“జ్ఞానాన్ని పొందటం కాదు. తానే అదిగా అయిపోతాడు"- రమణ మహర్షి

26, డిసెంబర్ 2017, మంగళవారం

సత్యం ఎవరికి కావాలి?

నిన్న క్రీస్తు పుట్టలేదు
కానీ లోకమంతా క్రిస్మస్ జరుపుకుంది

మనిషిని చంపమని ఇస్లాం చెప్పలేదు
కానీ కాఫిర్లను వాళ్ళు చంపుతూనే ఉంటారు

కొత్తకొత్త దేవుళ్ళను సృష్టించమని
హిందూమతం అనలేదు కానీ
వాళ్ళాపనిని రోజూ చేస్తూనే ఉంటారు

'నన్ను పూజించండి' అని బుద్దుడు చెప్పలేదు
పైగా ఆ పని వద్దన్నాడు
కానీ బౌద్ధులు దానినే ఆచరిస్తున్నారు

మహావీరుడు బట్టలు వదిలేశాడు
జీవితమంతా అలాగే బ్రతికాడు
జైనులు మాత్రం బట్టల వ్యాపారమే చేస్తున్నారు

మతాలు చెప్పినదాన్ని
మతస్థులే ఆచరించడం లేదు
దేవుడు ఆశించినట్లు
భక్తులూ ఉండటం లేదు

అదే సమయంలో

మతాన్నీ వదలడం లేదు
దేవుడినీ వదలడం లేదు
ఇది కాదూ మాయంటే?
ఇది కాదూ భ్రమంటే?

మాయలో ఉన్నంతవరకూ
వాస్తవం ఎలా తెలుస్తుంది?
భ్రమలో ఉన్నంతవరకూ
నిజం ఎలా అర్ధమౌతుంది?

మాయ మత్తుగా జోకొడుతుంటే
మెలకువ ఎవరికి కావాలి?
భ్రమే ఆనందంగా ఉంటే
సత్యం ఎవరికి కావాలి?
read more " సత్యం ఎవరికి కావాలి? "

24, డిసెంబర్ 2017, ఆదివారం

Naseeb Me Jiske Jo Likha Tha - Mohammad Rafi


ఈరోజు మహమ్మద్ రఫీ 93 వ పుట్టినరోజు. అందుకే రఫీ పాడిన ఈ మధురగీతాన్ని పాడి విడుదల చేస్తున్నాను.

Naseeb me jiske jo likha tha - Vo teri mehfil me kaam aaya అంటూ మహమ్మద్ రఫీ స్వరంలోనుంచి మధుర విషాదభరితంగా జాలువారిన ఈ గీతం 1966 లో వచ్చిన Do Badan అనే చిత్రం లోనిది. ఈ సినిమా పెద్ద మ్యూజికల్ హిట్ అయింది. ఈ పాటను వ్రాసినందుకు షకీల్ బదాయూనీ కి best lyricist గా ఫిలింఫేర్ అవార్డ్,  రవిశంకర్ శర్మకు best music director గా ఫిలిం పేర్ అవార్డ్ నామినేట్ కాబడ్డాయి. రఫీ పాడిన అనేక సుమధుర గీతాలలో ఇదీ ఒకటి.

నా స్వరంలో కూడా ఈ మధురగీతాన్ని వినండి మరి.

Movie:-- Do Badan (1966)
Lyricist:-- Shakil Badayuni
Music:-- Ravi Shankar Sharma
Singer:-- Mohammad Rafi
Karaoke Singer:-- Satya Narayana Sarma
Enjoy
--------------------------------------
[Naseeb me jiske jo likha tha – Vo teri mehfil me kaam aaya] -2
Kisike hisse me pyas aayi – Kisike hisse me jam aaya
Naseeb me jiske jo likha tha

[Me ik fasana hu bekasi ka – Ye haal hai meri zindgi ka] - 2
Ye haal hai meri zindgi ka
Na husn ki mujhko raas aaya – Na ishk hi mere kaam aaya
Naseeb me jiske jo likha tha

[Badal gayi teri manzile bhi – Bichad gaya mebhi kaarva se] - 2
Bichad gaya mebhi kaarva se
Teri mohabbat ke raaste me – Na jane ye kya makaam aaya
Naseeb me jiske jo likha tha

[Tujhe bhulane ki koshishe bhi – Tamaam nakaam hogayi hai] -2
Tamaam nakaam hogayi hai
Kisee ne zikre vafa kiya jab – Zubape teraa hi naam aaya
Naseeb me jiske jo likha tha – Vo teri mehfil me kaam aaya
Kisike hisse me pyas aayi – Kisike hisse me jam aaya
Naseeb me jiske jo likha tha

Meaning

What was written as fate for each one
is clearly seen in this group
Some ended up being thirsty
and some others with a drink

I am a legend of pain and suffering
my entire life has been such
my relation with beauty did not succeed
my love did not beget love in return

Your goals have changed now
my path is separated from the group
On my path of love
I don't know where I stand now

All my attempts to forget you
have landed in utter failure
If anybody talked about true love
your name suddenly came to my lips

What was written as fate for each one
is clearly seen in this group
Some ended up being thirsty
and some others with a drink

తెలుగు స్వేచ్చానువాదం

మన నుదుటిలో వ్రాసి ఉన్న వ్రాతేంటో
ఇక్కడ చక్కగా కనిపిస్తోంది
ఇక్కడ కొందరు దాహంతో మిగిలిపోయారు
మరికొందరికి మధువు లభించింది

నేనొక బాధామయ జీవిని
నా జీవితమంతా ఇలాగే గడిచింది
నా సౌందర్యారాధన సఫలం కాలేదు
నా ప్రేమకు ప్రతిగా ప్రేమా లబించలేదు

నీ గమ్యం ఇప్పుడు మారిపోయింది
మీ నుంచి నా దారీ వేరై పోయింది
నా ప్రేమపధంలో ప్రస్తుతం నేనెక్కడ ఆగిపోయానో
నాకే తెలీడం లేదు

నిన్ను మరచిపోవాలన్న నా ప్రయత్నాలన్నీ
విఫలమై పోయాయి
ఎవరైనా నిజమైన ప్రేమ గురించి మాట్లాడినప్పుడు
నీ పేరే నా పెదవుల మీదకు దూసుకొస్తుంది

మన నుదుటిలో వ్రాసి ఉన్న వ్రాతేంటో
ఇక్కడ చక్కగా కనిపిస్తోంది
ఇక్కడ కొందరు దాహంతో మిగిలిపోయారు
మరికొందరికి మధువు లభించింది...
read more " Naseeb Me Jiske Jo Likha Tha - Mohammad Rafi "

23, డిసెంబర్ 2017, శనివారం

మా పుస్తకాలు - శ్రీలలితా సహస్రనామ రహస్యార్ధ ప్రదీపిక






పంచవటి పబ్లికేషన్స్ నుంచి మూడవ ప్రింట్ పుస్తకంగా, మరియు నాలుగో ఈ బుక్ గా ఈ మధ్యనే రిలీజైంది - శ్రీలలితా సహస్రనామ రహస్యార్ధ ప్రదీపిక.

లలితా సహస్ర నామాలకు అనేకములైన వ్యాఖ్యానాలు ఇప్పటికే ఉన్నాయి. వీటిలో 'సౌభాగ్య భాస్కరము' అనబడే "భాస్కరరాయ మఖి" గారి భాష్యం నుంచీ ఈ మధ్యకాలపు రచయితలు వ్రాసిన భాష్యాల వరకూ అనేకం మనకు లభిస్తున్నాయి.

మరి ఈ గ్రంధపు ప్రత్యేకత ఏమిటి?

ప్రతిపదార్ధాల జోలికి పోకుండా, లలితా సహస్రనామాలకు గల అసలైన, సాధనాపరమైన, తంత్రశాస్త్ర సమ్మతమైన నిగూడార్ధాలను వివరించింది ఈ పుస్తకం. దీనిలో పాండిత్య ప్రకర్ష కంటే, ఈ నామాల యొక్క రహస్యములైన సాధనార్ధాలను వివరించే ప్రయత్నమే మీకు దర్శనమిస్తుంది.

నా గురువుల నుంచి నేను తెలుసుకున్నవి, నా సాధనా మార్గంలో నేను పొందినవి అనేక అనుభవాలను ఒక చోటికి తెచ్చి వ్రాయబడినదే ఈ పుస్తకం. ఇందులోని ప్రతి పేజీ మిమ్మల్ని ఆలోచింపజేస్తుంది. ప్రతి లైనూ మిమ్మల్ని ముందుకు పోనివ్వకుండా అడ్డుకుంటుంది. ఈ పుస్తకాన్ని ఒక నవల లాగా చదివి పూర్తిచెయ్యడం అంత తేలిక కాదు. త్వరలోనే ఈ పుస్తకం యొక్క ఇంగ్లీష్ వెర్షన్ - ఈ బుక్ గా వెలువడుతుంది.

ఇది మీకు pustakam.org నుంచి లభిస్తుంది.
read more " మా పుస్తకాలు - శ్రీలలితా సహస్రనామ రహస్యార్ధ ప్రదీపిక "

21, డిసెంబర్ 2017, గురువారం

చెత్తదీక్షలు

ప్రస్తుతం అయ్యప్ప దీక్షల సీజన్ నడుస్తోంది కదా ! దానిమీద ఏదో ఒకటి వ్రాయకపోతే నాకూ, చదవకపోతే నా విమర్శకులకూ నిద్ర పట్టదు. నాకోసం కాకపోయినా, నా విమర్శకుల కోసమైనా వ్రాయక తప్పదని మొన్నో విమర్శక శిఖామణి కలలోకి వచ్చి మరీ మొరపెట్టుకున్నాడు.

'సరే వ్రాస్తాలే, ఏడవకు' అని చెప్పి అతన్ని కలలోనుంచి పంపేశాను.

ఏం వ్రాయాలా అని ఆలోచిస్తూ ఉండగా ఒక బ్లాక్యాట్ ఎదురొచ్చింది. అతను నా స్నేహితులలో ఒకడు. ప్రతేడాదీ దీక్షని ఈ పగటివేషం వేస్తూ  ఉంటాడు.

'ఒక్కసారన్నా మా దీక్ష తీసుకోవచ్చుగా?' డైరెక్ట్ గా పాయింట్ లోకి వచ్చింది క్యాట్.

ఇలా అడగడం వెనుక ఏముంటుందో నాకు బాగా తెలుసు. 

'మనం ప్రతేడాదీ ఈ పనిలేని దీక్ష చేస్తున్నాం కదా. ఈయనేమో ఏ దీక్షా తీసుకోడు. ఏంటి ఇతని గొప్ప? ఇతన్ని కూడా మన రొచ్చులోకి ఎలాగైనా లాగాలి' అన్న దుగ్ధ తప్ప దీని వెనుక ఇంకేమీ ఉండదు.

నాన్ వెజ్ తినేవాళ్ళనూ, సారాయి త్రాగే వాళ్ళనూ గతంలో చాలామందిని చూచాను. వాటి జోలికి పోని వాళ్ళంటే వాళ్లకు ఒక రకమైన జెలసీ లోలోపల ఉంటుంది. ఏంటి వీళ్ళ గొప్ప? అని. అందుకని మనకు కూడా అవి అలవాటు చెయ్యాలని చూస్తూ ఉంటారు. దానికోసం నానా లాజిక్స్ చెబుతూ ఉంటారు. ఇలాంటి వాళ్ళు నాకు చాలామంది గతంలో తగిలారు.

'నాన్ వెజ్ తిను. తింటే నీకు బలం వస్తుంది. ఆరోగ్యంగా ఉంటావు.' అనేవాడు మా ఫ్రెండ్ ఒకడు గతంలో.

'నేను బలంగానే ఉన్నాను. ఆరోగ్యంగానే ఉన్నాను.' అని నేను చెప్పాను.

'అని నువ్వనుకుంటే సరిపోదు.' అన్నాడు.

'పోనీ ఒక పని చేద్దాం. నేను నాన్ వెజ్ అనేది ఇంతవరకూ తినలేదు. నువ్వు రోజూ తింటావు. మనిద్దరం ఫైట్ చేద్దాం. ఎవరు గెలుస్తారో చూద్దాం. వస్తావా? ఇప్పుడే ! ఇక్కడే !' - అన్నాను ఒకడుగు వెనక్కు వేసి స్టాన్స్ తీసుకుంటూ.

'ఒద్దులే. వస్తా' అంటూ వాడు వెళ్ళిపోయాడు. ఆ తర్వాత మళ్ళీ ఆ టాపిక్ ఎత్తలేదు.

త్రాగడం గురించి కూడా నాకు క్లాసు తీసుకున్నవాళ్లు గతంలో ఉన్నారు.

'రోజూ ఒక పెగ్గు తీసుకుంటే లివర్ కు మంచిది. బ్లడ్ సర్కులేషన్ బాగుంటుంది' అన్నాడు ఇంకో ప్రెండ్ ఒకసారి.

'నా లివర్ ప్రస్తుతం బాగానే ఉంది. బ్లడ్ కూడా బాగానే పరిగెట్టుతోంది. అందుకోసం సారాయి త్రాగాల్సిన పని లేదు.' అన్నాను నేను.

'అలా కాదు. ఒక డాక్టర్ గా నేను చెబుతున్నాను. కొన్నాళ్ళు తీసుకుని చూడు. నీకే తెలుస్తుంది.' అన్నాడు.

'నీకు అంత తాగాలని ఉంటే, నన్ను తలచుకుని నా పెగ్గు కూడా నువ్వే త్రాగు. సరేగాని అయిదేళ్ళు మెడిసిన్ చదివి నువ్వు గ్రహించింది ఇదా?' అన్నాను.

అంతటితో అతనూ ఇంక రెట్టించలేదు.

అసలు విషయం ఏమంటే - 'వీడి గొప్పేంటి? మనం పాడైపోయిన వాళ్ళమూ, ఇతనేమో పెద్ద పవిత్రుడూనా? వీడిని కూడా చెడగొట్టి మన స్థాయికి దిగజారిస్తే, అప్పుడు చక్కగా వీడినీ వీడి కులాన్నీ ఎగతాళి చెయ్యొచ్చు.' అన్న దరిద్రపు ఊహే వీళ్ళచేత అలా మాట్లాడిస్తుంది. అంతేగాని మన మంచికోరి వాళ్ళలా మాట్లాడరు. ఇలాంటి వాళ్ళను గతంలో చాలామందిని నేను చూచాను.

అయ్యప్ప దీక్ష కూడా ఇలాంటిదే ! అది చేసినంత మాత్రాన ఆధ్యాత్మిక ఔన్నత్యమేదీ ఒక్కసారిగా ఒరిగి ఒళ్లో పడదు. చెయ్యనంత మాత్రాన ఆధ్యాత్మికంగా లోటూ ఉండదు.

"మనం నానా పనికిమాలిన నియమాలు పాటిస్తూ ఉంటే, వీడేమో ఏ నియమాలూ పాటించడు. పైగా మనకంటే ఉల్లాసంగా ఆనందంగా ఉంటున్నాడు. ఏంటి దీని వెనుక రహస్యం? ఎలాగైనా వీడిని కూడా మన స్థాయికి దిగజార్చాలి" - అన్న కుళ్ళు బుద్దే వీరిచేత అలా మాట్లాడిస్తుంది. ప్రస్తుతం ఈ ప్రెండ్ కళ్ళలోకి చూస్తే అతని ఉద్దేశ్యం కూడా అదేనని నాకనిపించింది.

ఇతనికి కొంత వెరైటీగా జవాబు చెప్పాలని అనుకున్నా.

'చూడమ్మా ! నువ్వు నిజంగా ఏ దీక్ష అయినా చేస్తే, ఒక రెండు వారాలు చాలు. అంతకంటే నువ్వు నానా హింసా పడనక్కర్లేదు. ఈ విషయం తెలుసా నీకు?' అడిగాను.

'అలా అని నాకెవరూ చెప్పలేదు. ముఖ్యంగా మా గురుస్వామి అసలే చెప్పలేదు.' అన్నాడు.

'వాడి బొంద. వాడొక లోఫర్ గాడు. వాడికే తెలీదు. నీకేం చెప్పగలడు?' అన్నాను.

'అదేంటి అలాగంటావు? ఆయన గత ముప్పై ఏళ్ళనుంచీ శబరిమలకు వెళుతున్నాడు.' అన్నాడు కోపంగా.

నవ్వొచ్చింది.

'అంత మాత్రాన వాడొక జ్ఞాని అయిపోతాడా? మీ అజ్ఞానం బాగానే ఉందిలేగాని ఒక విషయం చెప్పు. నువ్వు టెంత్ క్లాసు ఒక్కసారే పాసయ్యావా? లేక ముప్పైసార్లు వ్రాశావా?' అడిగాను.

'అదేంటి మళ్ళీ అలాగంటావు? ఒక్క అటెంప్ట్ లోనే పాసయ్యాను. అప్పట్లో నాకు ఫస్ట్ క్లాస్ కూడా వచ్చింది. ' అన్నాడు గర్వంగా.

'మరి మీ దీక్ష కూడా ఒకసారి చేస్తే సరిపోదా? జీవితాంతం చెయ్యాలా? టెన్త్ పరీక్ష కూడా జీవితాంతం వ్రాస్తూ హైస్కూల్లోనే ఉండకపోయావా? కాలేజీకి ఎందుకొచ్చావ్?' అడిగాను.

'అదేం లాజిక్?' అన్నాడు.

'అవును. ఒక్కసారి పరీక్ష సరిగ్గా వ్రాసి పాసైతే మళ్ళీ మళ్ళీ పరీక్ష ఎందుకు వ్రాయడం? అలాగే, ఒక్కసారి సరిగ్గా దీక్ష చేస్తే, మళ్ళీ మళ్ళీ ఎందుకు చెయ్యడం?' అన్నాను.

'దానికీ దీనికీ సంబంధం ఏముంది?' అన్నాడు మూర్ఖంగా.

'మరి దేనికీ దేనికీ సంబంధం ఉందో నువ్వే చెప్పు. పోనీ నన్ను చెప్పమంటావా? మీ గురుస్వామికి ఇదే బజార్లో ఉన్న శ్రీలక్ష్మి అనే ఆమెతో సంబంధం ఉందా లేదా? ఈ విషయం అందరికీ తెలుసులే? ఈ సంబంధం గురించి ఏమంటావ్?' అడిగాను.

'ఆయన సంబంధాల గురించి ఇప్పుడెందుకు లే?' అన్నాడు.

'పోనీ నీ సంబంధాల గురించి చెప్పమంటావా?' అన్నా నవ్వుతూ.

'కనీసం ఈ నలభై రోజులన్నా శుద్ధంగా ఉంటున్నాం కదా?' అన్నాడు.

'అవునా? లోపల ఉగ్గబట్టుకుని ఈ నలభై రోజుల టార్చర్ ఎప్పుడైపోతుందా అని ఎదురుచూస్తూ మీ దీక్ష చేస్తున్నారు. నాకు తెలీదనుకోకు. నలభై రోజులు శుద్ధంగా ఉంటున్నాం అంటే మిగతా రోజులన్నీ అశుద్ధంగా బ్రతుకుతున్నాం అని నువ్వే ఒప్పుకుంటున్నావ్ కదా? ఆ మిగిలిన రోజులు కూడా నీతిగా ఉండమని నేను చెబుతున్నాను. నీకీ రొష్టంతా లేకుండా నేనొక సలహా చెప్తా విను. ఈ పసలేని దీక్షలు ఆపు. నేనిచ్చే దీక్ష తీసుకో. ఇంకా మంచి రిజల్ట్స్ వస్తాయి.' అన్నాను.

'ఏంటది?' అడిగాడు అనుమానంగా.

'ఏమీ లేదు. పీరియడ్ నలభై రోజులే. కాకుంటే డ్రస్ కోడ్ వేరు. మీరు నల్ల డ్రస్సు వేస్తారు కదా. ఇక్కడ అది కూడా విప్పేసి ఉత్త గోచీతో ఉండాలి. రోడ్డు మీద తిరిగినా, ఆఫీసుకు వెళ్ళినా, ఏం చేసినా గోచీతోనే చెయ్యాలి. ఈ డిసిప్లినంతా గురుస్వామిగా ప్రొమోషన్ రానంతవరకే. అదొచ్చాక గోచీ కూడా తీసేసి హాయిగా తిరగొచ్చు. ఏమంటావ్?' అడిగా సీరియస్ గా.

'నీకు మరీ జోకులెక్కువయ్యాయి' అన్నాడు.

'అవున్లే నీ చేత కాకపోతే జోగ్గానే ఉంటుంది. ఇంకా విను. బ్రేక్ ఫాస్ట్ కి చికెన్ సూప్, మధ్యాన్నం మటన్ బిరియానీ, రాత్రికి చేపలు గానీ రొయ్యల వేపుడు గానీ తినాలి. ప్రతి శనివారం అడవిపంది మాంసం ప్రత్యేకంగా చేయించుకుని తినాలి. అది దొరకకపోతే కోతిమాంసం అయినా పరవాలేదు. పంది త్వరగా దొరకదేమో గాని కోతైతే అడివిలో ఏ చెట్టుమీదైనా ఈజీగా కనిపిస్తుంది. పడుకోబోయే ముందు మాత్రం ఖచ్చితంగా ఒక ఫుల్ బాటిల్ కొట్టి పడుకోవాలి.' అన్నాను.

వాడికి పిచ్చి కోపం వచ్చింది. నావైపు చాలా తీవ్రంగా చూస్తున్నాడు.

'ఎందుకంత కోపం? మీరు మామూలుగా చేసే పనులేగా ఇవన్నీ. దీక్షా సమయంలో ఇంకా రెగ్యులర్ గా చెయ్యాలి. అంతే. కాకుంటే డ్రస్ కోడ్ మాత్రం ఖచ్చితంగా పాటించాలి. ఇంకో కన్సెషన్. మీమీ గరల్ ఫ్రెండ్స్ ని దూరంగా ఉంచాల్సిన పనేమీ లేదు. మీ ఓపిక, వాళ్ళ ఓపిక. ఇంతకంటే ఎక్కువగా వివరించమని నన్ను ఇబ్బంది పెట్టకు.' అన్నా నవ్వుతూ.

'దీనిని దీక్ష అంటారా?' అన్నాడు ఎగతాళిగా.

'ఏం? మీరు చేస్తున్న 'self torture' ను దీక్ష అన్నప్పుడు దీనిని ఎందుకనగూడదు? 'దీక్ష' అనేది మనం పెట్టుకున్న పేరేగా? దీనికీ దీక్ష అనే పెట్టుకుందాం? తప్పేముంది? పైగా అవన్నీ మీరు రోజూ చేసే పనులేగా? కొత్తవి చెయ్యమని నేనేం చెప్పడం లేదు.' అన్నాను.

'నీకర్ధం కాదులే మా సంగతి' అన్నాడు కోపంగా.

'మీరు చేస్తున్నది మీకే అర్ధం కావడం లేదు ఇక మీ సంగతి నాకేం అర్ధం అవుతుందిలేగాని, మీ తిప్పలేవో మీరు పడండి. నాజోలికి రాకండి.' అని చెప్పాను.

అతను కోపంగా చూస్తూ వెళ్ళిపోయాడు.

ఆ ప్రహసనం అంతటితో ముగిసింది.

కధ కంచికి మనం ఇంటికి !
read more " చెత్తదీక్షలు "

18, డిసెంబర్ 2017, సోమవారం

కలబురిగి కబుర్లు - 3 (బుద్ధవిహార్)







కలబురిగిలో చూడదగిన ప్రదేశాలు ఏమున్నాయని మావాళ్ళను అడిగాను. ఏవేవో గుళ్ళూ గోపురాలూ చెప్పారు. వాటికి పోవాలని నాకేమీ అనిపించలేదు. కానీ ఒక ప్రదేశం మాత్రం చూడాలనిపించింది. అదే, గుల్బర్గా యూనివర్సిటీ వెనుకగా ఊరికి దూరంగా ఉన్న ' బుద్ధ విహార్ '. ఎనిమిదేళ్ళ క్రితం కర్నాటక అసెంబ్లీ ప్రతిపక్ష నాయకుడు మల్లికార్జున ఖర్గే ఆధ్వర్యంలో దీనిని రూపకల్పన జరిగింది.

దీనిని 2009 లో రాష్ట్రపతి ప్రతిభా పాటిల్, దలైలామాలు ప్రారంభించారని చెబుతున్నారు. గుల్బర్గాలో 'పాటిల్' అనేవాళ్ళ హవా ఎక్కువ. ఎక్కడ చూచినా ముఖ్యమైన వ్యక్తులు వాళ్ళే ఉంటారు. బిజినెస్ లో, ఉద్యోగాలలో వీళ్ళు ఎక్కువగా కనిపిస్తుంటారు.

దాదాపు 70 ఎకరాల విశాలమైన కొండప్రాంతంలో ఇది కట్టబడింది. ఊరికి దూరంగా నిశ్శబ్ద వాతావరణంలో ఈ ప్రాంగణం ఉన్నది. గ్రౌండ్ ఫ్లోర్ లో ఒక పెద్ద ధ్యానమందిరం ఉంది. ఇందులో బుద్ధుని విగ్రహం ఉన్నది. ఫస్ట్ ఫ్లోర్ లో బుద్ధుని ఆలయం ఉన్నది. ఇందులో కూడా బుద్ధుని విగ్రహంతో బాటు పక్కన ఇద్దరు ప్రధానశిష్యుల విగ్రహాలు ఉన్నాయి. వాళ్ళు సారిపుత్ర, మౌద్గల్యాయన అని వాళ్ళ విగ్రహాల తీరును బట్టి అనుకున్నాను. ఈ విగ్రహాలు థాయిలాండ్ విగ్రహాల పోలికలతో ఉన్నాయి.

ఈ బుద్ధవిహార్ బయట, అంబేద్కర్ తన అనుచరులతో బౌద్ధమతంలోకి మారుతున్న లైఫ్ సైజ్ విగ్రహాలు ఉన్నాయి. 

ఈ బుద్ధ విహార్ కు దగ్గరలోనే కనగనల్లి అనే ఒక గ్రామం ఉన్నది. క్రీస్తు పూర్వం మూడో శతాబ్దంలోనే ఈ గ్రామంలో కమలముని అని ఒక ప్రసిద్ధ బౌద్ధభిక్షువు ఉండేవాడని చరిత్ర చెబుతున్నది. అప్పట్లోనే ఇది ఒక ప్రసిద్ధ బౌద్ధ కేంద్రంగా ఉన్నదన్నమాట.

క్రీస్తు పూర్వం మూడో శతాబ్దం ప్రాంతంలోనే కర్నాటకలో జైన మతం విలసిల్లిందన్న విషయం నాకు తెలుసు. ఎందుకంటే చంద్రగుప్త మౌర్యుడు తన గురువైన భద్రబాహువుతో కలసి కర్నాటకలోని శ్రావణబెలగొలకు వచ్చి అక్కడే తపస్సులో తనువు చాలించాడన్నది చరిత్రలో రికార్డ్ కాబడిన విషయం. అక్కడున్న చంద్రగిరి అనే కొండకు ఆ పేరు  ఈయన నుంచి వచ్చినదే. కానీ బౌద్ధం కూడా అప్పుడే కర్నాటకలో ఉన్నదన్న విషయం ఇప్పుడే విన్నాను. బహుశా కమలముని అనేవాడు జైనముని అయ్యిఉండవచ్చు. వీళ్ళు బహుశా పొరపాటు పడుతూ ఉండవచ్చు. ఎందుకంటే అలాంటి పేర్లు బౌద్దులలో ఉండటం అరుదు.

అప్పుడప్పుడు వస్తున్న టూరిస్టుల వెకిలి గోల తప్ప మిగతా సమయాలలో చాలా ప్రశాంతంగా ఉందిక్కడ. ఊరికి చాలా దూరంగా ఉన్నది గాబట్టి సాయంత్రం అయిదుకల్లా దీనిని మూసేస్తారు. స్టాఫ్ తప్ప ఇక్కడ రాత్రంతా ఎవరూ ఉండరు. కానీ గెస్టులకోసం కొన్ని రూములు కనిపించాయి. వాటిల్లో ఉండే అవకాశం దొరికితే రాత్రంతా అక్కడ ఉండి ధ్యానంలో కాలం గడపొచ్చు అన్న ఆలోచన చాలా సంతోషాన్నిచ్చింది. ఈసారి ఆ ప్రయత్నం చెయ్యాలి.

పక్కనే ఉన్న ఒక పెద్ద భవనంలో ఒక బుద్ధిస్ట్ లైబ్రరీ కూడా ఉన్నదన్న విషయం విన్నప్పుడు మాత్రం కలబురిగికి వచ్చిన తర్వాత కలిగిన ఆనందాలలో కెల్లా గొప్ప ఆనందం కలిగింది. కానీ నేను వెళ్ళినప్పుడు అక్కడేవో రిపేర్లు జరుగుతూ ఉన్నందున లోనికి అనుమతించలేదు.

రాబోయే మూడేళ్ళలో ఇక్కడకు చాలాసార్లు రావలసి ఉంటుంది గనుక, ఈసారి వచ్చినప్పుడల్లా, నా లగేజిని మా అమ్మాయి రూములో పడేసి, రోజంతా ఈ లైబ్రరీలో మకాం వేసి ఇందులోని బౌద్ధగ్రంధాలను (ఇప్పటిదాకా నేను చదవనివంటూ కనిపిస్తే) మొత్తం జీర్ణం చేసుకోవాలని నిర్ణయానికి వచ్చి అక్కడనుంచి బయలుదేరి వెనక్కు వచ్చాను.
read more " కలబురిగి కబుర్లు - 3 (బుద్ధవిహార్) "

15, డిసెంబర్ 2017, శుక్రవారం

Tum Mujhe Yu Bhula Na Pavoge - Mohammad Rafi


Tum mujhe yu bhula na pavoge అంటూ మహమ్మద్ రఫీ మధురంగా ఆలపించిన ఈ గీతం 1970 లో వచ్చిన Pagla Kahi Ka అనే చిత్రంలోనిది. ఈ పాటలో షమ్మీ కపూర్, ఆశా పరేఖ్ నటించారు. ఈ మధురగీతాన్ని నా స్వరంలో కూడా వినండి మరి.

Movie :-- Pagla Kahi Ka (1970)
Lyrics : -- Hasrat Jaipuri 
Music :-- Shankar Jaikishan
Singer:-- Mohammad Rafi
Karaoke Singer:-- Satya Narayana Sarma
Enjoy
------------------------------------------
Tum mujhe yu bhula na pavoge Ha tu mujhe yu
Jab kabhi bhi sunoge geet mere
Sang sang tu bhi gungunavoge Ha tu mujhe yu

Vo bahare vo chandni raate
Hamne ki thi vo pyar ki baathe
Un nazaron ki yaad aayegi
Jab khayalon me mujhko laavoge Ha tu mujhe yu

Mere haathon me tera chehra tha
Jaise koyi gulaab hotha hai
Aur sahara liya tha baahon ka
Vo sama kis tarah bhulavoge Ha tu mujhe yu

Mujhko dekhe bina karar na tha
Ek aisa bhi dour gujraa hai
Jhoot mano tho pooch lo dil se
Mai kahoonga tho rooth javoge Ha tu mujhe yu

Tum mujhe yu bhula na pavoge Ha tu mujhe yu
Jab kabhi bhi sunoge geet mere
Sang sang tu bhi gungunavoge Ha tu mujhe yu

Meaning

You can never forget me
Yes, you can never forget me easily
Whenever you listen to my song
You will sing along with me unknowingly
You can never forget me

Those moon lit nights of spring season
When we had lovely talks together
Will come back to you as sweet memories
When you think of me
Yes, you can never forget me so easily

My hands were holding your lovely face
as if it was a delicate rose flower
and how did you take my hands into yours
How can you forget those romantic evenings
Yes, you can never forget me so easily

There were times when you felt very restless
until you saw me and talked to me
If you think I am lying, ask your heart
If I repeat what your heart will say
You may get upset with me

You can never forget me
Yes, you can never forget me easily
Whenever you listen to my song
You will sing along with me unknowingly
You can never forget me

తెలుగు స్వేచ్చానువాదం

నువ్వు నన్నంత తేలికగా మర్చిపోలేవు
నన్ను మర్చిపోవడం అంత తేలిక కాదు.
నా పాటను విన్నప్పుడల్లా
నీకు తెలీకుండానే నాతో స్వరం కలుపుతావు
నన్నంత తేలికగా మర్చిపోలేవు

ఆ వసంతపు వెన్నెల రాత్రులూ
తెల్లవార్లూ మన మధ్య నడిచిన ప్రేమకబుర్లూ
నువ్వు నన్ను గుర్తు చేసుకున్నప్పుడు
నీకు తీపి జ్ఞాపకాలుగా గుర్తొస్తాయి
నువ్వు నన్నంత తేలికగా మర్చిపోలేవు

ఒక గులాబీ పువ్వును సుతారంగా స్పర్శించినట్లు
నీ ముద్దు మోమును నా చేతులు స్పర్శించాయి
నా చేతులను నీ చేతులలోకి ఎలా తీసుకున్నావో
ఆ ప్రేమమయ సాయంత్రాలను ఎలా మరచిపోగలవు నువ్వు?
నువ్వు నన్నంత తేలికగా మర్చిపోలేవు

నన్ను చూడకపోతే, నాతో మాట్లాడకపోతే
ఉండలేక పిచ్చెక్కినట్లు అయిపోయేదానివి
నేను అబద్దం చెబుతున్నాననుకుంటే
నీ హృదయాన్ని అడుగు
అది చెప్పబోయే మాటను నేను చెబితే
నీకిప్పుడు నచ్చకపోవచ్చు

నువ్వు నన్నంత తేలికగా మర్చిపోలేవు
అవును ! నన్ను మర్చిపోవడం అంత తేలిక కాదు
నా పాటను విన్నప్పుడల్లా
నీకు తెలీకుండానే నాతో స్వరం కలుపుతావు
నన్నంత తేలికగా మర్చిపోలేవు...
read more " Tum Mujhe Yu Bhula Na Pavoge - Mohammad Rafi "

13, డిసెంబర్ 2017, బుధవారం

5th Astro Work Shop


పంచవటి సభ్యులలో జ్యోతిశ్శాస్త్రం అంటే శ్రద్ధ ఉన్నవారు జ్యోతిశ్శాస్త్రాన్ని చక్కగా అధ్యయనం గావిస్తూ మంచి జ్యోతిష్కులుగా రాణిస్తున్నారు. వీరందరూ బాగా చదువుకున్నవారూ, మంచి ఉద్యోగాలలో ఉన్నవారూ కావడంతో 'సైంటిఫిక్ ఆస్ట్రాలజీ' ని త్వరగా నేర్చుకుంటూ శాస్త్రీయ దృక్పధంతో ఎదుగుతున్నారు.

పుస్తకావిష్కరణ రోజున జరిగిన 'అయిదవ జ్యోతిశ్శాస్త్ర సమ్మేళనం' (5th Astro work shop) లో పంచవటి సభ్యులైన జ్యోతిశ్శాస్త్రవేత్తలు తమ తమ టాపిక్స్ మీద పవర్ పాయింట్ ప్రెజెంటేషన్స్ ఇచ్చారు.



జననకాల సంస్కరణ

>> ఒక వ్యక్తి పుట్టిన సమయం ఖచ్చితంగా మనకు లభించనప్పుడు ఆ సమయాన్ని ఎలా రాబట్టాలి? ఆయా సూత్రాలేమిటి? అన్న విషయాన్ని ఒక ఉదాహరణ జాతకంతో చక్కగా వివరిస్తూ సూర్యనారాయణ Birth time rectification అనే టాపిక్ కు న్యాయం చేశాడు.




దశమభావ విచారణ

>> మనిషి జీవితంలో వృత్తి అనేది చాలా ముఖ్యమైనది. అతని జీవనానికి అదే ఆధారం. ఈ విషయాన్ని ఒక ఉదాహరణ చార్ట్ సహాయంతో '10th house analysis - Professional ups and downs అనే తన ప్రెజెంటేషన్ లో సత్యేంద్ర చక్కగా వివరించాడు.




జాతకాన్ని ఎలా చదవాలి?

>> జ్యోతిశ్శాస్త్రంలో స్ఫురణ శక్తి ప్రాధాన్యత, ఒక జాతకాన్ని ఎలా చదవాలి? ఏయే విషయాలు మొదటగా చూడాలి? అన్న విషయాలపై పంచవటి మహిళా జ్యోతిష్కురాళ్ళలో ఒకరైన రత్నపాప తన ఉపన్యాసంలో చక్కగా వివరించింది.




నాడీ జ్యోతిష్యం

>>  నాడీ జ్యోతిష్యంలోని అంశాల గురించి, తన సుదీర్ఘ అనుభవాన్ని వివరిస్తూ మరొక ప్రఖ్యాత జ్యోతిష్కుడు వంశీ క్లుప్తంగా చక్కగా తను ఎంచుకున్న విషయాన్ని వివరించాడు.
  


వక్ర గ్రహములు - వాటి ఫలితాలు

>> వక్రగ్రహాలనేవి జ్యోతిశ్శాస్త్రంలో కొరుకుడు పడని అంశాలు. ఎంతటి పెద్ద జ్యోతిష్కులకైనా అవి అంత త్వరగా అర్ధం కావు. అలాంటి లోతైన విషయాన్ని తన ఉపన్యాసంలో పంచవటి (ఇండియా) జాయింట్ సెక్రటరీ అయిన జనార్దన్ చక్కగా వివరించాడు.




శుభ పాప గ్రహాలు - వాటిని ఎలా అర్ధం చేసుకోవాలి?

>> శుభ, పాప గ్రహాలనే కాన్సెప్ట్ జ్యోతిశ్శాస్త్రంలో ఒక ప్రధానమైన అంశం. ఈ గహనమైన విషయాన్ని మా విధానంలో మేమెలా అర్ధం చేసుకుంటామో చక్కగా తన ప్రెజెంటేషన్ లో వివరించాడు పంచవటి (ఇండియా) సెక్రటరీ రాజు సైకం, MA (Astrology).




జాతకంలో సూర్యచంద్రుల పాత్ర

>> చివరగా ప్రసంగిస్తూ నేను, జాతక విశ్లేషణలో సూర్య చంద్రులను ఎలా అర్ధం చేసుకోవాలి? అనే అంశం మీద నా ప్రెజెంటేషన్ ఇచ్చాను. దాని తర్వాత Spiritual Astrology లోని కొన్ని అంశాలను సభికులకు పరిచయం చేశాను.

మంచి లోతైన సబ్జెక్ట్స్ తీసుకుని విషయాన్ని చక్కగా వివరించి చెప్పిన వీరికి బ్లాగు ముఖంగా నా కృతజ్ఞతలు తెలియజేస్తున్నాను. ఇంగ్లీషు చదువులు బాగా చదువుకున్నప్పటికీ, మన ప్రాచీన ధార్మికసంపద అయిన ఈ శాస్త్రాన్ని కూడా చక్కగా అధ్యయనం చేస్తూ, ఋషి ఋణం తీర్చుకుంటున్న వీరందరినీ అభినందిస్తూ, ముందు ముందు జరిగే సమావేశాలలో, మిగతా సభ్యులు కూడా ముందుకొచ్చి వారికిష్టమైన టాపిక్స్ మీద మాట్లాడవలసినదిగా, దానికి ఇప్పటినుంచే తయారు కావలసిందిగా కోరుతున్నాను.
read more " 5th Astro Work Shop "

'శ్రీ లలితా సహస్రనామ రహస్యార్ధ ప్రదీపిక' పుస్తకావిష్కరణ - మరికొన్ని ఫోటోలు

"పంచవటి స్పిరిట్యువల్ ఫౌండేషన్" ఒక ప్రేమపూరితమైన ఆధ్యాత్మిక కుటుంబంగా వేగంగా రూపుదిద్దుకుంటున్నది. ఈ కార్యక్రమంలో పాల్గొన్న అందరి ముఖాలలో ఆనందం. అకారణ సంతోషం. జీవితంలో ఇన్నాళ్ళకు ఒక అర్ధం పరమార్ధం కలుగుతున్నాయన్న సంభ్రమం. అద్భుతమైన గమ్యాన్ని చేరుకునే క్రమంలో అడుగులు వేస్తున్నామన్న ఆత్మసంతృప్తి. ఇన్నాళ్ళూ వేచి చూచిన ఒక Spiritual fulfillment కలుగుతున్నదన్న ఉత్సాహం.

దేశంలోని నలుమూలల నుంచీ ఇక్కడకు వచ్చారు. ఒక్కొక్కరూ ఒక్కొక్క పని భుజాన వేసుకుని తమ ఇంటి పని కంటే చక్కగా నిర్వహించారు. ఒకే కుటుంబంలా కలసి మెలసి ఉన్నారు. ఎవరి కులం ఏమిటో, ఎవరి మతం ఏమిటో, ఎవరి ఆర్ధిక స్తోమత ఏమిటో, ఎవరి సామాజిక స్థాయి ఏమిటో, ఎవరి బ్యాక్ గ్రౌండ్ ఏమిటో - ఎవరికీ అవసరం లేదు. మేమంతా ఒక కుటుంబం. అంతే !!

ఎవరిలోనూ కల్లా కపటం లేవు. స్వార్ధం లేదు. అనవసరమైన మాటలు లేవు. లోపల ఒకటీ బయటకు ఒకటీ లేవు. స్వచ్చమైన మనసులతో, నిష్కల్మషమైన నవ్వులతో, ఆత్మీయతతో కలసి మెలసి ఈ కార్యక్రమాన్ని జరుపుకున్నాం. సాయంత్రం విడిపోయేటప్పుడు బరువైన గుండెలతో, మళ్ళీ త్వరలోనే కలుస్తామన్న భరోసాతో - ఒకరికొకరు సెలవు తీసుకున్నాం. విడిపోయేటప్పుడు చాలామంది ఏడ్చేశారు కూడా !

ఈ పుస్తకాన్ని నేనొక్కడినే వ్రాయలేదు. మనమంతా కలసి వ్రాశాం. ఇది మన పుస్తకం. మనందరి పుస్తకం !!

ఇదే అసలైన సత్సంగం అంటే. ఇలాంటి సత్సంగం ప్రపంచంలో ఇంకెక్కడ దొరుకుతుంది? భూతద్దం వేసి వెదికినా ఇలాంటి మనుషులు ఎక్కడ దొరుకుతారు?


















































































































read more " 'శ్రీ లలితా సహస్రనామ రహస్యార్ధ ప్రదీపిక' పుస్తకావిష్కరణ - మరికొన్ని ఫోటోలు "