The secret of spiritual life lies in living it every minute of your life

15, మార్చి 2020, ఆదివారం

కరోనా వైరస్ - లక్షణాలు - హోమియో మందులు - కొన్ని నిజాలు

కరోనా వైరస్ గురించి అనేక వదంతులు, పుకార్లు, నిజాలు ప్రచారంలో ఉన్నాయి. ఇవన్నీ కలగాపులగంగా ఉండటంతో, వీటిలో ఏవి నిజం? ఎంతవరకూ నిజం? అనేది మాత్రం ఎవరికీ ఖచ్చితంగా తెలియడం లేదు. అందరూ 'ఆర్సినికం ఆల్బం' మందును మాత్రం పప్పుల్లాగా వాడుతున్నారు. ఇది మాత్రం శుద్ధతప్పు.

కరోనా లక్షణాలు ప్రపంచవ్యాప్తంగా ఒకేలా లేవు. చైనాలో కనిపిస్తున్న లక్షణాలు ఇరాన్ లో లేవు. ఇరాన్ లో ఉన్న లక్షణాలు ఇటలీలో లేవు. ఇటలీలో ఉన్న లక్షణాలు ఇండియాలో లేవు. ప్రతి దేశానికీ ప్రతి ప్రాంతానికీ ఈ వ్యాధి మొదలయ్యే తీరులో, పెరుగుదలలో, కొన్ని భేదాలున్నాయి. అలాంటప్పుడు ఒకే హోమియో మందు అన్నిచోట్ల ఒకే విధంగా ఈ వ్యాధికి పనిచెయ్యదు.

అదే విధంగా, వ్యాధి మొదలయ్యాక, అందరిలోనూ ఒకే విధంగా ఇది ముదరదు. ఒక్కొక్క ప్రాంతంలో ఒక్కొక్క విధంగా ముదురుతోంది. అప్పుడు కనిపించే లక్షణాలు కూడా భిన్నంగా ఉంటున్నాయి. కనుక ఈ వ్యాధి అన్ని స్టేజిల లోనూ ఒకే మందు పనిచెయ్యదు. ఆ స్టేజిలోని లక్షణాలను బట్టి రకరకాల మందులు వాడవలసి వస్తుంది.

ఇప్పటివరకూ నేను చూచిన మంచి ఆర్టికల్స్ లో ప్రఖ్యాత హోమియో వైద్యుడు డా || మనీష్ భాటియా వ్రాసిన ఈ పోస్ట్, కరోనా వైరస్ లక్షణాల మీదా, దానికి వాడవలసిన హోమియో మందుల మీదా చాలా ఖచ్చితమైన భావాలను ప్రతిబింబిస్తోంది.

చదవండి. నిజానిజాలు తెలుసుకోండి.