“Most difficult thing in the world is to find people who are truly genuine"

25, జులై 2010, ఆదివారం

ఇండోనేషియా భూకంపం-మళ్ళీ నిజమైన జ్యోతిష్యం

జ్యోతిష్య విద్య యొక్క మహాత్యం మళ్ళీ నిజమైంది. ఇది దైవిక మైన విద్య కనుక ఎన్ని సార్లైనా ఋజువౌతూనే ఉంటుంది. కళ్ళున్నవారు చూడవచ్చు.

మొన్న 20 వ తేదీన కన్యా రాశిలో జరుగబోతున్న కుజ శనుల యుతిని గురించి వ్రాస్తూ ఇలా వ్రాశాను.

కనుక తూర్పు దక్షిణ దిక్కులలోనూ, ఇవి రెండూ కలిసిన ఆగ్నేయ దిక్కులోనూ, లేక దక్షిణ పశ్చిమ దిక్కులు కలిసే నైరృతి దిక్కులోనూ భూ ప్రమాదాలు, వాహన ప్రమాదాలు, భూకంపాలు,అగ్ని ప్రమాదాలు జరుగవచ్చు. ఇండోనేషియా, అండమాన్, భారత తూర్పు తీరం వెంబడి ఉన్న భూకంప ప్రభావిత ప్రమాద స్థలాలు మళ్లీ జాగృతం కావచ్చు.

ఏం జరిగిందో చూడండి.

ఈ రోజు గురుపౌర్ణిమ. నిన్న శనివారం ఉదయం ఇండోనేషియాలో, ఫిలిప్పైన్స్ లో పలుమార్లు భూకంపం వచ్చింది. రెచ్టర్ స్కేల్ మీద 7 పాయింట్లు నమోదైంది. అంతర్జాతీయ న్యూస్ లో ఈ విషయం చూడవచ్చు. ఈ విషయాన్ని జ్యోతిష్య విద్య అయిదురోజుల ముందే చెప్పగలిగింది.

అంతే కాదు. మిత్రులు జయదేవ్ గారు ఆ పోస్ట్ కు కామెంట్స్ వ్రాస్తూ ఇలా అన్నారు.

SANI RULES AIR,MARS RULES HIGH SPEED VEHICLES...SO DUE TO THIS Major FLIGHT/SPACE/CYCLONIC EVENTS ALSO WILL NoT B RULED OUT SARMA garu.

జయదేవ గారి ప్రిడిక్షన్ నూటికి నూరు పాళ్ళు నిజమైంది. నిన్న రెండు విమానాలు కూలిపోయాయి. ఒకటి కెనడాలో పైలట్ జెట్ విమానం .ఇంకొకటి బెంగాల్లో మిగ్-27. సైక్లోన్ వాతావరణం వచ్చేసింది. మన కళ్ళ ముందే ఇవన్నీ చూస్తున్నాం.

ఈ ప్రిడిక్షన్స్ నిజం కావటం ఒక అద్భుతం గా నేను భావిస్తున్నాను. కోట్లాది రూపాయల ఖర్చుతో నడుస్తున్న మెటీరియలాజికల్ డిపార్ట్మెంట్ కాని, సీస్మోలాజికల్ డిపార్ట్మెంట్ కాని ఈ విషయాలను కనిపెట్టలేక పోయాయి. జ్యోతిర్విద్య యొక్క గొప్పదనాన్ని గురించి ఇంతకన్నా ఋజువు ఇంకేం కావాలి?

గురు గ్రహం యొక్క కరుణా దృష్టి వల్ల ఎక్కడా పెద్దగా ప్రాణ నష్టం జరుగలేదు. కాని ఈ రోజునుంచి గురువు వక్రిస్తున్నాడు. అనగా రెట్రో మోషన్ లోకి పోతున్నాడు. అంటే రేపటినుంచి ఆయన రక్షణ ఉండదు. కనుక జరుగబోయే నష్టాలు రేపటినుంచి మొదలౌతాయి.

జ్యోతిష్యం వ్యక్తిగత విషయాలనే కాదు, దేశాలకు సంబంధించిన విషయాలు కూడా చెప్పగలదు. దీనిలో గట్టి రీసెర్చ్ జరిగితే ఖచ్చితంగా దుర్ఘటనలు జరుగబోయే ప్రదేశం సమయం చెప్పవచ్చు. దీనిద్వారా నష్టం నివారించవచ్చు.

నిన్న శనివారం. శనిహోర లో, కుజ హోరలలోనే భూకంపాలు జరిగాయి. కుజ శనుల ప్రభావం వల్లనే ఇవి జరిగాయని ఇంతకన్నా ఋజువులు ఇంకా ఏమి కావాలి?

ఇంకా విచిత్రాలు చూడాలని ఉందా? అయితే వినండి. మొన్నటి పోస్ట్ లో ఇలా వ్రాశాను.

ప్రమాదాలు జరిగే ప్రదేశాలు,వాహనాలు etc, , , , , అనే అక్షరాలతో మొదలౌతాయి లేదా ఈ అక్షరాలతో సంబంధం కలిగి ఉంటాయి. వ్యక్తులలో కూడా ఆ అక్షరాలతో మొదలయ్యే పేర్లు గలవారికి (ముద్దుపేర్లకు కూడా) ఎక్కువగా ఈ ఫలితాలు వర్తిస్తాయి. వీరిలో కన్యా లగ్నం గాని, కన్యా రాశిగాని ఉన్నవారికి ఈ సరికే ఫలితాలు కనిపించడం మొదలయ్యి ఉంటుంది

ఏం జరుగుతున్నదో చూద్దామా? కెనడా విమాన ప్రమాదం లో తృటిలో తప్పించుకున్న పైలట్ పేరు బ్రియాన్ బూస్, మన దేశమ్ లో కూలిన మిగ్ విమానం బెంగాల్ లో బొత్ పుతి అని గ్రామం లో కూలింది.

భూకంపాలు వచ్చిన ప్రదేశాల పేర్లు చూద్దామా? ఫిలిప్పైన్స్ లొ మిండోనా ద్వీపం లోని కొటాబాబో అనే ఫ్రదేశం లో భూకంపం వచ్చింది.

ఆ అక్షరాలతో మొదలయ్యె పేర్లు ఉన్న అనేక మంది మిత్రుల జీవితాలలో గత వారం నుంచి అనారోగ్యాలు, చికాకులు, అనవసర గొడవలు మొదలయ్యాయని నాకు ఎన్నో ఫోన్లు వస్తున్నాయి. ఇంతకంటే రుజువులు ఇంకేం కావాలి?

విమాన ప్రమాదాల గురించి, సైక్లోన్ గురించి కరెక్ట్ గా చెప్పిన మిత్రులు జయదేవ గారికి నా అభినందనలు. జయదేవ్ గారు. మనకు ఒకరి పొగడ్తలు అవసరం లేదు. ఆత్మ తృప్తి చాలు.

కొత్తగా మొదలయ్యే గ్రూపులో ఇటువంటి చర్చలు ముమ్మరంగా జరిగి ఇంకా విలువైన అనేక విషయాలు వెలుగు చూడాలని ఆశిస్తున్నాను.