“అడ్డు లేనిది, అంతు లేనిదే అమ్మ" -- జిల్లెళ్ళమూడి అమ్మగారు

13, నవంబర్ 2015, శుక్రవారం

ఈ అతికామయోగం ఎన్నాళ్ళు సారూ?

ఈ రోజు మధ్యాన్నం ఒక అభిమాని ఫోన్ చేశాడు.

'మీరు చెప్పినట్లే ఇంకా రేపులు జరుగుతూనే ఉన్నాయి.బుధవారం రాత్రి బెంగుళూరు కబ్బన్ పార్క్ లో 30 ఏళ్ళ  ఇంజినీరింగ్ గ్రాడ్యుయేట్ యువతి పార్క్ సెక్యూరిటీ గార్డ్స్ చేతిలో గ్యాంగ్ రేప్ కు గురైంది.' అన్నాడు.

'ఇందులో ఏమీ అనుమానం అక్కర్లేదు.గ్రహప్రభావాలు ఉన్నంతకాలం ఇవి జరుగుతూనే ఉంటాయి.గ్రహాలు ఇప్పుడున్న చోటు నుంచి మారిపోతే ఆరోజు నుంచి జరగమన్నా జరగవు.' అన్నాను.

'ఇంకా ఎన్నాళ్ళు సార్ ఈ అతికామయోగం? ' అన్నాడు.

'ప్రస్తుతం శుక్ర కుజ రాహువులు కన్యారాశిలో ఉన్నారు.వీరిలో శుక్రుడు ముందున్నాడు.కుజుడు వెనుకగా ఉన్నాడు.రాహువు వక్రగతిలో సింహం వైపు వెనక్కు పోతున్నాడు గనుక ఆయనతో ఇబ్బంది లేదు.శుక్రుడిని కుజుడు వెంబడిస్తున్నాడు.అందుకనే ఆడవాళ్ళను మగవాళ్ళు వెంటాడుతున్నారు.అఘాయిత్యాలు చేస్తున్నారు.డిసెంబర్ 1 తేదీన శుక్రుడు ఇప్పుడున్న రాశిమారి తులారాశిలోకి వస్తాడు.అంతవరకూ ఇలాంటి దుస్సంఘటనలు తప్పవు.' అన్నాను.

'మరి ఈ సమయంలో అమ్మాయిలు ఏమేం జాగ్రత్తలు తీసుకోవాలి?' అడిగాడు.

'సాహసాలు పనికిరావు.రాత్రి పొద్దుపోయిన తర్వాత ఒంటరిగా బయట తిరగడం మానుకోవాలి.ఒకవేళ తప్పకపోతే ఎవరినైనా తోడు తీసికెళ్ళాలి. ఎమర్జెన్సీ ఫోను నంబర్లు దగ్గర ఉంచుకోవాలి.జాగ్రత్తలో ఉండటం మంచిది. ఎందుకంటే ప్రస్తుతం గ్రహస్థితి బాగాలేదు.ఎవరి బుద్ధి ఎలా మారుతుందో చెప్పలేము.అందుకని రిస్క్ తీసుకోవడం అస్సలు పనికిరాదు.' చెప్పాను.

'ఏంటి మన దేశంలో ఈ ఖర్మ?' వాపోయాడు.

'లోకల్స్ ఎప్పుడూ ఇలాంటి నేరాలు చెయ్యరు.డిల్లీలో కూడా లోకల్స్ అందరూ బాగా చదువుకున్న వాళ్ళూ ఉన్నత స్థాయిలో ఉద్యోగాలు చేసేవారూను. వాళ్ళు సాధారణంగా ఇలాంటి పనులు చెయ్యరు.బీహార్ నుంచీ రాజస్థాన్ నుంచీ హర్యానా నుంచీ అక్కడకు చిన్నచిన్న పనులు చేసుకునే వాళ్ళు వేలసంఖ్యలో వస్తుంటారు.వాళ్లకు ఇల్లూ వాకిలీ సరిగ్గా ఉండవు.చదువు ఉండదు.లేబర్ గా డిల్లీకి వస్తుంటారు.వీళ్ళవల్లే క్రైం జరుగుతూ ఉంటుంది. బెంగుళూరు కూడా అంతే.లోకల్స్ అందరూ చాలా మంచివాళ్ళు. బయటనుంచి వచ్చిన వాళ్ళ వల్లే ఈ క్రైమ్స్ జరుగుతూ ఉంటాయి.ఈ ఇద్దరు సెక్యూరిటీ గార్డ్స్ కూడా బీహారీలే అంటున్నారు.ఇప్పుడు నయంగదూ కనీసం దోషులను వెంటనే పట్టుకుంటున్నారు.ఇంతకు ముందైతే దిక్కూ దివాణం ఉండేది కాదు.అసలు కంప్లెయింట్ ఇస్తే పట్టించుకునేవారే కారు.ఇప్పుడు చాలా నయం.కానీ చాలదు.పరిస్థితి ఇంకా మారాలి.లా అండ్ ఆర్డర్ బాగా కట్టుదిట్టం కావాలి.అప్పుడు గాని ఇలాంటి నేరాలు మటుమాయం కావు. అంతవరకూ ఎవరి జాగ్రత్తలో వారు ఉండటం మంచిది.' అన్నాను.

'అంటే ఇంకొక ఇరవై రోజులు ఈ గోల తప్పదన్న మాట' అన్నాడు.

'అంతే. బై.' అంటూ ఫోన్ కట్ చేశాను.