“My Yogic realization is higher than the sky, yet my insight into Karma is finer than the grains" -- Guru Padma Sambhava

7, సెప్టెంబర్ 2016, బుధవారం

రుజువౌతున్న జోస్యాలు - శుక్రగ్రహ నీచ ప్రభావం - కెయిత్ వాస్ ఉదంతం

మొన్న అమావాస్య నాటి ఫలితాలు వ్రాస్తూ - ప్రముఖులు సెక్స్ కుంభకోణాలలో ఇరుక్కుంటారని వ్రాశాను.

నేటి వార్తలు గమనించండి.

లండన్లోని హౌస్ ఆఫ్ కామన్స్ హోం ఎఫైర్స్ సెలెక్ట్ కమిటీ చైర్మన్ అయిన కెయిత్ వాస్ - సెక్స్ స్కాండల్లో ఇరుక్కుని అప్రతిష్ట పాలై తన పదవిని పోగొట్టుకోవడమే గాక, కుటుంబంలో, సమాజంలో చాలా ఇబ్బందికరమైన పరిస్థితిని ఎదుర్కొంటున్నాడు.

59 ఏళ్ళ వయస్సున్న ఈయన - ఇద్దరు బిడ్డల తండ్రి అయి ఉండి - ఈస్ట్ యూరోప్ కు చెందిన ఇద్దరు మగవేశ్యలను లండన్లోని తన ఫ్లాట్ కు రాత్రి పదకొండు గంటలకు పిలిపించుకున్నాడన్న విషయాన్నీ,లైంగిక ఉత్ప్రేరకంగా పనిచేసే ఒక మాదకద్రవ్యాన్ని కూడా వారిచేత తెప్పించుకున్నాడన్న విషయాన్నీ రుజువులతో సహా 'సండే మిర్రర్' అనే పత్రిక ప్రచురించడం దీనికంతా కారణమైంది.

ఈయన భారత సంతతికి చెందిన వ్యక్తి. కేంబ్రిడ్జి యూనివర్సిటీలో లా చదివాడు.1987 నుంచి లీసేస్టర్ నుంచి లేబర్ పార్టీ M.P గా ఈయన ఉంటున్నాడు. టోనీ బ్లేయిర్స్ మంత్రివర్గంలో యూరప్ వ్యవహారాల మంత్రిగా కూడా పనిచేశాడు.

తప్పును ఒప్పుకుంటూ ఈయన తన పదవి నుంచి గౌరవంగా తప్పుకున్నాడు.

హై సొసైటీలో ఇలాంటి వ్యవహారాలన్నీ సర్వసాధారణంగా జరుగుతూనే ఉంటాయి. ఇంగ్లాండ్ వరకూ ఎందుకు? మన ఇండియా సమాజంలో మన చుట్టుపక్కలే ఇలాంటి "వెరైటీ కోసం ప్రాకులాడేవాళ్ళు" ఎంతోమంది నాకు తెలుసు. ఇంకో విచిత్రం ఏమంటే - వీరిలో చాలామంది ఉన్నత పదవులలో ఉన్నవారే. ఈ మొత్తం వ్యవహారం "తప్పా - ఒప్పా" అన్న నైతికతను నేను ప్రశ్నించడం లేదు. ఎవడి ఖర్మ వాడిది.

గ్రహప్రభావం మానవుల మీద ఎలా పనిచేస్తుందో చెప్పడమే నా ఉద్దేశ్యం.

శుక్రుడు నీచస్థితిలో ఉన్న ఈ నెలలో ఇలాంటి సంఘటనలు ఇంకా చాలా బయట పడతాయని చెప్పడమే నా ఉద్దేశ్యం.

జోస్యం నిజమైందా  లేదా?