

మొన్న ఆదివారం నాడు ఫిలిప్పైన్స్ లో 6+ స్థాయిలోనూ, తైవాన్ లో 5+ స్థాయిలోనూ, అండమాన్లో స్వల్పంగానూ భూకంపాలు వచ్చాయి. శనివారం సూపర్మూన్ వచ్చింది. ఆదివారం నాడే భూకంపాలు జరిగాయి. అదే రోజున ఎన్నోచోట్ల రోడ్డు ప్రమాదాలు విపరీతంగా జరిగాయి. రహదారులు రక్తసిక్తం అయ్యాయి.

సూపర్మూన్ కు రెండురోజుల ముందు నుంచీ అనేకుల జీవితాల్లో చికాకులు, గొడవలు, పని వత్తిడీ అధికం అయ్యాయి. వ్యక్తిగతి స్థాయిలోనే గాక దేశాధినేతల స్థాయిలో కూడా భావోద్వేగాలు పెచ్చరిల్లి, కుతంత్రాలు మితిమీరి, లిబియా పైన అమెరికా, బ్రిటన్, ఫ్రాన్స్ కూటమి దాడులు జరుగుతున్నాయి. జపాన్ కోలుకోవటానికి కనీసం అయిదేళ్ళు పడుతుందని అంటున్నారు. జపాన్ లిబియాల సంక్షోభం స్టాక్ మార్కెట్ల మీద పడే అవకాశం గట్టిగానే ఉంది. ప్రభావం రాబోయే కొద్ది రోజులలో కనిపించవచ్చు.

మొత్తం మీద సూపర్ మూన్ ప్రపంచానికి మరిచిపోలేని చెడు గుర్తుల్ని మిగిల్చింది అని చెప్పవచ్చు. కొసమెరుపు ఏమంటే టాంక్ బండ్ విగ్రహాల విధ్వంసం కూడా సూపర్ మూన్ పరిధిలోనే జరిగింది.
read more " ఫిలిప్పైన్స్ లో భూకంపనలు "

16, మార్చి 2011, బుధవారం

హోమియో అద్భుతాలు-థైరాయిడ్ మందు దుష్ప్రభావం

మధ్యన ఇరవై తొమ్మిదేళ్ళ ఒక వివాహిత నా వద్దకు ట్రీట్మెంట్ కోసం వచ్చింది. ఆమె పేరు ఇతర వివరాలు చెప్పను. గత నాలుగేళ్ల నుంచి మందులు వాడి, డాక్టర్ల చుట్టూతా తిరిగీ, విసుగెత్తి చివరకు నా వద్దకు వచ్చింది. అమ్మాయిపెళ్ళికాక ముందు నా పేషంటే. మధ్యలో మానేసి రకరకాల మందులు వాడింది. ఇప్పుడు పరిస్తితి ఘోరంగాతయారౌతున్నది కనుక మళ్ళీ హోమియోపతి గుర్తొచ్చింది.

వాళ్ళ ఫామిలీ హిస్టరీ నాకు తెలుసు. ఇంతకు ముందు ట్రీట్మెంట్ ఇచ్చినపుడు వాళ్ళ పెద్దలనుంచి ఏమేమి రోగాలుసంక్రమించాయో నాకు తెలుసు కాబట్టి ట్రీట్మెంట్ తేలిక అయింది.

తనకు నాలుగేళ్ల క్రితం బాబు పుట్టినపుడు థైరాయిడ్ ప్రాబ్లెం ఉన్నట్లు గుర్తించారు. హైపో థైరాయిడిజం అని బాబుతోపాటే దానికి కూడా నామకరణం చేసారు. అప్పటి నుంచి ముగ్గురు ఎం. డీ. దగ్గర రకరకాల ట్రీట్ మెంట్లు జరిగాయి. మొత్తం మీద థైరాయిడ్ మాత్రలు ( ఆమె భాషలో) వేసుకుంటే రోజుకు బాగుంటుంది. లేకపోతె గొంతు నెప్పి, గొంతుబొంగురు పోవటం, అతి నీరసం, ఇంకా రకరకాల బాధలు వస్తాయి. కనుక మాత్రలు జీవితాంతం వాడాలి అని డాక్టర్లుచెప్పారు. అమ్మాయి వాడుతున్నది. అంతా బాగానే ఉంది.

గత కొద్ది నెలలుగా ఈమెకు కొత్త కొత్త బాధలు రావటం మొదలైంది. ఉన్నట్టుండి కళ్ళముందు అంతా గిర్రున తిరిగిపోతున్నట్లు గా ఉంటుంది. పడుకుంటే రూము మొత్తం గిర్రున తిరిగిపోతూ ఉంటుంది. ఒక పక్కనుంచి ఇంకొక పక్కకుతిరిగితే మళ్ళీ గిర్రున తల తిరుగుతుంది. కదులుతున్న వాహనాలను చూచినా, లేక ప్రయాణం చేసినా కళ్ళు తిరిగిరోడ్డుమీదే పడిపోతానేమో అనిపిస్తుంది. నడుస్తుంటే ఉన్నట్టుండి కళ్ళు తిరిగి తడబడి గోడకు కొట్టుకోవడంజరుగుతోంది. మంచి పేరున్న ఎం. డీ. లు అందరూ చూచి రకరకాల టెస్టులు చేయించి అన్ని రీడింగ్సూ నార్మల్ గాఉన్నాయి. మాకు అర్ధం కావడం లేదు. అని చెప్పీ చెప్పకుండా విటమిన్లూ ఇతర అనవసర మాత్రలూ వాడించిఊరుకున్నారు. బాధ మాత్రం తగ్గలేదు.

అల్లోపతీ వైద్యంలో ఉన్న చిక్కే ఇది. అప్పటి కప్పుడు బాధలు తగ్గుతాయి. ఇది అణచివేత వల్ల జరుగుతుంది. కాని అణచబడిన రోగం లోపల ఇతర అవయవాలకు సైలెంట్ గా వ్యాపిస్తుంది. అందుకే కొన్నేళ్ళ పాటు అల్లోపతీ మందులు వాడితే అప్పుడు కొత్తకొత్త బాధలు ఇంకా లోతైనవి రావటం చూడవచ్చు. విషయం డా|| హన్నేమాన్ రెండు వందలసంవత్సరాల నాడే చెప్పాడు. ఏం చేస్తాం? మన ఖర్మ బాగాలేనప్పుడు మంచి చెప్పినా ఎక్కదుగా మరి. ఎక్కడ ఎంతవదలాలో అంత వదిలితే గాని తత్త్వం బోధపడదాయె.

డాక్టర్లు చేయించిన టెస్టులు అన్నీ చూచాను. ప్రస్తుతం అన్ని రీడింగ్సూ నార్మల్ గా ఉన్నాయి. కాని కొత్త రోగంమొదలైంది. అప్పటి వరకూ వైద్యం చేసిన డాక్టర్లు చేతులెత్తేశారు.

ముందుగా థైరాయిడ్ టాబ్లెట్ ను వెంటనే మానివేయ్యమని చెప్పాను. అమ్మాయి భయపడింది. దానిని మానుకుంటే ఏమౌతుందో అని. ఏమీ కాదు. నీవు హోమియో వాడుతున్నంత వరకూ ఏమీ పరవాలేదు. అని ధైర్యం చెప్పి మళ్ళీ లక్షణాలు ఒకసారి సరిచూచాను. పడుకుంటే రూం మొత్తం గిర్రున తిరిగిపోతున్నట్లు ఉండటం, ఒకవైపు నుంచి మరొక వైపుకు తిరిగితే బాగా ఎక్కువ కావడం, రెండు లక్షణాలను చూచాను.

ఈ లక్షణాలకు బ్రయోనియా, సైక్లామేన్, కోనయం, పల్సాటిల్లా అనే మందులు సరిపోయాయి. మంచం మీద పడుకుంటే తల గిర్రున తిరిగే లక్షణానికి బెల్లడోన్నా, కోనయం, లాక్ డిఫ్లోరేటం సరిపోతున్నాయి. వీటన్నిటిలో మళ్ళీ ఔషధ లక్షణాలనూ, రోగి లక్షణాలనూ, రోగ లక్షణాలనూ ఫిల్టర్ చేసుకుంటూ వచ్చి చూడగా "కోనయం మాక్యులేటం " అన్న మందు సరిపోయింది. కానీ ఇది కాన్సర్ కు వాడే మందు. ఇది ఇండికేట్ అవుతున్నది ఏమిటి అన్న అనుమానం వచ్చింది. ఇదే సోక్రటీస్ కు ఇవ్వబడి ఆయన ప్రాణం తీసిన "పాయిజన్ హెమ్లాక్" అనే విషం . మొక్క నుంచి తీసినదే అయినా ఇది విషపూరితమైనది. .కాని దీనిని పోటేన్సీ లోకి మారిస్తే అమృతం అవుతుంది. అదే హోమియో ఔషదాలలోని అద్భుతం. పాము విషాలు కూడా ఇక్కడ అమృత గుళికలుగా మారతాయి.

ఎక్యూట్ మందులు ఈమెకు ఎలాగూ పనిచెయ్యవు. ఎందుకంటే ఈమెది క్రానిక్ డిసీజ్ మాత్రమె కాక అల్లోపతిలో ముదరబెట్టిన రోగం. అనుమాన నివృత్తి కోసం " మీకుఎక్కడైనా గట్టిగా ఉండే కణుతుల వంటివి ఎప్పుడైనా వచ్చాయా" అని అడిగాను. లేవు అని చెప్పింది. ఉన్నట్టుండి గుర్తొచ్చినట్టు " కుడి పాదం లో గట్టి "ఆనె" ఒకటి మధ్యనే వస్తున్నది. అని చూపించింది. ఆ "ఆనె" కొంచం పెద్దదిగా ఉండి మధ్యలో హోల్ పడి ఉంది. నడుస్తుంటే నేల తగిలిన చోట నొప్పిగా ఉంటుంది. ఇప్పుడు అనుమాన నివృత్తి అయిపొయింది. కొన్నేళ్ళు గనుక అమ్మాయి ఇదే థైరాయిడ్ మందును గనుక ఇలాగే వాడితే తనకు కాన్సర్ రావటం ఖాయం అని తేలిపోయింది.


ఇవేమీ తనకు చెప్పకుండా--"కోనయం" మందును రెండువందల పోటేన్సీలో ఒక్క డోస్ ఇచ్చి పంపాను. మర్నాడు అమ్మాయి ఆనందం సంభ్రమం కలగలిసిన స్వరంతో ఫోన్ చేసింది." సార్. మీరు మందిచ్చి ఇరవై నాలుగు గంటలుగడిచాయి. ఇప్పటి వరకు ఒక్క సారికూడా తూలుడు రాలేదు. రాత్రి హాయిగా నిద్ర పోయాను. పడుకుంటే కళ్ళు తిరగలేదు. అన్నిబాధలూ శాంతించాయి." అని ఇంకా ఏమేమో పొగుడుతోంది. నేను చెప్పిన జాగ్రత్తలు మరచిపోకుండా పాటించమని చెప్పి ఫోన్ కట్ చేసాను.

ప్రస్తుతం వారం రోజులు గడిచాయి. ఇంత వరకూ మళ్ళీ ఒక్కసారి కూడా ఆమెకు కళ్ళు తిరగలేదు.

"కాని ట్రీట్మెంట్ అయిపోయిందని అనుకోవద్దు. క్రానిక్ డిసీజ్ అంత త్వరగా తగ్గదు. కొన్ని నెలలు మందు వాడవలసివస్తుంది" అని చెప్పాను. ప్రస్తుతం థైరాయిడ్ టాబ్లెట్స్ వాడటం లేదు. ఇతర సమస్యలు బాగా తగ్గుముఖం పట్టాయి. విచిత్రం ఏంటంటే కాలిలో "ఆనె" కూడా కరిగిపోతున్నది.

హోమియోపతి ట్రీట్మెంట్ ఈ విధంగా ఉంటుంది.
read more " హోమియో అద్భుతాలు-థైరాయిడ్ మందు దుష్ప్రభావం "

12, మార్చి 2011, శనివారం

సూపర్ మూన్

మొన్న చైనాలో, నిన్న జపాన్ లో, తరువాత కొద్ది గంటల్లో ఇండోనేషియాలో జరిగిన విలయం సూపర్ మూన్ ఎఫెక్ట్ వల్లనే అని జ్యోతిష్య గ్రూపుల్లో నమ్ముతున్నారు. అలా నమ్మడానికి వెనుక బలమైన కారణాలున్నాయి. మార్చి లో భూ, జల ప్రళయాలు రాబోతున్నాయనీ, అవి ఫలానా ప్రదేశాలలో వస్తాయనీ ముందే ఒక అమెరికన్ జ్యోతిష్కుడు చెప్పాడు. వాటిలో ఫసిఫిక్ కోస్టూ, జపానూ కూడా ఉన్నాయి. దానిని అందరూ కొట్టి పారేశారు. శాస్త్రజ్ఞులు అయితే అస్సలు నమ్మలేదు. కాని జరిగిందేమిటి? అతను చెప్పింది చాలావరకూ సరిగ్గానే జరిగింది. అతని పేరు రిచర్డ్ నాల్. "సూపర్ మూన్" అన్న పదాన్ని కాయిన్ చేసింది ఇతనే అంటారు. అతని వెబ్ సైట్ ఇక్కడచూడండి.

http://www.astropro.com


అసలు సూపర్ మూన్ అంటే ఏమిటో చూద్దాం. భూమిచుట్టూ చంద్రుడు తిరిగే కక్ష్య దీర్ఘవృత్తాకారంగా ఉండటం వల్ల నెలలో రెండుసార్లు చంద్రుడు భూమికి దగ్గరగా వస్తాడు. కాలగమనంలో అలా చాలాసార్లు రావటం జరుగుతుంది. వాటి సరాసరి దూరం కంటే (3,85,000 Km) బాగా ఎక్కువగా చంద్రుడు భూమికి సమీపంగా వచ్చినపుడు అదే సమయంలో అమావాస్య గాని పౌర్ణమి గాని అయితే, అది సూపర్ మూన్ అవుతుంది. అలాటి సందర్భాలు అప్పుడప్పుడు వస్తుంటాయి. సమయంలో భూమ్మీద విలయాలు జరగటం మామూలే. కారణం-- చంద్రునికి సముద్రజలాలలో ఆటుపోట్లు కలిగించే శక్తి ఉన్నదని అందరికీ తెలుసు. పౌర్ణమి అమావాస్య ప్రభావాలు+ చంద్రుడు భూమికి దగ్గరగా రావడం= వీటి క్యుములేటివ్ ప్రభావం వల్ల అతి తీవ్రమైనశక్తి భూమ్మీద పడుతుంది. కనుక విలయాలు జరుగుతాయి.

ఇలా సూపర్ మూన్ వచ్చిన ప్రతిసారీ ఏదో ఒక విలయం జరిగింది. ఇంకా ముందు కూడా జరిగాయి. చరిత్ర పరిశీలిస్తే మనకు కనిపిస్తుంది. రిచర్డ్ నాల్ తన యాస్ట్రో మేపింగ్ విధానంతో ప్రదేశంలో విలయాలు రావచ్చో కూడా వ్రాసాడు. దాదాపుగా అదే ఫసిఫిక్ కోస్ట్ ప్రదేశంలో ఇప్పుడు జల, భూ ప్రళయాలు జరిగాయి. ఇప్పటి వరకూ కొట్టి పారేసిన శాస్త్రజ్ఞులు ఇప్పుడేమంటారో? ప్రజల సొమ్ముతో కోట్లాది డాలర్లు పెట్టి జరుపుతున్న సైంటిఫిక్ రీసెర్చి ఇప్పుడేమంటుంది? ఇవేమీ లేకుండా జ్యోతిష్య విజ్ఞానం సాయంతో ఒక సామాన్య వ్యక్తి ఈ విలయాన్ని ముందే ఎలా ఊహించగలిగాడు? అతనికి ఆధారమైన జ్యోతిష్య శాస్త్రం మరి నిజమా కాదా?

రిచర్డ్ నాల్ వ్రాసిన మార్చి-2011 ఫోర్ కాస్ట్ ఇక్కడ చూడండి.

http://www.astropro.com/homeNS45.html

అతను చెప్పిన జోస్యం నుంచి కొన్ని మాటలు చూద్దామా?

The March 19 SuperMoon is by far the most significant storm and seismic indicator this month, but it’s not the only one. Lesser geocosmic shock windows also up the ante for unusually strong storms and moderate to severe seismic activity (including magnitude 5+ earthquakes, subsequent tsunami, and volcanic eruptions). These lesser windows include March 1-7 (surrounding the new moon on the 4th), March 23-26 (bracketing the lunar south declination peak on the 25th), and from late on the 31st on into early April.


రిచ్టర్ స్కేల్ మీద 5+ స్థాయిలో భూకంపాలు వస్తాయని రిచర్డ్ నాల్ వ్రాశాడు. అలాగే జపాన్ లో వచ్చిన భూకంపం 8+ స్థాయిలో వచ్చింది. మార్చి మొదటి వారం లో ఇవి జరగవచ్చు అని అతను చెప్పాడు. ఒక నాలుగు రోజుల తేడాతో ఇవి జరిగాయి. ఏ పరికరమూ లేకుండానే, రాబోయే భూకంప సమయాన్నీ, ప్రదేశాన్నీ, స్థాయిని కూడా చాలావరకూ అతను అంచనా వెయ్యగలిగాడు. అంతేగాక భూకంపం తర్వాత, సునామీ, అగ్నిపర్వత ప్రేలుడూ రావచ్చని చెప్పాడు. అలాగే జరిగింది. ఇది రికార్డ్ కాబడిన నిజం. జ్యోతిష్య శాస్త్రం బూటకం అని పందాలు కాసిన వారందరికీ చిత్త శుద్ధి ఉంటే వారు పందెం కాసినమొత్తాన్ని రిచర్డ్ నాల్ కు పంపించే ధైర్యం ఉందా? లేక తోక ముడుస్తారా? జ్యోతిష్యశాస్త్ర విమర్శకులకు ఎవరికీ ధైర్యమూ చిత్తశుద్దీ లేదని నాకు బాగా తెలుసు. వారు అనబోయేది కూడా ఏమిటో నేను చెప్పగలను. జపాన్ లో పలానా వీధిలో, పలానా ఇంటి నంబర్ ఉన్న ఇంట్లో ఉన్న వ్యక్తి, పలానా సమయానికి నీళ్ళలో కొట్టుకుపోతాడని రిచర్డ్ నాల్ చెప్పలేదుగా అని వెకిలిగా మాట్లాడతారు. కానీ, ఎటువంటి సైన్సుపరికరాలు లేకుండానే, ప్రభుత్వసహాయమూ లేకుండానే, ప్రజాధనం వృధా చెయ్యకుండానే, జరగబోతున్న విలయాన్ని జ్యోతిశ్శాస్త్ర సహాయంతో ఇంత దగ్గరగా, ఇంత స్పష్టంగా ఎలా ఊహించగలిగాడు? ఈ మాత్రం యాక్యురసీ అయినా అసలు ఎలా వచ్చింది? అన్న విషయానికి మాత్రం విలువివ్వరు. ఆలోచించరు.


యింత జరిగినాకూడా, జ్యోతిష్యం అసలు శాస్త్రంకాదు-- అంతా బూటకమే-- అని జ్యోతిష్యశాస్త్రం పుట్టిన గడ్డమీదనే వాదించుకుంటూ మనం కాలం గడుపుదాం. లోపు కాలం తన పని తాను చేసుకుంటూ పోతుంది. అది ఎవరి కోసమూ ఆగదుగా మరి.

ఇంకా వింతేమిటంటే, బిర్లా సైన్స్ సెంటర్ వారు కూడా-- చంద్రుడు భూమికి దగ్గరగా రావటం వల్ల ఏమీ జరగదు. చంద్రుడు మరీదగ్గరగా ఏమీ రావటం లేదు. మహా అయితే మామూలుకంటే ఒకటి లేదా రెండు కిలోమీటర్లు దగ్గరకు వస్తాడేమో దానికే ఇంత జరుగుతుందా? అని చిన్నపిల్లల్లా నటిస్తూ మాట్లాడటమే విడ్డూరం. మరి ఎందుకిలా జరుగుతుందో మాత్రం శాస్త్రజ్ఞులు చెప్పరు. వారికి అర్ధమైనా కాకపోయినా, "జ్యోతిష్యం" అన్న పదం కనిపిస్తే చాలు వారికి "అబద్దం" అన్న పదం వెంటనే తడుతుంది. అలా తట్టడానికైనా శాస్త్రీయ ఆధారాలు ఉన్నాయో లేవో మరి. కళ్ళెదురుగా కనిపిస్తున్న దానిని కూడా ఒప్పుకోలేక పోవడానికి కారణాలేమిటో, పంధాను "సైంటిఫిక్ స్పిరిట్" అని ఎలా అంటారో తేల్చడానికి ఒక ఏభై కోట్ల రూపాయలతో కమిటీ వేస్తె పోతుంది. ప్రజా ధనం సద్వినియోగం అవుతుంది.

ఇక జియాలజీ శాఖవారు ఏమంటారో చూద్దాం. "ప్లేట్ టేక్టానిక్స్" అన్నదానివల్ల ఇలా అప్పుడప్పుడు భూకంపాలు వస్తాయని వారు వాక్రుచ్చారు. పదం ఏమిటో బ్రహ్మపదార్ధంలా ఉందే అని బిత్తరపోవాల్సిన పని లేదు. భూమిలో ఉన్న ప్లేట్లు తీరూతెన్నూ లేకుండా కదలటం వల్లనే అలా జరుగుతుందని దాని సారాంశం. మరి ప్లేట్లకు బుద్ధీ జ్ఞానం ఉండద్దూ . శాస్త్ర " అజ్ఞుల" అనుమతి తీసుకుని కదలాలని వాటికి తోచలేదు. ఏం చేస్తాం? అసలవి ఎందుకు కదులుతున్నాయో మాత్రం వీరు చెప్పరు. దానికి చాలా కారణాలుంటాయి, చెప్పినా మీకర్ధం కావు. అంటారు.( అసలు సంగతేమంటే వారికే ఆ సబ్జెక్టు పూర్తిగా అర్ధం కాలేదు). జనం ఆ మాటల్ని గుడ్డిగా నమ్మి "భలే భలే" అని అరుస్తూ జలప్రవాహంలో కొట్టుకుపోతూ జేబురుమాళ్ళు ఊపుతుంటారు. అసలైన సైంటిఫిక్ స్పిరిట్ అదేగా మరి.

గురుత్వాకర్షణ వల్ల సముద్రాలూ అల్లకల్లోలం అవుతాయి, ప్లేట్లూ కదులుతాయి. అసలు కారణం చెబుతున్నవారినేమో "మూఢనమ్మకం" అనే పేరుతొ నమ్మరు. పోనీ వారు చెప్తారా అంటే అదీ చెప్పలేరు. ఒకవైపు సూర్యుని గురుత్వాకర్షణ, ఇంకో వైపు బలమైన చంద్రుని ఆకర్షణ, సూర్య చంద్రులకు భూమి దగ్గరగా వస్తుండటం, పౌర్ణమి ప్రభావం -- వీటివల్ల ఏమీ జరగదు, అంతా ఉత్తదే, తూచ్ అని మనల్ని నమ్మమని ఘనత వహించిన శాస్త్రజ్ఞులు చెబుతున్నారు. విని ఆనందించండి.

read more " సూపర్ మూన్ "

3, మార్చి 2011, గురువారం

డాక్టర్ భానుమతీ రామకృష్ణ జాతకంలో కొన్ని విశేషాలు


భానుమతి గారి నాన్నగారు నిష్టగా కొంతకాలం సూర్యోపాసనా, అరుణ పారాయణమూ, గాయత్రీ జపమూ చేసిన తరువాత ఆమె పుట్టిందట. అందుకే ఆమెకు సూర్యుని పేరు కలిసివచ్చేటట్లు భానుమతి అని పెట్టారట. ఆమె ఆదివారం నాడు పుట్టింది. అందుకే ఆమె సూర్యవరప్రసాదిని అని వారి నాన్నగారు చెప్పేవారు.

అందుకు రుజువేమో అన్నట్లు ఆమె జాతకంలో సూర్యుడు స్వస్థానమైన సింహ రాశిలో బలంగా ఉన్నాడు. పౌరుషానికికారకుడైన కుజునితో కలిసి శుక్ర నక్షత్రంలో ఉన్నాడు. అందుకే ఆమె ఎంతటి వారినైనా ధీమాగా పలకరించి మాట్లాడగలిగేది. ఆమెలో ఉన్న ఆత్మవిశ్వాసాన్ని చూచి కొందరు ఆమెకు చాలా టెక్కు అని అనుకునేవారు. కాని నిజం అది కాదు. ఆమెదెంత మంచి మనసో దగ్గరి వాళ్లకు తెలుసు.

సామాన్యంగా, సినిమా రంగంలోని వారికి శుక్ర బలం ఉండాలి. భానుమతి ఆత్మ కారకుడు శుక్రుడే. కాని వీరి జాతకంలో శుక్రుడు నీచలో ఉన్నాడు. అటువంటప్పుడు ఈమె సినిమా రంగంలో ఎలా రాణించింది అని సందేహం వస్తుంది. అంటే శుక్రునికి నీచభంగం అయిఉండాలి. చంద్ర లగ్నాత్ నీచభంగం జరుగలేదు. అంటే వీరి లగ్నం సింహ వృశ్చిక కుంభ వృషభాలలో ఒకటి అయిఉండవచ్చు. ఒకవేళ లగ్నాలు కాకపొతే శుక్రునికి నక్షత్ర పరంగా పైన వివరించినట్లు రవి కుజులవల్ల యోగం పట్టిఉండాలి. (జనన సమయం తెలియక పోవడం వల్ల లగ్నాన్ని లెక్కించడం లేదు).

కారకాంశలగ్నం సింహం అయింది. అక్కణ్ణించి కొంత విశ్లేషణ చేసి చూద్దాం. సినిమా రంగానికి కారకుడగు శుక్రుడు కుటుంబ స్థానంలో నీచలో ఉండటం వల్ల, కుటుంబ జీవితానికి ఆమె ఎక్కువగా ప్రాధాన్యతను ఇచ్చి మొదటినుంచీ సినిమాలలో వేషాలు వెయ్యటానికి ఇష్టపడేది కాదు. శుక్రునికి ఉన్న సంగీత కారకత్వం వల్లనే, ఆమె గొప్ప సంగీత విద్వాంసురాలై ఉన్నప్పటికీ వారి తండ్రిగారు ఆశించినట్లు సంగీత రంగంలో ధ్రువతారగా నిలవలేకపోయింది. ఘంటసాల గారు భానుమతి ఎదుట పాట పాడటానికి జంకేవారంటే ఆమె సంగీత జ్ఞానం ఎంత లోతైనదో అర్ధమౌతుంది. ఆమె సినిమాలలో త్యాగరాజ కృతి గానీ, సాంప్రదాయ కీర్తనలు గానీ ఏవో ఒకటి తప్పకుండా ఉండేవి. ఆమె పాడిన "నగుమోము గనలేని" కీర్తన ఒక్కటి చాలు ఆమె స్థాయి ఏమిటో చెప్పటానికి. ఇంత చక్కని సంగీత జ్ఞానం ఉండీ ఆమెకు ఆ రంగంలో సరైన పేరు ప్రఖ్యాతులు రాకపోవడానికి కారణం శుక్రుడు నీచ స్థితిలో ఉండటమే.

చంద్రునికి కేమద్రుమ యోగం ఉండటం కూడా ఈ జాతకానికి ఒక దోషమనే చెప్పాలి. చంద్రునిపైన గురు దృష్టి ఉన్నప్పటికీ ఆ గురువు వక్రించి బలహీనంగా ఉండటం వల్ల అదంతగా ఉపయోగించలేదనే అనుకోవాలి. చంద్రునితో గుళిక కలిసి ఉండటం వల్లకూడా ఆమెకు రావలసిన ఖ్యాతి రాకపోవడానికి ఒక కారణం. తొమ్మిదింట క్షీణచంద్రునివల్ల ఆమె తండ్రిగారికి కొంతనిరాశనే మిగిల్చినదని చెప్పాలి.

బుధాదిత్య యోగంవల్ల ఈమెకు చిన్నప్పుడే గంటకు వంద పద్యాలు వ్రాసే శక్తి ఉండేది. చిన్నప్పుడే కర్నాటక, హిందూస్తానీ సంగీతాలలో మంచి ప్రతిభ ఈమెకు ఉంది. సంగీతమూ, సాహిత్యమూ, నటనా శక్తీ సహజంగా ఈమెకు పట్టుబడ్డాయి.

ఇక వీరి జాతకంలో ఆధ్యాత్మిక యోగాలు చూద్దాం. ఆధ్యాత్మిక చింతనా కారకుడైన శని ఉచ్ఛస్థితిలో ఉండటము, ఆయనదృష్టి గురువు మీద, చంద్రుని మీద ఉండటం వల్ల మంచి ఆధ్యాత్మిక చింతన అలవడింది. విలాసాలు, డబ్బు కోసం అందరూఅర్రులు చాచే అవకాశాలు ఈమెకు వెతుక్కుంటూ వస్తే, వాటిని కాదనుకొని మామూలు మధ్యతరగతి గృహిణిగాఉండటాన్నే ఇష్టపడిన ధీర వ్యక్తిత్వం ఈమెది.జ్యోతిష్య కారకుడగు బుధుడు దశాంశలో ఉచ్ఛ స్థితి వల్ల ఈమెకు మంచిజ్యోతిష్య సాముద్రిక జ్ఞానం పట్టుబడింది. ఇవే కారణాలవల్ల ఈమెకు మంచి ఉపాసనా బలం కూడా ఉండేది.

వింశాంసలో రాహుకేతువుల వృశ్చిక స్థితివల్లా, గురు శనుల పరస్పర దృష్టి వల్ల ఈమెకు శ్రీ విద్యోపాసనా యోగం కలిగింది. అనేక జన్మల నుంచి ఈమె అమ్మవారి ఉపాసకురాలని ఈమెను చూస్తూనే శృంగేరి శంకరాచార్యులు చెప్పారు. ఆయనేపిలిచి మరీ బాలా మంత్రాన్నీ, నవాక్షరీ మంత్రాన్నీ ఉపదేశించారు. శ్రీ చక్ర పూజా విధానాన్ని నేర్పించారు.

భానుమతి గారి జ్యోతిష్య శక్తికి చాలా మచ్చుతునకలున్నాయి.

>>తమ యూనిట్లోని రాజు అనే టెక్నీషియన్ చేయ్యిచూచి అతని ఆయుష్య రేఖ మధ్యలోనే తెగిపోయి ఉండటం వల్ల ఆ విషయం అతనితో చెప్పకుండా తన గురువుతో ఇతరులతో చర్చించి ప్రమాదం ఉందని లీలగా సూచించారు. సైనస్ ట్రబుల్ తప్ప ఇంకే రోగమూ లేని అతను అలాగే హటాత్తుగా మరణించాడు. ఈ విషయం ఆమె వ్రాసిన ఆత్మకథ "నాలో నేను" లో చూడవచ్చు.

>> ఒక వ్యక్తి జాతకాన్ని చూచి అతనికన్నా వయసులో పెద్దదైన వ్యక్తి భార్యగా వస్తుందనీ ఆమె పేరు "ఉ" అన్న అక్షరంతో మొదలౌతుందనీ ఆమె చెప్పారు. అలాగే జరిగింది. ఇలాటి జోస్యాలు ఆమె ఎన్నో చెప్పారు. చాలా వరకు అవి నిజమయ్యేవి.

>>ఆమె తను మరణించబోయే సమయాన్ని ముందుగానే చెప్పారు. ఈ విషయం చాలా మందికి తెలియదు. తానుమళ్ళీ పుడతానని కూడా చెప్పారు. తను పోయిన సమయంలో పక్కన ఉన్నవారికి ఒక జ్యోతి కనిపిస్తుందని చెప్పారు. అలాగే జరిగింది. ఆమెకు పుత్రసమానుడైన ఒక వ్యక్తి సమయంలో పక్కనే ఉన్నారు. మనం సినిమాలలో చూసేటట్లుగా ఒక జ్యోతి ఆమె శరీరంలోనుంచి బయటకు వచ్చి శూన్యంలో కలిసిపోవటం అతను చూచాడు. చెప్పినా ఎవరూ నమ్మరని ఆయన ఎవరికీ విషయం చెప్పలేదు.


సినిమా రంగంలో ఉండికూడా అటువంటి విశిష్ట జీవితం గడిపిన వాళ్ళు కొందరే ఉంటారు. అందులోనూ అటువంటిబహుముఖ ప్రజ్ఞావంతులు అరుదుగా ఉంటారు. పాతతరంలో అటువంటివాళ్ళు ఉండేవారు. తెలుగు భాష రాని, వత్తులుపలకని, ఇప్పటి చెత్త నటులకు ఇలాటి విషయాలు చెపితే కనీసం అర్ధం చేసుకోలేని స్థితిలో ఉన్నారు. కొన్నాళ్ళు పొతే, విషయాలు అంతా మాయ మాటలని కొట్టి పారేస్తారేమో అనిపిస్తుంది. అలాటి స్థితికి సినిమా రంగం దిగజారింది. ఒకప్పుడు కళారంగంలో "ఆర్టిస్టిక్ జెయింట్స్" ఉండేవారు. ఇప్పుడో "కల్చర్ లెస్ పిగ్మీస్" కనిపిస్తున్నారు.

కళారంగానికి కళతప్పి పూర్తిగా డబ్బు, కులం, పైరవీలు, నటన చేతకాని నటులు, డైలాగు స్పష్టంగా చెప్పలేని హీరోలు, తెలుగు బొత్తిగారాని హీరోయిన్లు, పిల్లికూతల పాటగాళ్ళు, కాపీరైటర్లు, కోతిడాన్సర్లు, వెకిలిహాస్యగాళ్ళు ఇలాటి చెత్త మనుషులతో నిండిపోవటం, జనం కూడా అలాటి సినిమాలనే ఎగబడి చూస్తూ అవే కళాఖండాలని ఆరాధించటం చూస్తుంటే , వీళ్ళ చీప్ టేస్ట్ చూసి ఏడవాలో నవ్వాలో లేక అంతా కలిమాయ అని ఊరుకోవాలో అర్ధం కావటంలేదు మరి.

read more " డాక్టర్ భానుమతీ రామకృష్ణ జాతకంలో కొన్ని విశేషాలు "