Everything is real, because the seer is real

1, మార్చి 2022, మంగళవారం

మోడీ ఏం చేస్తున్నాడు?

నల్లముసుగుల ఆందోళన

నానాటికీ ముదురుతోంది

మోడీ ఏం చేస్తున్నాడు?


పిల్లకుంకల పిచ్చిచేష్టలు

నానాటికీ పెరుగుతున్నాయి

మోడీ ఏం చేస్తున్నాడు?

ఉక్రెయిన్ మీద రష్యా 

ఉక్రోషంగా బాంబులేస్తోంది

మోడీ ఏం చేస్తున్నాడు?


అక్కడున్న మెడికల్ విద్యార్థులు

అయోమయంలో పడిపోయారు

మోడీ ఏం చేస్తున్నాడు?


సీఈవోగారి సుపుత్రుడు

చిన్ననాడే హరీమన్నాడు

మోడీ ఏం చేస్తున్నాడు?


పీ ఆర్వో గారి మనమడు

పిచ్చికూతలు కూస్తున్నాడు

మోడీ ఏం చేస్తున్నాడు?


మందు రేట్లు సామాన్యుడికి

అందుబాటులో లేవు

మోడీ ఏం చేస్తున్నాడు?


పందిపిల్లలన్నీ బలిసి 

పైకెక్కి కూస్తున్నాయి

మోడీ ఏం చేస్తున్నాడు?


చర్చిపోపు గారొచ్చి

పుతిన్ చెయ్యి పుణికాడు

మోడీ ఏం చేస్తున్నాడు?


మార్చిలోనే ఎండలు

మహా ముదురుతున్నాయి

మోడీ ఏం చేస్తున్నాడు? 


మా బాత్రూం పంపులో

నీళ్లు రావట్లేదు 

మోడీ ఏం చేస్తున్నాడు?

మా బెడ్రూంలో ఏసీ

పనిచెయ్యట్లేదు

మోడీ ఏం చేస్తున్నాడు?