“Be firm with yourself but be kind to others" - Budo Saying

29, అక్టోబర్ 2017, ఆదివారం

Khuda Bhi Asman Se - Mohammad Rafi


Khuda Bhi Aasman Se Jab Zamin Par Dekhta Hoga...

అంటూ మహమ్మద్ రఫీ మధురంగా ఆలపించిన ఈ గీతం 1970 లో వచ్చిన Dharti అనే సినిమాలోది. ఇది కూడా ప్రియురాలి అందాన్ని వర్ణిస్తూ ఒక భావుకుడు పాడిన పాటే. ఈ రాగాన్ని కాపీ చేసి 1973 లో వచ్చిన 'పుట్టినిల్లు మెట్టినిల్లు' అనే తెలుగు సినిమాలో 'ఇదేపాట ప్రతీచోట ఇలాగే పాడుకుంటాను' అంటూ బాలసుబ్రమణ్యం చేత పాడించారు. ఇది కూడా అప్పట్లో హిట్ గీతమే.

Movie:-- Dharti (1970)
Lyrics:-- Rajendra Krishan
Music:-- Shankar Jaikishan
Singer:-- Mohammad Rafi
Karaoke Singer:-- Satya Narayana Sarma
Enjoy
-----------------------------------------------
Khuda Bhi Asman se - Jab Zamin par dekhta hoga - 2
Mere mehboob ko kisne Banaya sochta hoga
Khuda Bhi Asman se - Jab Zamin par dekhta hoga
Mere mehboob ko kisne Banaya sochta hoga
Khuda bhi aasman se

Musavvir khud paresha hai – Ke ye tasveer kiskee hai
Banongi Jiski tum esi – Hasi taqdeer kiski hai
Kabhi vo jal rahaa hoga – Kabhi khush ho raha hoga
Khuda Bhi Asman se - Jab Zamin par dekhta hoga
Mere mehboob ko kisne Banaya sochta hoga
Khuda bhi aasman se

Zamane bhar ki masti ko – Nigaho me sameta hai
Kali se jism ko kitni – Baharo me lapeta hai
Huva tumsa koyi pehle – Na koyi doosra hoga
Khuda Bhi Asman se - Jab Zamin par dekhta hoga
Mere mehboob ko kisne Banaya sochta hoga
Khuda bhi aasman se

Farishte bhi yahaa raatho – Ko aakar ghoomte honge
Jaha rakhti ho tum paavu – Jage vo choomte honge
Kisi ke dil pe kya gujree – Ye vohi jaantaa hoga
Khuda Bhi Asman se - Jab Zamin par dekhta hoga
Mere mehboob ko kisne Banaya - sochta hoga
Khuda bhi aasman se

Meaning

When God himself looks down
at the Earth from Heaven
He must be wondering
Who created my sweetheart?

The painter himself is perplexed
that who created this beautiful painting?
Who is the lucky man to whom you belong?
Envious he is at times
and happy again at other times

The intoxication of the whole world
has gathered into your eyes
your flower like body has been immersed
in countless spring seasons
There never was and never there will be
another beauty like you

The angels too must be roaming here at nights
They must be kissing the place
where you touched the Earth with your feet
Only he knows all this
who has felt and seen all this

When God himself looks down
at the Earth from Heaven
He must be wondering
Who created my sweetheart?

తెలుగు స్వేచ్చానువాదం

దేవుడు కూడా స్వర్గం నుంచి
ఈ భూమివైపు చూస్తూ ఉంటాడు
నా ప్రేయసివైన నిన్ను
తను కాకుండా ఇంకెవరు సృష్టించారా అని

చిత్రకారునికే ఆశ్చర్యం వేస్తోంది
ఈ సుందర చిత్రాన్ని ఎవరు గీచారా అని
నువ్వు ఎవరికి సొంతమో?
ఆ అదృష్టవంతుడు ఎవరో అని
దేవుడికే కాసేపు అసూయగా
కాసేపు సంతోషంగా ఉండి ఉంటుంది

ప్రపంచపు మత్తు అంతా నీ కళ్ళల్లో చేరుకుంది
పువ్వు లాంటి నీ మేను
ఎన్నో వసంతాలలో స్నానం చేసింది
నీ వంటి సుందరి ఇంతవరకూ లేదు
ఇక ముందు ఉండబోదు

అప్సరసలు రాత్రిళ్ళు ఈ ప్రదేశంలో సంచరిస్తారేమో
నీ పాదం తాకిన నేలను ముద్దాడాలని?
ఇదంతా చూచి గ్రహించిన వాడికే
ఇది అర్ధమౌతుంది
ఇతరులకు కాదు

దేవుడు కూడా స్వర్గం నుంచి
ఈ భూమివైపు చూస్తూ ఉంటాడు
నా ప్రేయసివైన నిన్ను
తను కాకుండా ఇంకెవరు సృష్టించారా అని
read more " Khuda Bhi Asman Se - Mohammad Rafi "

20, అక్టోబర్ 2017, శుక్రవారం

జీసస్ క్రీస్ట్ జాతక విశ్లేషణ - 12

ఒకటినుంచీ పదకొండు పోస్టులవరకూ చేసిన ఈ విశ్లేషణను బట్టి మనకు కొన్ని విషయాలు అర్ధమౌతున్నాయి. అవేంటంటే -

1. Star of Bethlehem అనేది సింహరాశిలో ఏర్పడలేదు. ఒకవేళ ఏర్పడింది అనుకుంటే అప్పుడు వచ్చే జీసస్ జాతకంలో దైవత్వం లేదు. మొండితనంతో కూడిన ఒక సాధువు వంటి జాతకం మాత్రమే కనిపిస్తున్నది. నిజమైన క్రీస్తు జాతకంలో Star of Bethlehem లేనే లేదు.

2. జీసస్ తల్లి ఒక కన్య కావడానికి ఎక్కడా ఆస్కారం లేదు. ఇది తర్వాత తరాలలోని క్రైస్తవ మతబోధకులు అల్లిన అబద్దం మాత్రమేగాని ఇది నిజం కాదు. కన్యకు గర్భం రావడం అనేది ఏ తరంలోనూ జరిగే పని కాదు.

3. జోసెఫ్ తో పెళ్లి నిశ్చయం అయ్యాక మేరీ అతనితో కాకుండా వేరెవరితోనో గర్భవతి అయింది. ఈ విషయాన్ని జీసస్ శిష్యుడైన సెయింట్ థామస్ స్వయంగా వ్రాశాడు. ఆ "వేరెవరో" అనేది దేవుడు కాదు. అది ఒక మనిషి మాత్రమే. ఆ మనిషి ఎవరు అనే విషయం అప్పట్లో చాలామంది యూదుమత బోధకులకు తెలుసు. వారు వ్రాసిన పుస్తకాలను ఆధారాలను క్రైస్తవ మత బోధకులు తగలబెట్టి అబద్దాలను ప్రచారం చేస్తూ జనాన్ని నమ్మిస్తూ వచ్చారు. ఇదే అబద్దాన్ని ఇప్పుడు కూడా అందరూ నమ్ముతున్నారు. ఈ నమ్మకానికి కారణం - నమ్మకపోతే ఏ కీడు జరుగుతుందో, దేవుడు కోపిస్తాడేమో అన్న భయం తప్ప సత్యాన్వేషణా తృష్ణ మాత్రం కాదు. ఈ నమ్మకం నిజం కూడా కాదు. ఎందుకంటే సత్యస్వరూపుడైన దైవం సత్యాన్ని తెలుసుకున్నందువల్ల ఏమీ కోపించక పోగా ఇంకా సంతోషిస్తాడు.

4. ఈ నిజం జోసెఫ్ కూ తెలుసు. జీసస్ కూ తెలుసు. ఇది తెలియడం వల్లనే జీసస్ ఎప్పుడూ చాలా సీరియస్ గా ఉండేవాడు. అస్సలు నవ్వేవాడు కాదు. అంతేగాక ఇతరులు నవ్వుతూ సరదాగా ఉన్నా సహించేవాడు కాదు. వారిని తిట్టేవాడు. దీనికి కారణం తనలో ఉన్న గిల్ట్ మాత్రమే.

5. ఈ గిల్టీ ఫీలింగ్ వల్లనే ఒక విధమైన తిరుగుబాటు ధోరణి మొదలై, అందరితో వాదించడం, మొండిగా మాట్లాడటం, ఎదురుతిరగడం వంటి పోకడలు ఆయనలో చిన్నప్పుడే చోటు చేసుకున్నాయి. ఇలాంటి పిల్లల్లో ఇలాంటి పోకడలు వస్తాయని సైకాలజీ కూడా చెబుతున్నది.

6. Inferiority complex ఉన్నవారిలో అనవసరమైన superior behavior ఉంటుందనేది సైకాలజీ చెబుతున్న సత్యం. ఈ ఫీలింగ్ ఆయనలో ఉన్నది గనుకనే, తనను తాను ఒక స్పెషల్ వ్యక్తిగా నిరూపించుకోవడం కోసం, తన guilt ను అధిగమించడం కోసం, స్వదేశాన్ని వదలి ఈజిప్ట్, ఇండియా, టిబెట్ మొదలైన దేశాలలో సంచరించి 18 ఏళ్ళు అక్కడ ఉండి హిందూ మతాన్ని, బౌద్ధమతాన్ని అధ్యయనం చేసి, తనవాళ్ళకు గుణపాఠం చెప్పాలన్న కసితో తిరిగి తన దేశానికి వచ్చాడు.

7. వచ్చిన తర్వాత, చిన్నప్పటి నుంచీ తన వారిమీద ఉన్న కోపంతో, వారి మతమైన యూదుమతాన్ని విమర్శించడం దానికి కొత్త అర్ధాలు చెప్పడం మొదలుపెట్టి అందరితో శత్రుత్వం తెచ్చుకున్నాడు. అదెంత వరకూ వచ్చిందంటే, 'ఇతనిలో ఏ తప్పూ నాకు కనిపించడం లేదు' అని చెప్పి అప్పటి రాజప్రతినిధి అయిన పాంటియాస్ పైలేట్ ఈయన్ను విడచి పెట్టినా కూడా, 'లేదు ఇతన్ని చంపాల్సిందే. ఆపని మీరు చెయ్యకపోతే మా మతగ్రందాల ప్రకారం మేమే ఆ పని చేస్తాం' అని యూదులు తీర్మానించి రాజుకు కూడా ఎదురుతిరిగి ఆయన్ను సిలువ వేసే వరకూ పరిస్థితిని ముదరబెట్టుకున్నాడు.

8. సిలువ వేసినంత మాత్రాన ఎవరూ చనిపోరు. స్పృహ తప్పి పడిపోయిన జీసస్ ను బట్టలు చుట్టి ఒక గుహలో ఉంచగా, ఆయన శిష్యులు సొరంగ మార్గంలో ఆయన్ను తప్పించి, Essene తెగ ప్రజల ద్వారా ఆయనకు వైద్యం చేయించి తిరిగి స్పృహ తెప్పించారు. ఆ తర్వాత ఆయన అక్కడనుంచి తప్పించుకుని తనను ఆదరించి అసలైన ఆధ్యాత్మికతను నేర్పిన ఇండియాకు తన తల్లి మేరీ, తన శిష్యురాలు/ ప్రియురాలైన మేరీ మేగ్డలీన్, తన ఇద్దరు శిష్యులతో వచ్చి కాశ్మీర్లో ఎన్నో ఏళ్ళు నివసించి అక్కడే చనిపోయాడు.

తన భావాలను ప్రచారం చెయ్యడానికి సెయింట్ థామస్ ను మద్రాస్ కు పంపాడు. తామస్ మద్రాస్ లోనే ఉంటూ అక్కడ హిందూదేవతలను విమర్శిస్తూ చంపబడ్డాడు. ఇతను తన గురువైన క్రీస్తులాగానే ఒక తిరుగుబాటుదారుడిలాగా ప్రవర్తించి చావువరకూ తెచ్చుకున్నాడు.

జీససేమో యూదులు అనుసరిస్తున్న యూదుమతాన్ని మార్చాలని ఒక తీవ్రవాదిలాగా ప్రయత్నించి చావును కొని తెచ్చుకున్నాడు. సెయింట్ థామస్ ఏమో, తమిళనాడులో హిందుత్వాన్ని తిడుతూ ప్రచారం చెయ్యబోయి చంపబడ్డాడు. ఈ క్రమంలో గురుశిష్యులిద్దరూ ఒకే దారిలో నడిచారు. 'ఇండియాలో నీ ప్రచారం చెయ్యవద్దు' అని సెయింట్ పాల్ కు హోలీ ఘోస్ట్ (దేవుడు) స్పష్టంగా చెప్పినట్లు బైబిల్లో వ్రాసి ఉంది. ఎందుకంటే, అక్కడ ప్రచారం చెయ్యడానికి కొత్తగా ఏమీ లేదు.ప్రపంచం నేర్చుకున్నదంతా ఇండియానుంచే నేర్చుకుంది.ఇక మళ్ళీ ఇండియాలో ప్రచారం ఎందుకు? కనుకనే 'ఇండియాలో నీ ప్రచారం చెయ్యవద్దు' అని పరిశుద్ధాత్మ  క్లియర్ గా బైబిల్లో చెప్పింది. కానీ పరిశుద్ధాత్మ మాటను కూడా లెక్కచెయ్యకుండా డబ్బుకోసం ఇండియాలో క్రైస్తవాన్ని ప్రచారం చేస్తూ అమాయకులను మతం మారుస్తున్నారు క్రైస్తవులు.

మైలాపూర్ లోని Santhome లో సెయింట్ థామస్ నిర్మించిన చర్చి ఇంకా ఉంది. దీని క్రిందనే ఇతని అస్థికలు ఉన్నాయి. అతను నివసించిన కొండనే ఈనాడు చెన్నైలో "సెయింట్ థామస్ మౌంట్" అంటున్నారు. కాశ్మీర్లోని పహల్ గావ్ లో ఉన్న జీసస్ సమాధిని ఎందఱో విదేశీయులు వచ్చి ఈనాటికీ దర్శిస్తున్నారు. దీనికి అనేక రుజువులు సాక్ష్యాలు చరిత్రలో ఉన్నాయి. చదవండి.

9. క్రైస్తవాన్ని పూర్తిగా వక్రీకరించిన సెయింట్ పాల్, క్రీస్తు సిద్ధాంతాలను పూర్తిగా పక్కన పెట్టి, తనవైన కొత్త సిద్ధాంతాలను ప్రచారం చేశాడు. దేవుడు కాని జీసస్ ను దేవుడుగా ప్రచారం చెయ్యడం మొదలుపెట్టింది ఇతనే. ఈనాడు ప్రపంచం నమ్మి అనుసరిస్తున్న మతం నిజానికి సెయింట్ పాల్ మతం గాని క్రీస్తుమతం కాదు. బైబిల్ ను బాగా చదివితే ఈ విషయం స్పష్టంగా అర్ధమౌతుంది.

10. అందరు మహనీయుల లాగే జీసస్ లో కూడా దైవత్వం ఉన్నమాట నిజమే. కానీ ఈనాటి క్రైస్తవులు చెబుతున్నట్లు - ఆయనొక్కడే దైవకుమారుడు మాత్రం కానే కాడు. దీనికి బైబిల్లోనే అనేక రుజువులున్నాయి. ఇలాంటి దైవకుమారులు భారతదేశంలో ప్రతితరంలోనూ వేలాదిమంది పుట్టారు. ఇప్పటికీ పుడుతున్నారు. దైవకుమారులే కాదు, సరాసరి 'దైవమే' ఇక్కడ అనేక అవతారాలు దాల్చాడు. ఎందుకంటే భారతదేశం పవిత్రభూమి కాబట్టి. ఈ దేశంలో ఏ మహనీయుడినీ శిలువ వెయ్యలేదు రాళ్ళతో కొట్టి చంపలేదు గాబట్టి.

11. క్రీస్తును నమ్మితే రక్షింపబడతారన్నది కూడా అబద్దమే. ఇది కూడా సెయింట్ పాల్ కల్పనే గాని నిజం కాదు. ఒకరిని నమ్మినంత మాత్రాన 'రక్షణ' ఏనాటికీ ఎవరికీ కలుగదు. అసలు 'రక్షణ' అనేదే ఒక బూటకపు మాట. సృష్టి నియమాలు అర్ధంగాని వాళ్ళు సృష్టించిన అబద్ధం ఇది.

జ్ఞానం, మోక్షం అనేవి అసలైన కాన్సెప్ట్ లు అంతేగాని 'రక్షణ' కాదు. ఇవి ఒకరిని నమ్మి మతం మారినంత మాత్రాన రావు. జీవితాన్ని పశుత్వంలోనుంచి దైవత్వం లోకి ఉద్ధరించుకుంటేనే ఇవి సాధ్యమౌతాయి. వీటికోసం ఒకరిని రక్షకుడుగా నమ్మవలసిన అవసరం లేదు.

12.  హిందూమతం (సనాతన ధర్మం) అనేది క్రీస్తుకు ముందు అనేకవేల సంవత్సరాల నుంచీ ఉన్నది. ఇంకా ముందుకు కూడా ఉంటుంది. దానిలో ఎందఱో క్రీస్తులు జన్మించారు. ఇప్పటికీ జన్మిస్తున్నారు. కనుక హిందువైనవాడు క్రైస్తవంలోకి మారవలసిన పని లేదు. అలా మారినందువల్ల వారికి కొత్తగా ఒరిగేది కూడా ఏమీ ఉండదు. అలా ఒరుగుతుందని ఎవరైనా ప్రచారం చేస్తుంటే అది అబద్దం మాత్రమే. హిందూమతంలో లేనిది ప్రపంచంలోని ఏ మతంలోనూ లేదు. ఇందులో ఉన్నన్ని సౌకర్యాలూ సౌలభ్యాలూ ఇంకే మతంలోనూ లేవు. ఉండవు కూడా.

13. క్రీస్తు చెప్పిన నిజమైన బోధనలు వేరు. నేడు క్రైస్తవం చెబుతున్న బోధనలు పూర్తిగా వేరు. నేటి క్రైస్తవం అంతా ఒక మాయ బిజినెస్ మాత్రమే. కులద్వేషాన్ని ఎక్కించి, డబ్బు ఎర చూపి, సైతాన్ అనీ, నరకం అనీ భయపెట్టి, వారికి పనికొచ్చే కొన్ని బైబిల్ పడికట్టు పదాలతో అజ్ఞానులను అమాయకులను బ్రెయిన్ వాష్ చేస్తున్న క్రైస్తవ మతబోధకులే నిజమైన 'సైతాన్ వారసులు'. తమ మాతృభూమికీ, తల్లిలాంటి సొంత మతానికీ వాళ్ళు తీరని ద్రోహం చేస్తూ పాపం మూట గట్టుకుంటున్నారు. ఈ విషయం వాళ్లకు తెలియడం లేదు.

14. నిజమైన హిందువు క్రీస్తును తప్పకుండా గౌరవిస్తాడు. అంతెందుకు? ప్రతి మహనీయుడినీ గౌరవించమనే హిందూమతం చెబుతుంది. కానీ దానికోసం క్రైస్తవం లోకి మారవలసిన పనీ లేదు. తల్లిలాంటి మన హిందూ మతాన్ని తిట్టవలసిన పనీ లేదు. అలా చెయ్యడమే నిజమైన దైవద్రోహం అవుతుంది.

15. మనుషుల పాపాల కోసం క్రీస్తు చనిపోలేదు. ఇది పచ్చి అబద్దం. ఇదంతా సెయింట్ పాల్ అల్లిన కట్టు కధ. యూదు సమాజంలో ఉంటూ వారికి వ్యతిరేకమైన, ఇండియాలో తను నేర్చుకున్న సనాతనధర్మపు (హిందూమతపు) భావాలను బలవంతంగా ప్రచారం చేస్తూ, వాళ్ళను సరిదిద్దుదామని, యెహోవా మతపు మూర్ఖమైన నమ్మకాల నుంచీ, ఆచారాలనుంచీ వారిని బయటకు తెద్దామని బలవంతంగా ప్రయత్నించడం వల్లే, యూదు మతాధికారులతో శత్రుత్వం పెంచుకుని, ఆయన శిలువ వెయ్యబడ్డాడు. అంతేగాని ఈ సంఘటనకు - 'మనందరి పాపాల కోసం ఆయన శిక్షకు గురయ్యాడు' అని చెప్పడం వాస్తవ వక్రీకరణ మాత్రమే. ఈ వక్రీకరణను మొదలుపెట్టింది సెయింట్ పాల్. ఆ తర్వాత పోషిస్తూ వస్తున్నది చర్చ్. అంతేగాని ఇది నిజం కాదు. రెండువేల సంవత్సరాలుగా ఒక అబద్దాన్ని మళ్ళీమళ్ళీ చెప్పినంత మాత్రాన అది నిజం కాలేదు.

16. తన జీవితంలోని చేదు వాస్తవాలను జీర్ణించుకోలేక, లోకం మీద కసితో, అప్పటిదాకా యూదులు అనుసరిస్తున్న యెహోవా మతాన్ని (Old Testament) మారుద్దామని ప్రయత్నిస్తూ తననొక క్రొత్త మహాప్రవక్తగా ప్రకటించుకోవడమూ,ఆ క్రమంలో మతాధికారులకూ,రాజుకూ కోపాలు తెప్పించి చావువరకూ తెచ్చుకోవడమే  జీసస్ చేసిన తప్పు.

ఆచరణాత్మకం కాని ఈ మొండిపద్ధతే ఆయనకు ముప్పు కొని తెచ్చింది. అయితే, ఆ తర్వాతి కాలంలో దీనిని తెలివిగా క్యాష్ చేసుకున్న సెయింట్ పాలూ, ఆ తర్వాతి చర్చి అధికారులూ, జీసస్ ను అడ్డు పెట్టుకుని, మనీ పవర్ ఉపయోగించి, క్రైస్తవాన్ని ఒక ప్రపంచవ్యాప్తమైన వ్యాపారంగా ప్రోమోట్ చెయ్యడంలో విజయం సాధించారు. ఈ వ్యాపారంలో అమాయకులు అజ్ఞానులు సమిధలై మతాలు మారుతున్నారు.

17. క్రైస్తవమూ ఇస్లామూ చెప్పే శాశ్వత నరకమూ శాశ్వత స్వర్గమూ అనేవి అబద్ధాలు. అవి తెలిసీ తెలియని మాటలు. సృష్టిలో శాశ్వతం ఏదీ లేదు. అలాగే స్వర్గమూ నరకమూ కూడా శాశ్వతాలు కావు. కానీ ఈ అబద్ధాలను చెబుతూ రెండువేల ఏళ్ళుగా క్రైస్తవమూ, 1400 ఏళ్ళుగా ఇస్లామూ లోకాన్ని వంచిస్తూ మోసం చేస్తున్నాయి. ఇది సత్యం.

18. అలాగే క్రీస్తు రెండవ రాకడ అనేది కూడా అబద్దమే. తమ జీవితకాలంలోనే క్రీస్తు తిరిగి వస్తాడని క్రీస్తు శిష్యులూ (Apostles), సెయింట్ పాలూ నమ్మారు. అందరికీ బోధించారు. ఎదురుచూచారు. కానీ వారందరూ చనిపోయారు. క్రీస్తు రాలేదు. ఈ రెండువేల సంవత్సరాలుగా ప్రతితరంలోనూ ఇదే అబద్దాన్ని మళ్ళీ మళ్ళీ చెబుతూ లోకాన్ని మోసం చేస్తున్నారు క్రైస్తవ మతాధిపతులు. కానీ క్రీస్తు వస్తున్న జాడా జవాబూ ఎక్కడా కనిపించడం లేదు. ఇంకొక రెండు వేల ఏళ్ళు గడిచినా ఆయన రాడు. అది జరిగే పని కాదు. ఎందుకంటే బైబిల్లోని అనేక అబద్దాల లాగా ఇది కూడా అబద్దమే కాబట్టి.

19. క్రైస్తవులు ప్రచారం చేసే అంతిమతీర్పు అనేది కూడా అబద్దమే. ఏదో ఒక రోజున అంతిమతీర్పు జరుగుతుందనీ, అప్పటివరకూ బ్రతికున్న, చనిపోయిన మనుషులను అందరినీ - క్రీస్తును నమ్మినవారు, క్రీస్తును నమ్మనివారు అనే రెండు వర్గాలుగా విడదీసి మొదటి వర్గాన్ని స్వర్గానికీ, రెండవ వర్గాన్ని నరకానికీ దేవుడు పంపుతాడనీ నమ్మడం అవివేకం. ఇది కూడా సత్యం కాదు. 

సృష్టిలో మనం చేసిన మంచి పనులకు గానీ చెడు పనులకు గానీ ఎక్కడికక్కడే తీర్పు వస్తూ ఉంటుంది. శిక్షలు పడుతూ ఉంటాయి. ఇది సనాతనధర్మం చెప్పే కర్మసూత్రం. ఇది సత్యం. అంతేగాని తెలివితక్కువ సెమిటిక్ మతాలు చెప్పే "అంతిమ తీర్పు" అనేది అబద్దం. తర్కవిరుద్ధం కూడా.

బైబిల్ ను క్షుణ్ణంగా చదివితే, హిందూధర్మాన్ని సక్రమంగా అర్ధం చేసుకుంటే, చరిత్రలోని వాస్తవాలను నిస్పక్షపాతంగా గమనిస్తే ఈ విషయాలన్నీ తెలుస్తాయి. జ్యోతిష్యశాస్త్రం కూడా ఇవే విషయాలను ధృవీకరిస్తోంది.

(అయిపోయింది)
read more " జీసస్ క్రీస్ట్ జాతక విశ్లేషణ - 12 "

19, అక్టోబర్ 2017, గురువారం

జీసస్ క్రీస్ట్ జాతక విశ్లేషణ - 11

27-4-03 BC నాటి జాతకాన్ని పరిశీలిద్దాం. ఆ రోజున వైశాఖపౌర్ణమి అయింది. ఇది బౌద్ధంలో చాలా ముఖ్యమైన రోజు. బుద్ధమతాన్ని అధ్యయనం చేసిన జీసస్ కు ఈ తిధితో సంబంధం ఉండటం సమంజసమే. పైగా ఇది చాలా పర్వదినం కూడా. కనుక ఈ రోజున జీసస్ పుట్టే అవకాశాలున్నాయేమో గమనిద్దాం.

బైబిల్లో గనుక మనం చూస్తే, జీసస్ పుట్టిన రోజున పౌర్ణమి అనిగానీ అమావాస్య అనిగానీ లేదా ఇంకో తిధి అనిగానీ ఎక్కడా వ్రాసి లేదు. ఎందుకంటే వారికి అంతటి ఖగోళ పరిజ్ఞానం లేదు. కనుక జీసస్ జీవిత ఘట్టాలు దశలమీదే మనం ఆధారపడాలి.

ఈ జాతకంలో పన్నెండేళ్ళ వయసులో శని - కుజదశ నడిచింది. దూరదేశ సంచార సూచన లేదు. ముప్పై ఏళ్ళ వయసులో బుధ - గురుదశ నడిచింది. స్వదేశానికి తిరిగి వచ్చే సూచనా లేదు. ముప్పై మూడేళ్ళ వయసులో బుధ-శని-శుక్రదశ నడిచింది. శిలువశిక్షకు ఆస్కారం లేదు.కనుక ఈ జాతకాన్ని తిరస్కరించడం జరిగింది.


28-4-03 BC నాటి జాతకాన్ని గమనిద్దాం. ఆ రోజుకూడా పౌర్ణమే అయింది. కానీ నక్షత్రం మారి జ్యేష్టానక్షత్రం అయింది. పన్నెండేళ్ళ వయస్సులో బుధ - గురుదశ నడుస్తూ దూరదేశ సంచారాన్ని సూచిస్తున్నది. ముప్పై ఏళ్ళ వయసులో కుజ- శుక్రదశ నడుస్తూ స్వదేశాగమనాన్ని చూచాయగా సూచిస్తున్నది. శిలువశిక్ష సమయంలో శుక్ర-రాహు -కేతుదశ నడిచింది. ఇది సరిపోవడం లేదు. కనుక ఈ జాతకాన్ని కూడా తిరస్కరించడం జరిగింది.

2-5-03 BC నాటి జాతకాన్ని గమనిద్దాం. ఈ రోజుకు శుక్రుడు మేషరాశిలోకి ప్రవేశిస్తూ తన ఉచ్చత్వానికి దూరం అవుతున్నాడు గనుక ఇక్కడనుంచీ ముందుకు మనం లెక్కించనవసరం లేదు.

కనుక ఇప్పటివరకూ మనం చూచిన అనేక జాతకాలలో మనకు మూడే మూడు జాతకాలు జీసస్ జీవితంతో దగ్గరగా సరిపోతున్నాయి. వాటిని తులనాత్మక పరిశీలన గావిద్దాం.

1. 17-6-02 BC నాడు నవీన ఖగోళ పరిశోధకుల ప్రకారం సింహరాశిలో వెలుగు కనిపించింది. ఆనాటి జాతకం కూడా జీసస్ జీవిత ఘట్టాలతో సరిపోతున్నది. అయితే - ఈ జాతకంలో కొన్ని లోపాలున్నాయి. అవేంటంటే -

a) ఇది గొప్ప దైవశక్తి ఉన్న జాతకం కాదు.
b) వేసవి కాల జననం అయింది.

2. 22-10-03 BC నాటి జాతకం జీసస్ జనన వివరాలతో చాలా దగ్గరగా సరిపోతున్నది. కానీ ఈ జాతకంలో లోకులు జీసస్ కి ఉన్నదని నమ్ముతున్నంత దైవశక్తి కనిపించడం లేదు. ఒక సాధువు జాతకంలాగా మాత్రమే కనిపిస్తున్నది. ఇది చలికాలానికి దగ్గరలోనే ఉన్నది.

3. 23-4-03 BC ఈ జాతకంలో మాత్రం ఒక దైవశక్తితో నిండి ఉన్న మహనీయుని లక్షణాలు కన్పిస్తున్నాయి. దశలు కూడా జీసస్ జీవిత ఘట్టాలతో సరిపోతున్నాయి. కానీ ఈ జాతకంలో గురువు సింహరాశిలో ఉండడు గనుక Star of Bethlehem ఏర్పడదు. పైగా ఈ జాతకం వేసవి కాలానికి దగ్గరలో ఉన్నది గాని చలికాలానికి దగ్గరలో లేదు.

ఈ విధంగా సరిపోతున్న ఒక్కొక్క జాతకానికీ ఒక్కొక్క లోపం ఉన్నది. కొన్నింటిలో ఒకటిని మించి లోపాలున్నాయి. అన్నింటిలోకీ కలిసిన ఒకే ఒక్క పాయింట్ ఏమంటే - ఇవన్నీ డిసెంబర్ 25 కు దూరంగా ఉన్నాయి.

మనం ఇప్పటివరకూ అనేక కోణాలలో ఈ విషయాన్ని పరిశోధన చేశాం. చారిత్రక పరిశోధకుల అభిప్రాయాలనూ పరిగణనలోకి తీసుకున్నాం. జీసస్ జీవిత సంఘటనలనూ లెక్కలోకి తీసుకున్నాం. ఖగోళ అంశాలనూ గమనించాం. జ్యోతిష్య పరమైన విషయాలనూ చర్చించాం. కానీ ఇవేవీ కూడా ఇదమిద్ధమైన సమాచారాన్ని మనకు అందించడం లేదు. కనుక ఇప్పుడు ఇంకొక పద్ధతిని మనం అనుసరిద్దాం.

ప్రశ్నశాస్త్ర సహాయం
-----------------------------
Prasna Chart 
19-10-2017; 17-09 hours;
Guntur
మనకు చివరకు తేలిన ఈ మూడు జాతకాలూ కూడా జాతకపరంగా ఒకదానిని మించి ఇంకొకటి ఉన్నతంగా కన్పిస్తున్నాయి.కానీ ఈ మూడింటిలో ఒకటి మాత్రమే సరియైనది అవుతుంది. ఇలాంటి సంకట పరిస్థితి ఏర్పడినప్పుడు తప్పకుండా ప్రశ్నశాస్త్ర సహాయాన్ని మనం తీసుకోవలసి ఉంటుంది. ఎందుకంటే ఇలాంటి చిక్కుముడులను ఒక్క ప్రశ్నశాస్త్రమే విప్పగలదు. ఈ పని ఇంక దేనివల్లా కాదు. కనుక ఈ మూడు జాతకాలలో ఏది సరియైనదో తెలుసుకోవడానికి ప్రశ్నశాస్త్ర సహాయం తీసుకుందాం.

లగ్నాన్ని బట్టి చూస్తే మొదటి జాతకపు లగ్నంతో ప్రశ్నలగ్నం సరిపోతున్నందున మొదటిదే సరియైనదని అనిపించవచ్చు కానీ విషయం అంత తేలికగా అర్ధమయ్యేది కాదు. కొంచెం లోతుగా పరిశీలిద్దాం.

1.కాలస్వరూపులైన రాహుకేతువులు మకర కర్కాటక రాశుల ఇరుసులో ఉంటూ ఈ రెంటికీ జీసస్ జాతకంలో ఉన్న ప్రాముఖ్యతను సూచిస్తున్నారు. కనుక ఈ రెంటిలో ఏదో ఒకటి జీసస్ జాతకంలో లగ్నమై ఉండాలి. మూడో జాతకంలో మాత్రమే మకర లగ్నం అవుతున్నది.

2.శనీశ్వరుడు వృశ్చికరాశిలో ఉండి వృషభరాశిని చూస్తున్నందువల్ల  జీసస్ జాతకంలో ఆయన వృషభరాశిలోగాని వృశ్చికరాశిలోగాని ఉండాలి. వృశ్చికరాశిలో ఉండే అవకాశం లేదు. ఎందుకంటే అలాంటప్పుడు జీసస్ జననం ఇంకొక పదిహేనేళ్ళు వెనక్కు పోతుంది. ఇది సాధ్యం కాదు గనుక శనీశ్వరుడు వృషభంలోనే ఉన్నాడని తెలుస్తున్నది. మూడు జాతకాలలోనూ ఇది సరిపోతున్నది.

3. గురువుగారు రాహువుదైన స్వాతీ నక్షత్రంలో ఉన్నందువల్ల ఆ రాహువు కర్కాటకంలో ఉన్నందువల్ల, జీసస్ జాతకంలో గురువుగారు కర్కాటకరాశిలో ఉచ్చస్థితిలో ఉన్నారని తెలుస్తున్నది. కనుక గురువు సింహరాశిలో ఉండాలి అని ఖగోళ పరిశోధకులు అనుకున్న విషయం సరికాదు. ఇది మూడో జాతకంలో మాత్రమే సరిపోతున్నది.

4.శుక్రుడు కన్యారాశిలో నీచలో ఉండి, మీనరాశిని చూస్తున్నందువల్ల జీసస్ జాతకంలో శుక్రుడు మీనరాశిలో ఉచ్చస్థితిలో ఉన్నాడని తెలుస్తున్నది. ఇదికూడా మూడో జాతకంలోనే సరిపోతుంది. అంతేగాక జీసస్ జననం అందరూ అనుకునేటట్లు డిసెంబర్లో కాకుండా మార్చి - ఏప్రిల్ ప్రాంతాలలో జరిగిందని ఈ యోగం చెబుతున్నది.

5.చంద్రుడు కన్యారాశిలో ఉన్నందువల్ల జీసస్ జాతకంలో కూడా కన్యారాశి అని తెలుస్తున్నది. చంద్రుడు చంద్ర నక్షత్రాలైన రోహిణి, హస్తా, శ్రవణాలలో ఉంటేనే కుజదశ తర్వాత వచ్చే రాహుదశ 18 ఏళ్ళు missing years తో సరిపోయే ప్రక్రియ జరుగుతుంది. కానీ చంద్రుడు వృషభరాశిలో ఉన్న జాతకం మనం పరిశీలించాం. అది సరిపోలేదు. మకరరాశిలో ఉన్న జాతకం కూడా పరిశీలించాం అదీ సరిపోలేదు.  ఈ యోగం కూడా మూడో జాతకంలోనే సరిపోతున్నది. 

6.బుధుడు తులారాశిలో ఉంటూ మేషరాశిని చూస్తున్నందువల్ల జీసస్ జాతకంలో బుధుడు మేషరాశిలో ఉన్నాడని తెలుస్తున్నది. తను చెప్పేదే సరియైనదని మొండిగా వాదిస్తూ అవసరమైతే చావువరకూ కూడా తెచ్చుకునే లక్షణానికి ఈ యోగం సూచిక. ఇది కూడా మూడో జాతకంలోనే సరిపోతున్నది.

7.ప్రశ్నకాల కుజునితో (కన్య) జీసస్ జననకాల కుజుడు (మకరం) కోణస్థితిలో ఉండటం మూడో జాతకంలోనే సరిపోతున్నది. 'కుజవత్ కేతు:' అనే సూత్రం ప్రకారం కూడా జీసస్ జాతకంలో కుజుడు మకరంలోనే ఉండటం సరిపోతున్నది.

8.ప్రశ్నకాల సూర్యుడు, జీసస్ జాతకంలో కూడా అదే శుక్రుని ఇంకొక రాశి అయిన వృషభంలో ఉండటం కూడా మూడో జాతకంలోనే సరిపోతున్నది.

9.ఇవన్నీ గాక, ఒక మహనీయుని జాతకంలో ఉండవలసిన శుభస్థితులు మూడో జాతకంలోనే ఉన్నందువల్లా, మిగతా రెండు జాతకాలలో అవి లేనందువల్లా, ఇన్ని పాయింట్స్ తో కలుస్తూ ప్రశ్నకుండలి మూడో జాతకాన్నే సూచిస్తూ ఉన్నందువల్లా, జీసస్ అసలైన జననతేదీ 23-4-03 BC గా మనం నిర్ధారించుకోవచ్చు.

కనుక 23-4-03 BC వైశాఖ శుక్ల ఏకాదశి నాడు జీసస్ జననం జరిగిందని, ఇదే సత్యమని నేను విశ్వసిస్తున్నాను. ప్రపంచం నమ్మకంతో నాకు పని లేదు. నా నమ్మకం నాది. నా లాజిక్ నాది. చారిత్రిక వాస్తవాలు కూడా నా ఈ విశ్లేషణతో ఏకీభవిస్తున్నాయి.

శాస్త్రీయంగా తర్కబద్ధంగా ఆలోచించే జ్యోతిశ్శాస్త్ర పరిశోధకులు మూఢనమ్మకాలకు, వ్యక్తిగత ఇష్టాఇష్టాలకు దూరంగా ఉండాలి. అప్పుడే సత్యం వారికి దర్సనమిస్తుంది. కానీ ఆ సత్యదర్శనం జరగాలంటే, personal preferences ను పక్కనపెట్టి శాస్త్రం దేనిని సూచిస్తే దానిని ఆమోదించవలసి ఉంటుంది.

ఇన్ని కోణాలలో ఈ విషయాన్ని పరిశీలిస్తూ, ప్రతిదానినీ అవునా కాదా అని శల్యపరీక్షకు గురిచేస్తూ, నమ్ముతూ, తిరస్కరిస్తూ, ఇప్పటిదాకా మనం చేసిన పని అదేగా మరి !!

(ఇంకా ఉంది)
read more " జీసస్ క్రీస్ట్ జాతక విశ్లేషణ - 11 "

17, అక్టోబర్ 2017, మంగళవారం

జీసస్ క్రీస్ట్ జాతక విశ్లేషణ - 10

మనం ఇంతసేపూ ఒక కోణంలోనే పరిశోధన చేశాం. ఈ పద్దతిని ఇండక్టివ్ లాజిక్ అంటాం. అదేంటంటే - Star of Bethlehem, సింహరాశి, అర్ధరాత్రి, లూకా సువార్త, జీసస్ జీవితంలో దశలు, సంఘటనలు - ఈ సమాచారం ఆధారంగానే మనం ఇప్పటిదాకా చరిత్రను జల్లెడపడుతూ మనకు కావలసిన తేదీకోసం వెదికాం. ఇవన్నీ కూడా కొన్ని సిద్ధాంతాలు (postulates) మాత్రమే. ఇవి నిజం కావచ్చు. కాకపోవచ్చు. ఇప్పుడు దీనికి పూర్తి వ్యతిరేక కోణంలో పరిశోధన చేద్దాం. అంటే డిడక్టివ్ లాజిక్ ను ఇప్పుడు ఉపయోగించి చూద్దాం.

పైన అనుకున్న అంశాలన్నీ పక్కన పెట్టి, ఒక అవతార పురుషుని స్థాయి జాతకంలో ఉండవలసిన గ్రహస్థితులు BC 3 నుంచి BC 1 వరకూ ఎప్పుడున్నాయో గమనించి ఆ సమయానికి జీసస్ జీవితంలోని సంఘటనలు సరిపోతాయా లేదా చూద్దాం. ఎందుకంటే - ఈ కోణాన్ని కూడా చూడకుండా మనం ఒక నిర్ణయం చెయ్యకూడదు.

జ్యోతిశ్శాస్త్రం అనేది పూర్తిగా లాజిక్ మీద ఆధారపడి ఉన్న శాస్త్రమని ఇంతకు ముందు చాలాసార్లు చెప్పాను. కనుక లాజిక్ లో అన్ని కోణాలూ పరిశీలించకుండా మనం ఒక నిర్ధారణకు రావడం తప్పు అవుతుంది.

ఈ దృక్కోణంలో మళ్ళీ BC 3 నుంచి BC 1 వరకూ ఉన్న 36 నెలల గ్రహస్థితులను జల్లెడ పట్టగా ఏప్రియల్ నెల 03 BC లో మాత్రమే అలాంటి మహనీయుని జననాన్ని సూచించే స్థితులు కనిపిస్తున్నాయి. ఎందుకంటే అదే నెలలో మాత్రమే గురువుతో బాటు, కుజుడు, శుక్రుడు కూడా ఉచ్చ స్థితిలో ఉన్నారు. చంద్రుడు నెలలో ఒకసారి ఎలాగూ ఉచ్చస్థితిలో ఉంటాడు. కనుక మన దృష్టి ఏప్రియల్ 03 BC మీదకు ప్రసరిస్తున్నది.

ఆ నెలలో శనిచంద్ర యోగాలున్న కొన్ని రోజులను గమనిద్దాం.


18-4-03 BC; Night 11.55 hours
Bethlehem, West Bank
ఈ నెలలో సంక్రాంతి 17 తేదీన వస్తున్నది. కనుక మొదటిగా 18-4-03 BC నాటి గ్రహస్థితులను గమనిద్దాం. ఆ రోజున గజకేసరి యోగం కూడా సప్తమంలో ఉన్నది. శుక్ల సప్తమి పుష్యమీ నక్షత్రం అయింది. ఇప్పుడు దశలను పరిశీలిద్దాం.  పన్నెండో ఏట బుధ - రాహు దశ నడిచింది. బుధుడు నవమాదిపతిగా రాహువు దూర దేశ సంచార కారకునిగా దూరదేశ యాత్ర చూచాయగా సరిపోతున్నది. ఆ తర్వాత నడిచిన బుధదశ మిగులు, మరియు కేతు దశ ఏడేళ్ళు అంతగా దూరదేశంలో ఆధ్యాత్మిక సాధనను సూచించడం లేదు. తర్వాత వచ్చిన శుక్ర - సూర్య దశలో స్వదేశానికి రావడం సూచన లేదు.ఆ తర్వాత వచ్చిన శుక్ర - కుజ - రవి దశలో శిలువ శిక్ష సూచన కూడా అంత బాగా సరిపోవడం లేదు. కనుక ఈ తేదీని తిరస్కరించడం జరిగింది.

ఆ తర్వాత ఇంకో తేదీని పరిశీలిద్దాం.


22-4-03 BC Night 11.55 hours
Bethlehem, West Bank
ఇక్కడ ఉన్నది 22-4-03 BC నాటి అర్ధరాత్రి గ్రహస్థితి. ఆ రోజు ఉత్తరానక్షత్రం శుక్లదశమి అయింది. ఇందులో కుజుడు, గురువు, శుక్రుడు ఉచ్చ స్థితిలో ఉన్నారు. నవాంశలో రాహుకేతువులు ఉచ్చస్థితిలో ఉన్నారు. అయితే, వృషభం నాలుగోపాదంలో ఉండటం వల్ల శని నవాంశలో నీచలో ఉన్నాడు. సామాన్యజనంతో జీసస్ కున్న సంబంధం వల్ల, కష్టాలతో కూడిన జీవితం వల్ల, శనీశ్వరుని నీచత్వం సరిపోతున్నది. కానీ, గురువుగారు సింహరాశిలో లేనందువల్ల Star of Bethlehem అక్కడ ఏర్పడదు. అయితే ఇది లేకపోయినా పరవాలేదని మనం అనుకున్నాం గనుక ఈ పాయింట్ ను లెక్కించనవసరం లేదు.

ఇప్పుడు దశలను పరిశీలిద్దాం.

పన్నెండేళ్ళ వయస్సులో ఈ జాతకంలో చంద్ర - శుక్ర దశ నడిచింది.చంద్రుడు సప్తమాధిపతిగా నవమంలో ఉంటూ ఆధ్యాత్మిక విద్యకోసం దూరదేశ ప్రయాణాన్ని సూచిస్తున్నాడు. తర్వాత వచ్చిన ఏడేళ్ళ కుజదశలో కుజుని ఉచ్చస్తితిని బట్టి ఇండియాలో నివసించి ఆత్మవిద్యను సాధన చేసినట్లు సరిపోతున్నది. తర్వాత రాహుదశలోని పదకొండు ఏళ్ళు కుంభరాశిలోని రాహువు వల్ల టిబెట్, నేపాల్ పరిసర ప్రాంతాల్లోని 'హెమిస్' బౌద్ధమఠంలో ఉండి బౌద్ధాన్ని అధ్యయనం చేసిన సూచన సరిపోతున్నది. ఆ తర్వాత రాహు-బుధ-రాహువులో గాని రాహు-బుధ-గురువులో గాని 30 ఏళ్ళ వయసులో తిరిగి తన దేశానికి వెళ్లి అక్కడ జాన్ ద బాప్టిస్ట్ చేతిలో బాప్టిజం పొందిన సూచనలు కూడా సరిపోతున్నాయి. ఎందుకంటే రాహువు కుటుంబ స్థానంలో ఉంటూ తన కుటుంబం దగ్గరకు తను చేరుకోవడం సూచిస్తున్నాడు. బుధుడు నవమాధిపతిగా సుఖస్తానంలో ఉంటూ తిరిగి తన స్వదేశానికి చేరడం సూచిస్తున్నాడు. పోనీ గురు విదశ అనుకున్నా కూడా, గురువు సప్తమంలో ఉచ్చస్థితిలో ఉంటూ లగ్నాన్ని చూస్తున్నాడు. కనుక సరిపోతున్నది.

33 ఏళ్ళ వయసులో శిలువ వెయ్యబడిన సంఘటన సమయంలో రాహు-శుక్ర-రాహుదశ నడిచింది. రాహువు మారక స్థానంలో ఉన్నాడు. శుక్రుడు షష్టాధిపతి అయిన బుధుని నక్షత్రంలో ఉచ్చస్థితిలో ఉంటూ మతపరమైన గొడవలను సూచిస్తున్నాడు. కనుక శిలువశిక్ష కూడా చూచాయగా సరిపోతున్నది. ఆరూఢలగ్నమైన కన్యనుంచి కూడా రాహువు యొక్క ఆరవ భావస్థితి, శుక్రుని సప్తమ మారకభావ స్థితులు శిలువ శిక్షతో సరిపోతున్నాయి.

ఇది ఏప్రిల్ మాసం గనుక చలి తగ్గిపోయి ఉండటం వల్ల కాపరులు రాత్రిళ్ళు ఆరుబయట ఉంటూ గొర్రెలకు కాపలా కాయడం సంభవమే. దీన్ని బట్టి లూకా సువార్తలో వ్రాయబడిన విషయం నిజమే కావచ్చు.

పంచమంలో లగ్నాధిపతి శని ఉంటూ ఆధ్యాత్మికతను సూచిస్తున్నాడు. కానీ ఆయనతో బాటు అష్టమాధిపతి అయిన సూర్యుడు కూడా ఉండటం వల్ల తన శిష్యుల చేతిలోనే తనకు ప్రమాదం ఉందన్న సూచన కూడా సరిపోయింది.    

ఈ జాతకంలో గ్రహాలు చాలావరకు (ఒక్క శనీశ్వరుడు తప్ప) మంచి స్థితులలో ఉంటూ ఒక మహనీయుని జననాన్ని సూచిస్తున్నాయి. కనుక ఇది జీసస్ జాతకం అయి ఉండవచ్చని భావిద్దాం.


23-4-03 BC Night 11.55 hours
Bethlehem - West Bank
దాదాపుగా ఇదే గ్రహస్థితి మరుసటి రోజైన 23-4-03 BC శుక్ల ఏకాదశి రోజుకూడా ఉన్నది. కానీ ఆసమయంలో హస్తా నక్షత్రం - 3 పాదం అయినందున దశలు మారిపోతాయి. ఈ రోజును కూడా పరిశీలిద్దాం. పన్నెండేళ్ళ వయస్సులో ఈ జాతకానికి కుజ - చంద్ర దశ జరిగింది. కుజుడు బాధకునిగా లగ్నంలో ఉచ్చ స్థితిలో ఉంటూ బాధాకరమైన జీవితాన్ని సూచిస్తున్నాడు. చంద్రుడు నవమంలో ఉంటూ దూరదేశ ప్రయాణాన్ని సూచిస్తున్నాడు.కనుక ఇండియాకు బయలు దేరడం సరిపోయింది. ఆ తర్వాత వెంటనే మొదలైన 18 సంవత్సరాల రాహుదశ ఈయన జీవితంలోని missing years ను సరిగ్గా సూచిస్తున్నది. 30 ఏళ్ళ వయసులో జరిగిన రాహు- కుజ దశలో ఈయన తిరిగి స్వదేశానికి రావడం కూడా సరిపోతున్నది. ఆ తర్వాత మొదలైన గురు మహర్దశలో గురు అంతరంలో జాన్ ద బాప్టిస్ట్ దగ్గర ఉపదేశం పొందటం, అలాగే గురు-గురు- రాహు దశలో 7-4-30 AD రోజున న్యూటన్ లెక్కించిన తేదీ నాడు శిలువ శిక్షకు గురవ్వడం సరిపోతున్నది. గురు - రాహు సంబంధంతో గురుచండాల యోగం కలిగి, తన వారి చేతిలోనే మోసానికి గురై అన్యాయంగా శిక్షకు పాత్రుడైనట్లు సూచన ఉన్నది.

ఈ రెండు తేదీలలో గమనిస్తే - 22 కంటే 23 వ తేదీ జీసస్ జీవిత విశేషాలతో దశల పరంగా కరెక్ట్ గా సరిపోతున్నది. ఎందుకంటే మహనీయుల జననం సామాన్యంగా జరిగే ఏకాదశి కావడం ఒకటి. దశలు సరిగ్గా సరిపోవడం - ముఖ్యంగా 18 missing years సరిగ్గా రాహుదశతో సరిపోతూ సంచార జీవితాన్ని కరెక్ట్ గా సూచిస్తున్నందున 23-4-03 BC ని జీసస్ జనన తేదీగా లెక్కించవచ్చు.

కానీ ఈ పద్దతితో కొన్ని ఇబ్బందులున్నాయి. గురువుగారు సింహరాశిలో లేడు గనుక Star of Bethlehem సింహరాశిలో ఏర్పడదు. అలాంటప్పుడు, ఇంకేదో ప్రత్యేక నక్షత్రం అనేది అక్కడ కనిపించి ఉండవచ్చని భావించాలి. కానీ అలాంటి ప్రత్యేక నక్షత్రం అంటూ ఏదీ ఆ ఏళ్ళలో ఆకాశంలో కనిపించినట్లు ఖగోళ రుజువులు లేవు.

కానీ - ఒక మహనీయుడైన వ్యక్తి జననం ఈ సమయంలో జరిగే అవకాశం తప్పకుండా ఉన్నందువల్ల, ఇది జీసస్ జననతేదీ అని భావించవచ్చు. ఇప్పుడు అదే నెలలో మరికొన్ని రోజులను గమనిద్దాం.

(ఇంకా ఉంది)
read more " జీసస్ క్రీస్ట్ జాతక విశ్లేషణ - 10 "

16, అక్టోబర్ 2017, సోమవారం

జీసస్ క్రీస్ట్ జాతక విశ్లేషణ - 9

సెప్టెంబర్ 03 BC నుండి నవంబర్ 03 BC వరకూ మళ్ళీ మార్చ్ 02 BC నుండి ఏప్రిల్ 02 BC వరకూ శనిచంద్ర యోగాలున్న దాదాపు పన్నెండు జాతకాలను పరిశీలించడం జరిగింది.

వాటిల్లో మచ్చుకు కొన్ని తేదీలు ఇక్కడ ఇస్తున్నాను.

30-10-03 BC, 4-11-03 BC, 9-11-03 BC, 18-11-03 BC, 17-3-02 BC, 21-3-02 BC, 27-3-02 BC, 18-4-02 BC

ఈ జాతకాలలో దేనికీ జీసస్ జీవితంలోని ఘట్టాలతో దశలు సరిపోవడం లేదు. కనుక వీటన్నిటినీ తిరస్కరించాను. ఆ విశ్లేషణ అంతా ఇక్కడ ఇచ్చి జ్యోతిష్యం రానివారికి బోరు కొట్టించడం భావ్యం కాదు గనుక అదంతా ఇక్కడ వ్రాయడం లేదు.

ఇకపోతే, ఒకవేళ లూకా సువార్త వ్రాయడంలో సెయింట్ లూకా అనేవాడు పొరపాటు పడ్డాడేమో అనే సందేహం కూడా మనకు కలగవచ్చు. కనుక లోకం నమ్ముతున్నట్లుగా డిసెంబర్ 25 అనేదే జీసస్ జనన తేదీనా? అనే సందేహ నివృత్తి కోసం 03 BC నుంచి 01 BC వరకూ మూడేళ్ళూ ఆ తేదీనాటి జాతకాలను జల్లెడ పట్టడం జరిగింది. ఎందుకంటే - ఒక విషయాన్ని నిర్ధారించే ముందు అన్ని కోణాలనుంచీ దానిని క్షుణ్ణంగా పరిశీలించిన తర్వాతే ఒక నిర్ణయానికి రావాల్సి ఉంటుంది గనుక.

మొదటగా 25-12-03 BC నాటి జాతకాన్ని గమనిద్దాం. ఈ జాతకంలో పన్నెండేళ్ళకు రాహు/రాహు దశ నడిచింది. రాహువు పంచమంలో స్థిరరాశిలో ఉన్నది గనుక missing years సరిపోవడం లేదు.  ముప్పై ఏళ్ళ వయస్సులో గురు/శని దశ నడిచింది. వీరి స్థితిని బట్టి గమనిస్తే స్వదేశానికి తిరిగివచ్చే సూచనలేమీ కనిపించడం లేదు. అలాగే ముప్పై మూడేళ్ళ వయస్సులో నడిచిన గురు/బుధ దశలో కూడా శిలువ శిక్షకు గురయ్యే సూచనలు లేవు. కనుక ఈ సమయం కరెక్ట్ కాదు.

తర్వాత 25-12-02 BC నాటి జాతకాన్ని గమనిద్దాం. ఈ జాతకంలో గురువు సింహరాశి నుంచి కన్యారాశికి వచ్చేశాడు. కనుక Star of Bethlehem ఆకాశంలో ఉండదు. పైగా, ఈ జాతకంలో పన్నెండేళ్ళ ప్రాంతంలో రాహు/రాహు దశ నడచినప్పటికీ, దూరదేశ ప్రయాణాన్ని సూచించడం లేదు గనుక సరిపోలేదు. ముప్పై మూడేళ్ళ వయసులో గురు/శని దశ నడిచింది. శిలువ శిక్ష కనిపించడం లేదు. కనుక ఈ జాతకం కూడా సరిపోలేదు. ఇకపోతే, 25-12-01 BC నాటి జాతకాన్ని చూడనవసరం లేదు. ఎందుకంటే గురువుగారు అప్పటికి తులా రాశిలోకి వచ్చేస్తున్నాడు గనుక అసలు చూడనవసరం లేదు.

కనుక ఇప్పటిదాకా జల్లెడ పట్టిన జాతకాలలో 22-10-03 BC తేదీనాటి జాతకమే జీసస్ జీవిత ఘట్టాలతో సరిపోతున్నందున ఇదే జీసస్ అసలైన తేదీగా ప్రస్తుతానికి అనుకుందాం..

అయితే ఇక్కడ ఒక విషయం ధ్రువీకరించబడుతున్నది. అదేమంటే - 03 BC నుంచి 01 BC వరకూ మనం జల్లెడ పట్టిన అనేక జాతకాలలో ఎక్కడా కూడా ఒక అవతార పురుషునికి ఉండవలసిన దివ్య లక్షణాలున్న జాతకం దొరకడం లేదు. ఒక అవతార పురుషుని జాతకం ఎలా ఉంటుందో మనకు తెలుసు. దానికి రుజువులుగా శ్రీరాముడు, శ్రీకృష్ణుడు, శ్రీరామకృష్ణుల జాతకాలు మనకు ఉన్నాయి. వాటిల్లో ఉండే గ్రహస్థితులు మనకు తెలుసు.


అవేంటి?

జాతకంలోని ఎక్కువ గ్రహాలు ఉచ్ఛస్థితులలో బలంగా ఉండాలి. రాహుకేతువులు మంచి స్థానాలలో ఉండాలి. తిధి వార నక్షత్రాలు శుభప్రదాలై ఉండాలి. మహత్తరమైన దివ్యశక్తులను సూచించే ఆధ్యాత్మిక యోగాలు ఆ జాతకాలలో కనిపించాలి. అప్పుడే అది ఒక దివ్యపురుషుని జాతకమని మనకు నిర్ధారణ అవుతుంది. ఈ నిర్ధారణకు లోకం ఒప్పుదలతో లోకం మెప్పుతో సంబంధం లేదు. ఎందుకంటే, లోకం నమ్మినా నమ్మకపోయినా గ్రహాలు అబద్దాలు చెప్పవు గనుక.

కానీ 03 BC నుంచి 01 BC లోపల అలాంటి గ్రహస్థితులు - star of bethlehem అనేది సింహరాశిలో ఏర్పడిన సంవత్సర కాలంలో - ఎక్కడా కనిపించడం లేదు. కనుక జీసస్ కు, మతబోధకులూ, వారిని గుడ్డిగా నమ్ముతున్న లోకమూ ఆపాదించిన దైవత్వమే తప్ప నిజానికి ఆయనకు అంతటి స్థాయి లేదని ఈ ఎనాలిసిస్ చెబుతున్నది.

ఆయన మహా అయితే ఒక సెయింట్ అయి ఉండవచ్చు గాక, కానీ క్రైస్తవం చెబుతున్న స్థాయిలో ఏకైక లోకరక్షకుడని, ఏకైక దైవకుమారుడని చెప్పేంత స్థాయిలో మాత్రం ఆయన జాతకం లేదు.అయితే - Star of Bethlehem అనేది మనం అనుకుంటున్నట్లుగా సింహరాశిలో గురువుగారున్నపుడు ఏర్పడిన గ్రహస్థితి కాకపోతే మాత్రం, BC 3 నుంచి BC 1 లోపల ఉన్న 36 నెలలలో ఒకేఒక్క నెలలో అలాంటి ఒక మంచి గ్రహస్థితి వస్తుంది. దానిగురించి తర్వాతి పోస్ట్ లో వ్రాస్తాను.

ఇప్పుడు జ్యోతిష్య విద్యార్ధులకు కొన్ని అనుమానాలు రావచ్చు. నా శిష్యులే కొందరు ఈ అనుమానాలు వ్యక్తం చేశారు కూడా. వాటికి సమాధానాలు ఇక్కడ ఇస్తున్నాను.


జీసస్ - సింహలగ్నం 

---------------------------
చర్చి బోధకులు మనల్ని నమ్మిస్తున్న విషయాలను బట్టి, జీసస్ చాలా అమాయకుడనీ, చాలా మెతక స్వభావుడనీ, గంగిగోవు లాంటి వాడనీ చెబుతుంటారు. ఇలాంటి మనస్తత్వంతో ఏ కర్కాటక లగ్నమో, ఏ మీనలగ్నమో సరిపోతుందిగాని, దూకుడుగా ఉండే సింహలగ్నం ఎలా సరిపోతుంది? అన్నది మొదటి ప్రశ్న.

దీనికి నా జవాబు

----------------------
లోకం నేడు నమ్ముతున్నట్లుగా జీసస్ అంత మృదుస్వభావి ఏమీ కాడు. దీనికి రుజువులు బైబిల్లోనే ఉన్నాయి. పదకొండు పన్నెండు ఏళ్ళ చిన్న వయసులోనే యెహోవా ఆలయంలో మత బోధకులతో ఆయన గొడవపడి వాళ్ళకు ఎదురుతిరిగి ప్రశ్నించినట్లు బైబిల్ చెబుతుంది. అంటే చిన్న వయస్సు నుంచే ఆయనలో ఒక నిరసనకారుడూ ఒక తిరుగుబాటు దారుడూ ఉన్నాడని తెలుస్తున్నది. పది పన్నెండేళ్ళ చిన్నపిల్లవాడు అలా పెద్దవాళ్ళకు నలుగురిలో ఎదురుతిరిగి గొడవపెట్టుకోవడం అనేది మృదుస్వభావానికి సూచన కాదు.

అదే విధంగా - 18 missing years తర్వాత తిరిగి ముప్పై ఏళ్ళ వయస్సులో తన దేశానికి వచ్చినపుడు, ఒక కొరడానో లేకపోతే ఒక కర్రనో తీసుకుని, అదే యెహోవా ఆలయంలో ఉన్న దుకాణదారులనూ, వస్తువులు అమ్ముకునే వాళ్ళనూ, కొట్టుకుంటూ అక్కడనుంచి బయటకు తరిమినట్లు బైబిలే చెబుతున్నది.కనుక ఆయనలో కొన్ని తీవ్రవాద లక్షణాలున్నట్లు మనకు బైబుల్ నుంచే తెలుస్తున్నది. ఎందుకంటే - దాదాపు ఇరవైఏళ్ళ తర్వాత కూడా ఆయనలో కోపం తగ్గలేదని, అక్కడ యూదు సమాజంలో ఎప్పటినుంచో ఉన్న సిస్టంను మార్చాలని ఆయన తీవ్రంగా ప్రయత్నించాడని ఈ సంఘటన నిరూపిస్తున్నది.

పైగా, తను చెబుతున్న విషయాలను అర్ధం చేసుకోలేక పోతున్న తన శిష్యులను దద్దమ్మలని, మట్టిబుర్రలని, పనికిమాలిన వారని ఆయన తిట్టినట్లు బైబిలే చెబుతున్నది. ఇంకా మనం గమనిస్తే - తనను రోమన్ సైనికులకు పట్టిచ్చిన జూడాస్ ఇస్కారియేట్ అనే తన శిష్యుడిని ఉద్దేశించి - 'వాడసలు ఎందుకు పుట్టాడు? అలాంటి వెధవ అసలు పుట్టకపోయి ఉంటే ఎంతో బాగుండేది.' అని ఆయన తిట్టినట్లు బైబిలే చెబుతున్నది.

కనుక లోకం నేడు నమ్ముతున్నట్లు ఆయనది సాఫ్ట్ నేచర్ ఏమీ కాదు. ఇలాంటి తిట్లు తిట్టే ఆయన, కర్రతో జనాన్ని తరిమి కొట్టే ఆయన, శాంతస్వభావి అంటే ఎలా నమ్మడం??

ఆయనది సాఫ్ట్ నేచరే అయితే, యూదులు అప్పటిదాకా నమ్ముతున్న యెహోవా మతానికి పూర్తిగా విరుద్ధములైన బోధలను వాళ్లకు చేసి, వారితో గొడవ పడి, శిలువ వరకూ తెచ్చుకునేవాడే కాడు. శాంతిగా మౌనంగా ఉండి అదే సమాజంలో తన జీవితాన్ని గడిపేవాడు. కాని జీసస్ అలా చెయ్యలేదు గనుకా, ఒక విప్లవకారుడి ముద్ర వేయించుకుని, తన చుట్టూ ఒక గ్రూపును తయారు చేసుకుని, మతాధికారులకు రాజుకు కూడా 'ఇక్కడేదో విప్లవం రాబోతున్నది' అన్న అనుమానం కలిగే స్థాయివరకూ విషయాన్ని తీసుకెళ్ళాడు గనుకా, ఆయనది సాఫ్ట్ నేచర్ కాదని మనకు అర్ధమౌతున్నది.


పైగా, ఆయన ఎప్పుడు చూచినా గడ్డం పెంచుకుని ఉన్నట్లు మనం అనేక చిత్రాలలో చూస్తాము. గడ్డం పెంచేవారి జాతకాలలో సింహరాశికి గానీ, మేషరాశికి గానీ తప్పకుండా సంబంధాలు ఉంటాయి. ఎందుకంటే ఈ రెంటికీ గడ్డాలు ఉంటాయి గనుక. 


ఇంకో విషయం ఏమంటే - జీసస్ నవ్వగా ఎప్పుడూ ఎవరూ చూడలేదని బైబిల్ చెబుతున్నది. ఆయన ఎప్పుడు చూచినా గంభీరంగా, ఎప్పుడూ ఏదో పోగొట్టుకున్న వాడిలా ఆలోచిస్తూ ఉండేవాడు. అసలు నవ్వేవాడు కాదు. ఇది సింహరాశి లక్షణమే గనుక ఈయనది సింహలగ్నం కావడానికి అభ్యంతరం  ఏమీ ఉండకూడదు.


పైగా, Lion of Judah (యూదు సింహం) అనే సింబల్ తో ఉన్న లింక్ ప్రకారం ఈయనది సింహలగ్నం కావడానికే ఎక్కువ అవకాశం ఉన్నది. అంతేగాని BV Raman గారితో సహా ఎందఱో జ్యోతిష్యశాస్త్రవేత్తలు చెప్పినట్లు ఈయనది మకరలగ్నమో లేదా మీనలగ్నమో కాకపోవచ్చని అదే జ్యోతిష్యశాస్త్రాన్ని బట్టి నేననుకుంటున్నాను.


మరి మీరు చెప్పినట్లు సెప్టెంబర్ లో జీసస్ పుడితే, డిసెంబర్ 25 అనేది జీసస్ జననతేదీగా ఎలా ప్రచారంలోకి వచ్చింది? అని ఇంకో సందేహం రావచ్చు.


జీసస్ చనిపోయాక దాదాపు మూడు వందల సంవత్సరాల వరకూ అతనెవరో ఎవరికీ తెలీదు. ఇంతకు ముందే చెప్పినట్లుగా, ఆయన బ్రతికున్న సమయంలో ఆయనేమీ ప్రస్తిద్ధ వ్యక్తి కాడు. బానిసలైన యూదులలో పుట్టిన ఒక అనామకుడు మాత్రమే. మూడో శతాబ్దంలో మాత్రమే క్రైస్తవం అనేది ఒక మతంగా అంగీకరించబడి డిసెంబర్ 25 అనేది ఆయన పుట్టినరోజుగా జరుపుకోవడం మొదలైంది. దీనికి కారణం ఏమంటే - డిసెంబర్లో వచ్చే Festival of Lights అనే దానినే రోమన్లు జీసస్ తో ముడి పెట్టి క్రిస్మస్ గా జరుపుకోవడం మొదలుపెట్టారు.


అంటే - జీసస్ కంటే ఎంతో ముందే ఈ డిసెంబర్ 25 ప్రాంతంలో వచ్చే festival of lights అనబడే ఈ పండుగ రోమన్ కల్చర్ లో ఉన్నది. దీనిని వాళ్ళు రోమన్ కల్చర్ కంటే ఎంతో ముందటిదైన వైదిక సంస్కృతి నుంచి స్వీకరించి వాడుతున్నారు. దీనినే మన పండుగలలో "వైకుంఠ ఏకాదశి" అని పిలుస్తాము. ఈ వైకుంఠ ఏకాదశికీ మకర సంక్రాంతికీ సంబంధం ఉన్నది. ఈ సబ్జెక్ట్ మీద గతంలో వివరంగా ఒక పోస్ట్ వ్రాశాను. ఈనాటికీ మనకు డిసెంబర్లో అదే సమయంలో "వైకుంఠ ఏకాదశి" అనేది వస్తుంది. జనవరిలో 'మకర సంక్రాంతి' వస్తుంది. దీనినే రోమన్లు మొదలైన పాశ్చాత్య జాతులు Festival of Lights అనే పేరుతో జరుపుకునేవారు.


ఈ పండుగకూ ఖగోళ శాస్త్రానికీ అవినాభావ సంబంధం ఉన్నది. ఎందుకంటే - ప్రాచీన కాలపు పండుగలకూ సూర్యుని గమనం ఆధారంగా ప్రకృతిలో వచ్చే మార్పులకూ లేదా కొన్ని ప్రత్యేక సంఘటనలకూ సంబంధం ఉండేది. కారణం ఏమంటే - పాతకాలంలో అన్ని దేశాలలోనూ సూర్యుడే దైవంగా కొలవబడేవాడు. కనుక సూర్యగమనం ఆధారంగా వచ్చే ప్రత్యేకమైన ప్రకృతి ఘట్టాలున్న రోజులనే ప్రాచీనులు పండుగలుగా జరుపుకునేవారు. అంతేగాని నేటి మనలాగా, కొందరు వ్యక్తుల జన్మదినాలను పండుగలుగా జరుపుకునేవారు కారు. ఆరోజులలో ప్రకృతికే విలువగాని మనుషులకు కాదు. గమనించండి.

కాబట్టి డిసెంబర్ 25 అనేది జీసస్ అసలు జనన తేదీకాదు. ఈ విషయాన్ని పాశ్చాత్యులు కూడా ఈనాడు నమ్ముతూ Pagan culture నుంచి ఈ తేదీ దిగుమతి చేసుకోబడిందని, ఇది జీసస్ పుట్టిన తేదీ కాదని అంటూ ఉన్నారు. ఈ విషయాన్ని జ్యోతిష్యం శాస్త్రం కూడా నిరూపిస్తున్నది. ఎలాగో ఈ సీరీస్ లో నేను వివరించాను.


కనుక జీసస్ అసలు జనన తేదీ సెప్టెంబర్ 22 - 03 BC అని ప్రస్తుతానికి నేను నమ్ముతున్నాను. నా నమ్మకానికి వెనుక ఉన్న లాజిక్ నూ రీజన్ నూ ఈ సీరీస్ లో ఉంచాను. కానీ మరి లోకమంతా డిసెంబర్ 25 న ఆ పండుగను జరుపుకుంటున్నది. ఇదేంటి?


మాయ అంటే ఇదేగా మరి !! ఇంకో విధంగా చెప్పాలంటే సైతాన్ ప్రభావం అంటే ఇదే !! ఎందుకంటే మాయకే మరోపేరు సైతాన్ కనుక !!


అయినా, క్రిస్మస్ పేరుతో లోకానికి కావలసింది పార్టీలూ, సరదాలూ, తాగుళ్ళూ తందనాలూ, ఆ పేరుతో జరిగే మిలియన్ల డాలర్ల వ్యాపారాలే గానీ, అసలు జీసస్ ఎవరికి కావాలి? ఆయన చెప్పిన అసలైన బోధలెవరికి కావాలి? అన్ని పెడసరి మతాల లాగే, క్రైస్తవం కూడా మనుషుల అజ్ఞానం మీదా  అమాయకత్వం మీదా జరిగే ఒక పెద్ద బిజినెస్. అంతే !!


(ఇంకా ఉంది)
read more " జీసస్ క్రీస్ట్ జాతక విశ్లేషణ - 9 "

15, అక్టోబర్ 2017, ఆదివారం

Ye Zamee Ga Rahi Hai - Amit Kumar


Ye Zameen Gaa Rahi Hai Asmaan Gaa Rahaa Hai
Saath Mere Ye Saara Zahaa Ga Rahaa Hai

అంటూ అమిత్ కుమార్ మధురంగా ఆలపించిన ఈ గీతం 1982 లో వచ్చిన Teri Kasam అనే సినిమాలోది. ప్రకృతిని చూస్తూ మైమరచి పోతూ ఆలపించే భావగీతాల ట్రెండ్ హిందీ చిత్రాలలో చాలా పాతకాలం నుంచీ ఉన్నది. ఇది కూడా అలాంటి గీతమే.

నా స్వరంలో కూడా ఈ గీతాన్ని వినండి మరి.

Movie:-- Teri Kasam (1982)
Lyrics:--Anand Bakshi
Music:--R.D.Barman
Singer:--Amit Kumar
Karaoke Singer:-- Satya Narayana Sarma
Enjoy
---------------------------------------------------
[Ye zamee ga rahee hai Aasmaa gar aha hai
Saath mere ye saara Zahaa ga raha hai] -2

Shokh Kaliyon ke ghunghat – Sarakne lage hai-2
Mast phoolon ke dil bhi – Dhadakne lage hai
Ye bahaaron ka dilkash – Sama ga raha hai
Saath mere ye saara Zahaa ga raha hai
Ye zamee ga rahee hai Aasmaa gar aha hai
Saath mere ye saara Zahaa ga raha hai

Jhoom kar parbaton pe – Ghata cha rahee hai - 2
Pyar kee umr shaayad – Kareebaa rahee hai
Mera dil pyar ki ye – Daasta gaa rahaa hai
Saath mere ye saara - Zahaa ga raha hai
Ye zamee ga rahee hai - Aasmaa gar aha hai
Saath mere ye saara - Zahaa ga raha hai

Bhool kar raah koyi – Hasee aa na jaaye - 2
Is jagaa koyi parda – Nashee aa na jaaye
Is jagaah aaj  ek - Noujavaa gaa rahaa hai
Saath mere ye saara Zahaa ga raha hai
Ye zamee ga rahee hai Aasmaa gar aha hai
Saath mere ye saara Zahaa ga raha hai

Meaning

The Earth is singing, the Sky is singing
With me the whole world is singing

The veils of all beautiful flowers
are slipping from their faces
The intoxicated hearts of flowers
are swaying with emotion
the spring season's happy soul
is singing with me now

The dancing clouds are covering the mountain tops
the age of love is probably coming nearer
my heart is singing a melodious love song
With me the whole world is singing

What if some beautiful girl comes here
after losing her way
What if some damsel with a veil hiding her face
comes this way now
Where an young heart is singing this song today

The Earth is singing, the Sky is singing
With me the whole world is singing...

తెలుగు స్వేచ్చానువాదం

నేల పాడుతోంది నింగి పాడుతోంది
నాతో కలసి ఈ జగమంతా పాడుతోంది

పువ్వుల మోముల నుంచి
పరదాలు జారిపోతున్నాయి
వాటి మధుర హృదయాలు
మత్తుతో తూగుతున్నాయి
వసంతపు ఆనంద హృదయం
నాతో కలసి గానం చేస్తోంది

కొండ కొమ్ముల మీద
మేఘాలు తారట్లాడుతున్నాయి
బహుశా ప్రేమసమయం వచ్చిందేమో?
నా హృదయం
ఈ ప్రేమగీతాన్ని ఆలపిస్తోంది

దారి తప్పిన నా ప్రేయసి
ఇటుగా వస్తుందేమో?
ఒక మేలిముసుగు సుందరి
ఈ దారిలో కనిపిస్తుందేమో?
ఒక లేత హృదయం గానాలాపన చేస్తున్న ఈ దారిలో...

నేల పాడుతోంది నింగి పాడుతోంది
నాతో కలసి ఈ జగమంతా పాడుతోంది..
read more " Ye Zamee Ga Rahi Hai - Amit Kumar "

7, అక్టోబర్ 2017, శనివారం

జీసస్ క్రీస్ట్ జాతక విశ్లేషణ - 8

సెప్టెంబర్ 03  BC నుంచి మన పరిశీలన మొదలుపెడదాం.అప్పుడు సూర్యుడు తులారాశిలో ఉంటాడు. అంటే, సూర్యాస్తమయ సమయానికి (17.30కి) మేషరాశి ఉదయిస్తుంది. అక్కడనుంచి సింహరాశి ఉదయించాలంటే 8 గంటలు పడుతుంది. అంటే, రాత్రి 1.30 నుంచి 3.30 లోపు సింహరాశి ఉదయిస్తూ ఉంటుంది. ఆ సమయానికి అర్ధరాత్రి గతిస్తుంది, ఇంకొక రెండు గంటలలో సూర్యోదయం అవుతుంది. గనుక ఇది జీసస్ జనన మాసం అయ్యే అవకాశం లేదు.కనుక జీసస్ జననం అక్టోబర్ లో జరిగిందని అనుకోవచ్చు.

అక్టోబర్ నెలను గమనిద్దాం.

బెత్లేహెంలో ఈ నెలలో సూర్యాస్తమయం దాదాపుగా సాయంత్రం 5 గంటలకు అవుతుంది. ఆ సమయానికి అక్కడ వృషభరాశి ఉదయిస్తూ ఉంటుంది. అంటే సింహరాశి ఉదయించే సమయం 6 గంటల తర్వాత, అంటే రాత్రి 11 నుంచి 1 గంట లోపుగా ఉంటుంది. ఇది సరిగ్గా అర్ధరాత్రి సమయం గనుక ఈ నెలలో జీసస్ జననం జరిగి ఉండాలి. అప్పటికి చలి ఇంకా ముదిరి ఉండదు గనుక లూకా సువార్త కూడా సరిపోతుంది.

ఇప్పుడు ఇంకొక ముఖ్యమైన ఆధ్యాత్మిక గ్రహయోగాన్ని పరిచయం చేస్తున్నాను. అదే శనిచంద్రయోగం. ఒక వ్యక్తి నిజమైన యోగిగా, లేదా ఒక నిజమైన సాధకుడుగా, లేదా సిద్దుడుగా రూపొందాలంటే అతని జాతకంలో శనిచంద్రులకు పంచవిధ సంబంధాలలో ఏదో ఒకటి ఉండి తీరాలి. దీనికి ఒక కారణం ఉన్నది. ఆ కారణం ఏమిటో చెప్పబోయే ముందుగా, సమయం వచ్చింది గనుక పంచవిధ సంబంధాలంటే ఏమిటో క్లుప్తంగా ఇక్కడ పరిచయం చేస్తున్నాను.

పంచవిధ సంబంధాలు (Five types of planetary relations)
------------------------------------------------------------------------
1. కేంద్రస్థితి -- గ్రహాలు ఒకదానికొకటి కేంద్రస్థితిలో ఉండటం.
2. కోణస్థితి -- గ్రహాలు ఒకదానికొకటి కోణస్థితిలో ఉండటం. 
3. యుతి -- రెండు గ్రహాలు కలిసి ఒకే రాశిలో ఉండటం (ఈ యుతి అనేది మళ్ళీ, ఆ గ్రహాల మధ్య ఉన్న దూరాన్ని బట్టి రకరకాలైన ఫలితాలనిస్తుంది)
4. దృష్టి -- రెండు గ్రహాల మధ్యన దృష్టి ఉండటం (ఈ దృష్టులు మళ్ళీ రకరకాలుగా ఉంటాయి. ఒక్కొక్కదాని ఫలితం ఒక్కో విధంగా ఉంటుంది)
5. పరివర్తన -- గ్రహాలు ఒకరి ఇంటిలో మరొకరు, లేదా ఒకరి నక్షత్రాలలో మరొకరు ఉండటం.వీటి ఫలితాలు ఆయా రాశులను ఆయా నక్షత్రాలను బట్టి రకరకాలుగా ఉంటాయి.

ఒక జాతకంలో ఆధ్యాత్మిక యోగం ఉండాలంటే శని చంద్రుల మధ్యన ఈ పంచవిధ సంబంధాలలో ఏదో ఒకటి తప్పకుండా ఉండాలి.

నవగ్రహాలలో అన్ని గ్రహాలూ ఆధ్యాత్మికతను ఇస్తాయి. అయితే, ఒక్కొక్కటి ఒక్కొక్క విధమైన ఆధ్యాత్మికతను ఇస్తాయి. వీరిలో శనీశ్వరుడు, కేతువు ఇచ్చే ఆధ్యాత్మికత మాత్రం నిజమైన సిద్ధిని కలిగిస్తుంది. ప్రస్తుతం కేతువును పక్కన పెట్టి శనీశ్వరుని గూర్చి మాట్లాడుకుందాం.

శనీశ్వరుడు ఆధ్యాత్మికతను ఇస్తున్న జాతకులు తమ జీవితంలో 'బాధ' అంటే ఏమిటో రుచి చూచి ఉంటారు. అది ఆకలి బాధ కావచ్చు, పేదరికం కావచ్చు, అయినవారి నుంచి వియోగం కావచ్చు, నమ్మినవారి చేతిలో ద్రోహం కావచ్చు, ఇంకా ఎన్నో రకాలైన బాధలు కావచ్చు. కానీ 'బాధ' అంటే ఏమిటో వారికి బాగా తెలిసి ఉంటుంది. ఆ బాధలోనుంచే వారి ఆధ్యాత్మిక వృక్షం పుట్టుకొస్తుంది. అందుకే అది నిజమైన మధుర ఫలాలను కాస్తుంది.

ఎవరి జీవితంలోనైతే బాధ అనేది లేదో, ఎవరికైతే బాధలు తెలియవో వారిది నిజమైన ఆధ్యాత్మికత కాదు. అది ఉత్త డొల్ల ఆధ్యాత్మికత మాత్రమే.అలాంటి ఉత్త ఉపన్యాసక ఆధ్యాత్మికులు లోకంలో వేలాది మంది ఉంటారు. కానీ మానవ జీవితంలోని బాధలను లోతుగా రుచిచూచినవారికి కలిగే ఆధ్యాత్మిక సిద్ది ఇలాంటివారికి కలగదు.

ఒక వ్యక్తి బాధలు పడాలంటే, ఆ జాతకంలో శనీశ్వరునికి ప్రధాన పాత్ర ఉండాలి. మన:కారకుడైన చంద్రునితో ఆయనకు సంబంధం ఉండాలి. అప్పుడే, మానసిక సంఘర్షణ, లోతైన చింతన, ఇతరుల బాధలను తన బాధలుగా భావించే స్వభావం, ఇతరుల బాధలకు స్పందించే గుణం, ఏకాంతం అంటే ఇష్టం, ఇతరులకోసం తన సుఖాలను త్యాగం చేసే గుణం, వైరాగ్యం ఇలాంటి ఉదాత్తమైన లక్షణాలు ఆ వ్యక్తికి కలుగుతాయి. లేకపోతే కలుగవు.

కనుక ఈ అక్టోబర్ నెలలో, ఇలాంటి శనిచంద్ర యోగాలున్న రోజులను ముందుగా మనం గమనిద్దాం.


ఆ నెలలో సంక్రాతి అనేది 21 తేదీన జరుగుతున్నది. మొదటగా అక్టోబర్ 22 - 03 BC తేదీని చూస్తే, ఆరోజున రాత్రి 11.53 కి బెత్త్లేహెంలో గ్రహస్థితి ఇలా ఉన్నది.

లగ్నంలో గురుకేతువులు నిలిచి ఉండి ఆధ్యాత్మిక యోగాన్నిస్తున్నారు. మనకు కావలసిన శనిచంద్ర సంయోగం ఉన్నది. చంద్రుడు ఉచ్చస్థితిలో ఉన్నాడు. కానీ ఈ యోగం తల్లికి ఉన్న మనోవేదనను సూచిస్తున్నది కూడా. నాలుగింట ఉన్న సూర్యుడు తండ్రి పరిస్థితి కూడా లౌకికంగా అంత గొప్పగా ఏమీ లేదని సూచిస్తున్నాడు. సప్తమంలో ఉన్న రాహుకుజులు దూరదేశంలో ఆధ్యాత్మిక విద్యను అభ్యసించడం, శత్రువుల చేతిలో బాధలు పడటం సూచిస్తున్నారు. వక్రి అయిన శనీశ్వరుడు నవమంలో నీచస్థితిలోకి పోతూ అనేక బాధలతో కూడిన ఆధ్యాత్మిక జీవితాన్ని సూచిస్తున్నాడు.ఈ రకంగా గ్రహయోగాలు బాగా సరిపోయాయి. ఇప్పుడు దశలు గమనిద్దాం.

12 ఏళ్ళ వయసులో కుజ - చంద్ర దశ జరిగింది. కుజుడు సప్తమంలో, చంద్రుడు ద్వాదశాధిపతిగా సప్తమాధిపతి అయిన శనీశ్వరునితో కలసి దశమంలో ఉండటం, తన దేశాన్ని వదలి ఒక  దూరదేశానికి ప్రయాణాన్ని సూచిస్తున్నది.

ఆ తర్వాత మొదలైన 18 ఏళ్ళ రాహుదశ జీసస్ జీవితంలోని 18 missing years ను స్పష్టంగా సూచిస్తున్నది. రాహువు సప్తమంలో ఉంటూ, ఈ లగ్నానికి యోగకారకుడూ నవమాదిపతిగా ఆధ్యాత్మికతను ఇచ్చే కుజునితో కలసి ఉండటం వల్ల ఆ సమయంలో దూరదేశాలలో (ఇండియాలో) నివసిస్తూ ఆధ్యాత్మిక విద్యను సాధన చేసినట్లు సూచన ఉన్నది.

30 ఏళ్ళ వయసులో రాహు-కుజ దశలో కుజుని చతుర్దాదిపత్యం వల్ల తిరిగి స్వదేశానికి వచ్చినట్లు సూచనా, అదే సమయంలో కుజుని నవమాధిపత్యం వల్ల John the Baptist చేతిలో స్వదేశంలో ఉపదేశం తీసుకున్నట్లు కనిపిస్తున్నది.

33 ఏళ్ళ వయసులో, శిలువ వెయ్యబడిన రోజులలో ఒకటైన రోజుగా సర్ ఐజాక్ న్యూటన్ రాబట్టిన 7-4-30 AD శుక్రవారం రోజున, సరిగ్గా గురు-గురు-రాహు-శని-శని దశ నడిచింది. గురుచండాల యోగమూ, శపిత యోగమూ కలసి నమ్మిన వారి ద్రోహంతో కూడిన శిలువ శిక్షను సూచిస్తున్నాయి.

కనుక ఈ జాతకం జీసస్ జాతకంతో సరిపోతున్నది. పైగా ఈ జాతక చక్రంలో గ్రహాలను కలుపుతూ రెండు గీతలు గీస్తే సరిగ్గా శిలువ గుర్తు వస్తుంది. విదేశాలలో గీచే వృత్తాకార చార్ట్ అయితే ఈ శిలువ గుర్తు చాలా స్పష్టంగా కన్పిస్తుంది. కానీ, అప్పుడే ఒక నిర్దారణకు రాకూడదు. సందేహ నివారణకు ఇంకా కొన్ని తేదీలు పరిశీలిద్దాం.

(ఇంకా ఉంది)
read more " జీసస్ క్రీస్ట్ జాతక విశ్లేషణ - 8 "

4, అక్టోబర్ 2017, బుధవారం

జీసస్ క్రీస్ట్ జాతక విశ్లేషణ - 7

జ్యోతిష్యశాస్త్రం అనేది చాలా అద్భుతమైనది. చాలామంది అనుకునేటట్లు ఇది మూఢనమ్మకం ఏమాత్రం కాదు. దీనిని జాగ్రత్తగా అధ్యయనం చేస్తే దీనిలోని లోతుపాతులు తెలుస్తాయి.

సామాన్యంగా ఈ శాస్త్రంలో రెండు అంశాలు కలగలిసి ఉంటాయి. ఒకటి - తర్కం (logic). అందుకే ఈ శాస్త్రం Astro ( of the Stars) - logy (logic) అనబడుతుంది. అంటే Logic of the Stars or heavenly bodies అని అర్ధమన్న మాట. రెండు - స్ఫురణ (Intuition). ఇవి రెండూ ఒకదానికొకటి పోషకాలుగా ఉన్నప్పుడు సత్యమనేది మనకు గోచరిస్తుంది.

ఇలా విశ్లేషణ చేసే క్రమంలో మనం ఎన్నో సిద్ధాంతాలను (hypothesis) నిర్మించుకుంటూ వాటిల్లో ఒక్కొక్కదానినీ శల్యపరీక్ష చేస్తూ ముందుకు సాగాలి. ఈ పరీక్షలకు నిలబడే వాటిని ఉంచాలి, కూలిపోయేవాటిని వదిలెయ్యాలి. ఈ క్రమం అంతా ఎలా ఉంటుందంటే ఒక గడ్డివామిలో సూదికోసం వెదికినట్లుగా ఉంటుంది.దీనికి చాలా ఓపిక కావాలి.

Part - 6 లో వ్రాసిన విశ్లేషణ అంతా చాలా సరళంగా చాలా బాగున్నట్లుగా చదివినవారికి అనిపిస్తుంది. కానీ ఇప్పుడు ఇంకో చిన్న లాజిక్ చెబుతాను. ఈ కోణంలో చూస్తే part -6 లాజిక్ మొత్తం కుప్పకూలిపోతుంది.

సింహరాశి అన్న కీలకం ఒకటి దొరికింది గనుక దాని ఆధారంగా మనం మిగతా సమీకరణాన్ని రాబట్టాలి. జనన సమయం తెలిస్తే లగ్నం రాబట్టడం తేలిక. అదొక పద్ధతి. ఇప్పుడు రివర్స్ ఇంజనీరింగ్ చెయ్యాలి. అంటే ప్రస్తుతం మనకు తెలిసిన మిగతా వివరాలను బట్టి జనన సమయాన్ని రాబట్టాలి.

ఇక్కడ కీలకమైన రెండు ఖగోళ అంశాలను పరిచయం చేస్తున్నాను.

ఒకటి - జీసస్ జననం అర్ధరాత్రి ప్రాంతంలో గనుక జరిగి ఉంటే, సూర్యుడు ఖచ్చితంగా ఆ చార్ట్ లో చతుర్ధం (పాతాళం) లో ఉండాలి. లేదా తృతీయంలో కూడా ఉండవచ్చు.

రెండు - సింహరాశిలో ఉన్న star of Bethlehem అనేది రాత్రిపూట ఆకాశంలో కనిపించాలి. పగటి పూట అది కనిపిస్తే three wise men దానిని చూడలేరు గనుక అది ఖచ్చితంగా రాత్రిపూట మాత్రమే ఆకాశంలో వెలుగుతూ కనిపించి ఉండాలి.

ఈ రెండు అంశాలనూ కలిపితే మనం వెదుకుతున్న విషయంలో స్పష్టత వస్తుంది. ఎలాగో చూద్దాం.

Star of Bethlehem అనేది రాత్రిపూట కనిపిస్తూ ఉండాలీ అంటే సూర్యుడు అస్తమించిన తర్వాత సింహరాశి ఉదయించాలి. అంటే, వీరిద్దరూ ఒకరికొకరు సమసప్తకం (Opposition) లో ఉండాలి. అంటే సూర్యుడు కుంభరాశిలో రాహువుతో కలసి ఉండి ఉండాలి.  ఇది మన ప్రస్తుత జాతకంలో కోరదగిన ఆదర్శవంతమైన గ్రహస్థితి. అప్పుడు సూర్యుడు అస్తమిస్తూనే సింహరాశి ఉదయిస్తుంది. అంటే రాత్రంతా ఆకాశంలో కనిపిస్తూ ఉంటుంది. అలా ఉండాలంటే, జీసస్ జననం జనవరి 21  - ఫిబ్రవరి 21 మధ్య అయి ఉండాలి. కానీ ఈ సమయం సరిగ్గా వణికించే చలికాలం మధ్యలో గనుక లూకా సువార్త ప్రకారం అది సాధ్యం కాదు.

అలా కాకపోతే, సూర్యుడు అస్తమించిన కొన్ని గంటలకు సింహరాశి ఆకాశంలో ఉదయించాలి. అలాంటప్పుడు కుంభరాశి వెనుక ఉన్న మకర, ధను,వృశ్చిక,తులా రాశులలో సూర్యుడు ఉండాలి. లేదా, సూర్యుడు అస్తమించక ముందే సింహరాశి ఆకాశంలో ఉండి, చీకటి పడ్డాక వెలుగుతూ కనిపించాలి. అంటే, కుంభరాశికి ముందున్న మీన, మేష, వృషభ, మిధున రాశులలో సూర్యుడు ఉండి ఉండాలి. కనుక మొత్తం మీద సూర్యుడు తులారాశి నుంచి మిథునరాశిలోపు ఉండాలి. అప్పుడు, మొదటి నెలలలో ఏ తెల్లవారు జాముకో సింహరాశి ఉదయిస్తూ, క్రమేణా నెలలు గడిచే కొద్దీ, సూర్యాస్తమయ సమయానికే ఆకాశంలో ఉదయించి కనిపిస్తూ ఉంటుంది. ఇంకో మాటల్లో చెప్పాలంటే, అది రాత్రంతా ఉండకుండా, కొద్దిసేపు మాత్రమే ఆకాశంలో కనిపిస్తుంది. అంటే, ఎలా చూచినా, ఇటువంటి గ్రహస్థితి మనకు కావాలంటే అది తులారాశి (సెప్టెంబర్ 21) నుంచి మిధునరాశి (ఏప్రిల్ 21) లోపు మాత్రమే అవుతుంది.

కానీ ఈ లెక్కలో ఇప్పుడే అసలైన పెద్ద చిక్కొచ్చి పడుతుంది. అదేంటంటే - ఈ నెలలలోనే సరిగ్గా చలికాలం అనేది ఉంటుంది. అదీగాక, ఈ నెలలలో ఎప్పుడు చూచినా శుక్రుడు సింహరాశిలో ఉండడు. ఎందుకంటే శుక్రుడు, సూర్యునికి కొంచం అటూ ఇటూగానే ఎప్పుడూ ఉంటాడు గనుక. కాబట్టి star of Bethlehem అనేదానిని శుక్రుడు లేకుండా ఉత్త గురువుతోనే సరిపెట్టుకోవలసి వస్తుంది.అప్పుడు Part-6 లో మనం ఊహించిన లాజిక్ అంతా కుప్పకూలిపోతుంది. అలాంటప్పుడు, శుక్రుడు సింహరాశిలో లేడు గనుక, దానికి బాగా దగ్గరలో ఉన్న కన్యారాశిలో ఉన్నట్లు అనుకోవాల్సి వస్తుంది. అలా అయితే ఆ నెల సెప్టెంబర్ అవుతుంది. కానీ అప్పుడు శుక్రుడు నీచస్థితిలోకి వచ్చేస్తాడు. లేదా అక్టోబర్ అనుకోవలసి వస్తుంది. చలికాలం అప్పుడప్పుడే మొదలౌతూ ఉంటుంది గనుక, ఈ పరిస్థితితో లూకా సువార్త దాదాపుగా సరిపోతుంది.

కాబట్టి, సెప్టెంబర్ అక్టోబర్ నెలలలో, అంటే చలికాలం మొదట్లోగానీ లేదా మార్చ్ ఏప్రిల్ నెలలలో అంటే, వేసవి కాలం మొదట్లోగానీ జీసస్ జననం జరిగి ఉండాలని ఈ లాజిక్ చెబుతుంది.

ఒకవేళ శుక్రుడు గనుక సింహరాశిలోనే ఉండాలి అప్పుడు గానీ star of Bethlehem ఏర్పడదు అనుకుంటే, ఆ ఏర్పడిన star రాత్రిపూట కనపడదు. ఎందుకంటే ఆ దగ్గరలోనే సూర్యుడూ ఉంటాడు, శుక్రుడూ సింహరాశీ సూర్యునితోనే ఉదయించి సూర్యునితోనే అస్తమిస్తాయి. అంటే రాత్రిళ్ళు సింహరాశి ఆకాశంలో కనిపించదు. దానిలోనే ఉన్న star of Bethlehem కూడా కనిపించదు. ఇకపోతే, పగటిపూట సూర్యుని వెలుగులో అది ఆకాశంలో కనిపించడం సాధ్యం కాదు. ఈ పరిస్థితిలో, three wise men కు అది రాత్రిపూట ఆకాశంలో వెలుగుతూ ఎలా కనిపిస్తుంది?

కనుక శుక్రుడిని ప్రస్తుతానికి ఒదిలేసి - గురువుగారు ఒక్కరే సింహరాశిలో ఉన్న ఏడాది కాలంలో, సెప్టెంబర్ నుంచి ఏప్రిల్ లోపుగా జీసస్ జననకాలం కోసం మనం వెదకవలసి ఉంటుంది. దీనిలో కూడా మళ్ళీ చలికాలపు నెలలను వదిలేసి మన వెదుకులాటను కొనసాగించవలసి ఉంటుంది.

ఈ చిన్న లాజిక్కుతో కధ మళ్ళీ మొదటికొచ్చిందన్నమాట !!

(ఇంకా ఉంది)
read more " జీసస్ క్రీస్ట్ జాతక విశ్లేషణ - 7 "

జీసస్ క్రీస్ట్ జాతక విశ్లేషణ - 6

మనకు ప్రస్తుతం శక్తివంతమైన జ్యోతిష్య సాఫ్ట్ వేర్ ప్రోగ్రాములున్నాయి. అవి BC నాటి గ్రహస్థితులను కూడా ఖచ్చితంగా చూపగలవు. ఇప్పుడు మనకు దొరికిన ఈ పాయింటును ఉపయోగించి మన వెదుకులాటను ఇంకా దగ్గరకు తెద్దాం.

రాహుకేతువులు సింహరాశిలో ఉన్న ఈ ఏడాదిన్నర సమయంలో, గురువుగారు 12-8-03 BC నుంచి 9-9-02 BC దాదాపుగా ఏడాదిపాటు సింహరాశిలో ఉన్నారు.

మళ్ళీ, ఈ సంవత్సర కాలంలో --

శుక్రుడు 12-8-03 నుంచి 2-9-03 BC వరకూ 22 రోజులపాటు సింహరాశిలో ఉన్నాడు.

మళ్ళీ 3-6-02 BC నుంచి 6-7-02 BC వరకూ 34 రోజులపాటు సింహరాశిలో ఉన్నాడు.

కనుక జీసస్ జననం ఈ మొదటి 22 రోజులలోగానీ, రెండవ 34 రోజులలోగానీ జరిగి ఉండాలి.

ఈ ఎనాలిసిస్ ను బలపరుస్తున్న అంశాలు :--

1 . ఈ కాలవ్యవధులు రెండూ కూడా, చలికాలంలో లేవు. ఎండాకాలం పరిధిలోనే ఉన్నాయి. కనుక గాస్పెల్ ఆఫ్ లూక్ 2:8 లో చెప్పబడిన అంశం సరిపోతున్నది.

Luke 2:8  [Bible -King James Version]


"And there were in the same country shepherds abiding in the field, keeping watch over their flock by night".

2 . ఈ రెండు కాలవ్యవధుల లోనూ, గురువు, శుక్రుడు, కేతువు ముగ్గురూ కూడా సింహరాశిలోనే మనకు కనిపిస్తున్నారు. వీరిలో కేతువు కంటికి కనిపించే గ్రహం కాదు. అది ఒక గణిత బిందువు మాత్రమే. కానీ గురువు శుక్రుడు కంటికి కనిపిస్తారు. రెగులస్ (మఖా) నక్షత్ర మండలంలో వీరిద్దరూ కూడా నిలిచి ఉండి ఒక star formation ను పూర్తి చేసినట్లు మనం భావించవచ్చు.

జీసస్ జీవిత వివరాలు అటూ ఇటూగా మనకు తెలుసు. కనుక ఈ రెండు పీరియడ్స్ నూ జల్లెడ పడితే, ఈ 56 రోజులలో ఏదో ఒక రోజున జీసస్ జనన వివరాలు, ఆయా జాతక దశలతో మనకు సరిపోవాలి. ఆ తేదీయే జీసస్ జననతేదీ అని మనం చాలా వరకూ తార్కికంగా అనుకోవచ్చు.

మనకు ప్రస్తుతం ఈ క్రింది తేదీలు లభిస్తున్నాయి.

1. 17-6-02 BC -- ఇది సరిపోతున్నది.

2. 29-9-02 BC -- ఇది సరిపోవడం లేదు.

3. 11-9-03 BC -- ఇది సరిపోవడం లేదు.

4. 12-8-03 BC -- ఇది సరిపోతున్నది.

5 . 14-9-03 BC -- ఇది సరిపోవడం లేదు.

6. 17-2-02 BC -- ఇది సరిపోవడం లేదు.

7. 8-5-02 BC -- ఇది సరిపోవడం లేదు.

8. 29-8-03 BC -- ఇది సరిపోతున్నది.

వీటిలో చార్ట్ - 1 మనం ఇప్పటికే విశ్లేషణ చేసి ఉన్నాం. మరికొన్ని ఖగోళ అంశాలను విశ్లేషించుకున్న తర్వాత ఈ తేదీలను క్షుణ్ణంగా పరిశీలిద్దాం. ఇవిగాక ఇంకా ఏవైనా ఇతర తేదీలు దొరుకుతాయేమో కూడా పరిశీలిద్దాం. ఎందుకంటే, ఇలాంటి విషయాలలో అన్నికోణాల నుంచీ క్షుణ్ణంగా పరిశీలించిన తర్వాతే ఒక నిర్ణయానికి రావలసి ఉంటుంది.

(ఇంకా ఉంది)
read more " జీసస్ క్రీస్ట్ జాతక విశ్లేషణ - 6 "