శివరాత్రి.
పక్కఊరి శివాలయంలో ఏకాహభజన ఏర్పాట్లు జరిగాయి.
శివుడు మౌనంగా చూస్తున్నాడు.
నిన్న పొద్దుటినుంచీ 24 గంటల భజన మొదలైంది.
ఆరుగంటలకొక బ్యాచ్ చొప్పున ఆడాళ్ళు చేరి భజన చేస్తున్నారు.
రాత్రంతా మాక్కూడా మైకు వినిపిస్తూనే ఉంది.
శివుడు చూస్తూనే ఉన్నాడు.
తెల్లవారింది.
భజనచేస్తున్న భక్తులు అలసిపోయి ఇంటికిపోయి నిద్రపోతున్నారు.
శివుడికి మాత్రం అలుపూ లేదు, నిద్రా లేదు.
ఎప్పటిలా చూస్తూనే ఉన్నాడు.
