“There are many who just talk, but very very few who really realize" - Self Quote

27, జనవరి 2009, మంగళవారం

జ్యోతిష్కుని లక్షణాలు

ప్రామాణిక గ్రంథాల నుండి సేకరించిన సమాచారం ప్రకారం జ్యోతిష్కునికి ఉండవలసిన లక్షణాలు ఇవి:

పరాశర మహర్షి ప్రణీత బృహత్ పరాశర హోర శాస్త్రం ప్రకారం:
౧.వినయము ౨.సత్య సంథత ౩.శ్రద్ధ ౪. పాండిత్యము ౫.గ్రహ నక్షత్ర పరిజ్ఞానము ౬.హోరా శాస్త్ర సంపూర్ణ జ్ఞానము ౭.వేద శాస్త్ర జ్ఞానము ౮.గ్రహ యజన పటుత్వము.

వరాహ మిహిరుని బృహత్ సంహిత ప్రకారం:
౧.సుచిత్వం ౨.పాండిత్యం ౩.నిజాయితీ ౪. ధైర్యం ౫.పరిహార క్రియ లలో నిపుణత.

ఏతా వాతా తేలేదేమంటే,
త్రిస్కంధములైన సిద్ధాంతము, హోర ,సంహిత అనబడే మూడు భాగములు క్షున్నముగా తెలిసి ఉండాలి.
పరిహార క్రియల్లో నిపుణత ఉండాలి.
వేద శాస్త్ర జ్ఞానము ఉండాలి.
శుచి, శీలము, సత్య సంధత, నిజాయితీ కలిగి ఉండాలి.
ప్రసన్న వదనము, మధుర వాక్కు, నియమ యుతమైన జీవితము ఉండాలి.
అటువంటి వాడు చెప్పినదే సత్యమైతుంది.

ఇక పొతే ఇటువంటి లక్షణాలు ఉన్నా జ్యోతిష్కుడు ఎక్కడ దొరుకుతాడు? అంటే దానికి సమాధానం లేదు. అది మన అదృష్టాన్ని బట్టి ఉంటుంది. మంచి వైద్యుడు ఎక్కడ దొరుకుతాడు అంటే ఎం చెబుతాం? ఒక్కో సారి కేర్ హాస్పిటల్లో కూడా కేర్ ఉండక పోవచ్చు. పల్లెటూరి ఆర్ ఎం పీ ఒక్కోసారి మంచి వైద్యం చెయ్యవచ్చు. కాని ఒక్క పరీక్ష పెట్టవచ్చు. మీరు ఏమీ చెప్ప కుండానే మీ మనసులో గల ప్రశ్నను చెప్ప గలిగితే అతనికి మంచి నిపుణత ఉన్నట్లు లెక్క. తరువాత వేలకు వేలు హోమాలకు ఇతర వస్తువులకు డిమాండ్ చేస్తే పరీక్ష ఫెయిలు అయినట్టే.