ఎందుకని అమెరికాలోనే ఇవి జరుగుతున్నాయి? రోజుకొక్క రాష్ట్రంలో, ఒక్కొక్కవిధంగా ఈ సంఘటనలు ఎందుకు జరుగుతున్నాయి. జ్యోతిష్య దిక్సూచి అమెరికాను ఎందుకు స్కాన్ చేస్తున్నది? అన్న అనుమానం మీకు రాలేదా? ఆలోచనాపరులైనవారికి, జ్యోతిష్యవిద్యలో ప్రవేశం ఉన్నవారికి అలాంటి సందేహాలు వచ్చే ఉండవచ్చు. వారికి నేను జవాబులు చెప్పనుగాని, ఈ వరదల కారణాలను కొంచం విశ్లేషిద్దాం.
అప్పటిదాకా తీవ్ర అస్తంగతుడైన శుక్రుడు సూర్యుని పట్టునుండి విడివడి ముందుకు పురోగమించడమే దీనికి కారణం. శుక్రుడు జలగ్రహం, మీనం జలతత్వ రాశి, కేతువు జలరాశియైన వృశ్చికంలో ఉన్నది, అక్కడనుంచి శుక్రుని చూస్తున్నది. కనుక హఠాత్తుగా వర్షాలు మొదలై అమెరికాలోని ఒక రాష్ట్ర రాజధానిని అతలాకుతలం చేశాయి.
వాతావరణాన్ని పసిగట్టే రాడార్లు, ఉపగ్రహాలు, ఆధునికవ్యవస్థలు ఉన్న అమెరికానే, ప్రకృతి దెబ్బకు గగ్గోలు పడింది. ఇక ఇవేవీ లేని దేశాలను గ్రహదృష్టి ఎలా ఊపుతుందో ఆలోచించండి !
