“భగవంతుని పట్ల దిగులే జిజ్ఞాస"- జిల్లెళ్ళమూడి అమ్మగారి అమృతవాక్కు

29, జులై 2010, గురువారం

మార్స్ ఎఫెక్ట్

గత వారం రోజులనుంచీ కుజ శనుల మధ్యన దూరం తగ్గుతూ వస్తున్నది. దీనివల్ల అనేక దుస్సంఘటనలు జరుగుతాయి అని ముందే వ్రాశాను. దానికి నిదర్శనంగా వరుసగా రోజుకొక సంఘటనను వింటున్నాం.

నిన్న రాత్రి ముంబైలోని "కుర్లా" లో భవనం కూలి చాలా మంది దానికింద చిక్కుకుపోయారు. ఇదికూడా ముందే వ్రాసినట్లు "మ", "క" అనే అక్షరాలతో మొదలు కావడం గమనార్హం.

అసలు వింత ఇది కాదు. ఇండోనేషియా భూకంపం గాని, మర్గలా కొండల్లో కూలిన విమానం కాని, కుర్లాలో కూలిన భవనం కాని అన్నీ కుజ హోర లోనే జరిగాయి. ప్రతిరోజు ఈ ఒక్క గంట కాలం కుజుని ఆధీనంలో ఉంటుంది. ఆ సమయంలోనే ఈ ప్రమాదాలు జరగటం కూడా గమనించదగిన విషయం.

అంతే కాదు.గత కొద్ది రోజులుగా జరుగుతున్న కుజ శనుల కలయిక వల్ల అనేక మంది జీవితాలలో అనేక బాధలు కలుగుతూ ఉంటాయి. అవి ఈ క్రింది విధంగా ఉండవచ్చు.

౧. అనుకోకుండా వస్తువులు పాడైపోవటం, ముఖ్యంగా వాహనాలు, ఎలక్ట్రికల్, ఎలక్ట్రానిక్ పరికరాలు, రిపేర్లు రావటం. అనవసరంగా డబ్బు ఖర్చు చేయవలసి రావటం.

౨.యాక్సిడెంట్లు, ప్రమాదాలు జరగటం. ఈ సందర్భంగా, చిన్న చిన్న దెబ్బలు తగలటం కూడా యాక్సిడెంట్లేనని మరచిపోకండి.


౩.అనుకోకుండా కోపాలు పెరిగి చిన్న విషయానికి ఇతరులతో గొడవలు కావడం. తరువాత బాధ పడటం.


౪. అనారోగ్యాల వల్ల బాధలు రావటం. డాక్టర్ల చుట్టూ ప్రదక్షిణలు.


౫. సంతానంతో చికాకులు


ఇవన్నీ కుజ శనుల కలయిక వల్లనే జరుగుతున్నాయి. ఎవరి జీవితాలలో వారు పరిశీలించుకోవచ్చు. తెలివైన వారు రెమెడీస్ పాటించి ఈ బాధలనుంచి విముక్తులు కావచ్చు. ఇదే జ్యోతిర్విజ్ఞానంలోని పరమ ప్రయోజనం.

సూచన: లగ్నము లేదా రాశి కన్యా, కుంభ,మేషములలో ఏదో ఒకటి అయిన వారికి ఈ ఫలితాలు జరుగుతాయి. ఒకటి లగ్నము ఒకటి రాశి అయినవారికి నూటికి నూరుపాళ్ళు జరుగుతాయి. చెడు దశలు జరుగుతున్న వారికి ఈ ఫలితాలు తీవ్ర స్థాయిలో ఉంటాయని మరచిపోకండి.