On the path, ego is the greatest hurdle and love is the greatest boon

24, జులై 2014, గురువారం

మొదలౌతున్న ఆషాడ అమావాస్య ప్రభావం

ఈరోజు ఆషాడ బహుళ త్రయోదశి.

ఎల్లుండి అమావాస్య.

ఆ ప్రభావం అప్పుడే మొదలైంది.అమావాస్య పౌర్ణమి ప్రభావాలు మూడు రోజులు అటూ ఇటూ ఉంటాయి అని నేను ఎన్నోసార్లు వ్రాసినది నిజం అని మళ్ళీమళ్ళీ ఎన్నిసార్లైనా రుజువౌతూనే ఉన్నది.

కుజ శని రాహు ప్రభావాలు నిత్యజీవితాలలో ఎలా ఉంటాయో ఒక్క వారం నుంచి మీమీ చుట్టు పక్కల జరుగుతున్న సంఘటనలు గమనించండి.

చాలామందికి నిన్నటి నుంచి ఏదో తెలియని చికాకుగా,అసహనంగా,స్థిమితం లేకుండా ఉంటుంది.కారణం లేకుండా ఊరకే గొడవలు అవుతుంటాయి. కుటుంబాలలో చిరాకులు ఎక్కువౌతుంటాయి.ఎటన్నా బయటకు పోయి తిరుగుదామని అనిపిస్తుంది.గమనిస్తే అర్ధమౌతుంది.

మరికొంతమందికి ఈ అయిదురోజులలో అనవసరమైన భక్త్యుద్రేకం కలగడం గమనించవచ్చు.పూజలు మానుకున్న వారు మళ్ళీ మొదలుపెట్టి చెయ్యడం ఇప్పుడు చూడవచ్చు.ఇంకొంతమంది గుడులూ గోపురాలూ అంటూ తిరగడం మొదలుపెడతారు.కొంతమంది పెద్దవాళ్ళు ముఖ్యంగా పాతకాలపు మనుషులు ఈ సమయంలో గతిస్తారు.

మన చుట్టుపక్కలే ఈ వారంలో ఎంతోమంది చనిపోయారు.కొంతమంది దీర్ఘ వ్యాధులతో అయితే,కొంతమంది ప్రమాదాలలో పోయారు.మరికొంతమంది బాగా ఉన్నవారు హటాత్తుగా చనిపోయారు.ఇంకొంతమందిని అంతు తెలియని రోగాలు బాధిస్తున్నాయి.

ఈ రోజు ఉదయం తెలంగాణా మెదక్ జిల్లాలో మనోహరాబాద్ స్టేషన్ దగ్గర కాపలా లేని లెవల్ క్రాసింగ్ గేట్ లో ఒక స్కూల్ బస్సును నాందేడ్ పాసింజర్ రైలు డీ కొట్టింది.బస్సులో ఉన్న 30 మందిలో 26(?) మంది చిన్నపిల్లలు ఈ ప్రమాదంలో చనిపోయారు.

అమావాస్య సమయంలో చంద్రునికి బలం చాలా తక్కువగా ఉంటుంది.అమావాస్య సమయంలో చంద్రహోరలో ప్రమాదాలు తరచుగా జరుగుతూనే ఉంటాయి. దానికి తోడు కుజుడు రాహువు శని వంటి ఇతర గ్రహాల పాత్ర ఉన్నప్పుడు ఇక చెప్పనవసరం లేదు.

22,23 తేదీలలో విద్యాపరమైన ప్రమాదాలు ఉంటాయని వ్రాశాను.ఒక్కరోజు తేడాతో స్కూలు బస్సు ప్రమాదం జరగడం గమనించండి.

రాబోయే అయిదు రోజులలో ప్రపంచవ్యాప్తంగా ఇంకా ఎన్నెన్ని జరుగుతాయో వేచి చూద్దాం.