Human ignorance is incurable

1, అక్టోబర్ 2022, శనివారం

మూడవ అమెరికా యాత్ర - 26 (పాపం బాబాజీ)

నాకు బాబాజీని చూస్తే చాలా జాలేస్తోంది.

అందరి బిజినెస్ కూ ఒక మార్కెటింగ్ టూల్ అయిపోయాడు పాపం !

ప్రతివాడూ బాబాజీని చూశామంటారు.

కొంతమంది చిన్నప్పుడే చూశామంటారు, కొంతమంది ఈ మధ్యనే చూచామంటారు. మరికొందరు ఇంకొక్క అడుగు ముందుకేసి, ఎప్పుడూ చూస్తూనే ఉన్నామంటున్నారు.

ఇక్కడ అమెరికాలో కూడా, బాబాజీని చూశామని చెప్పి మంచి బిజినెస్ చేసుకుంటున్న అమెరికన్స్ చాలా మంది ఉన్నారు.

యోగానందగారేమో అమెరికా ఆర్టిస్ట్ చేత బొమ్మ గీయిస్తే అది అమెరికా వాడిలాగా వచ్చింది. 'ఛీ ఆయనలా ఉండడు, పక్కా ఇండియా వాడిలాగా ఉంటాడు, ఇదుగో ఇలా ఉంటాడు' అంటూ ఇండియావాళ్లు మళ్ళీ ఇంకో బొమ్మ గీసుకున్నారు.

యోగులు చూశామంటారు. స్వాములు చూశామంటారు. యూ ట్యూబర్లు చూశామంటారు. చివరికి అతిచేష్టలు చేసే రజనీకాంత్ కూడా చూశానని సినిమానే తీసేసి చేతులు కాల్చుకున్నాడు పాపం !

ఇంతా చేస్తే, అందరూ నమ్మే ఆ బాబాజీ ఆసలున్నాడో లేక కల్పితమో ఎవరికీ తెలీదు.

పాపం బాబాజీని చూస్తే జాలేస్తోంది.

ఎంతమందికి బిజినెస్ మెటీరియల్ అయ్యాడో ఆయన !

జాలెయ్యదూ మరి !

దేన్నైనా వ్యాపారంగా మార్చడం మనుషులకిష్టం.

దేన్నైనా రోడ్డుమీద నిలబెట్టి అమ్మెయ్యడం వారికి మహా ఇష్టం !

బాబాజీ కూడా దీనికి కాదు అతీతం !

ఏమంటారు?