“What is the use of human life if one is not enlightened while still living?" - Self Quote

19, ఫిబ్రవరి 2013, మంగళవారం

కాలజ్ఞానం -18

అనుకోని ఘటనలే జరిగేను
అనుకున్న వ్యూహాలు చెదిరేను 
మాటలా జగడాలు పెరిగేను
మనసులే కొన్నింక విరిగేను

లోకులకు శూన్యమే మిగిలేను 
పలాయనమ్ములే పెరిగేను
అనుకున్న కధలన్ని అల్లకల్లోలమై 
అనుకోని మార్పులే జరిగేను 

గ్రహ ప్రభావాలు కల్లలని 
నవ్వుకుండే వారు నాపచేలౌతారు 
ఎందుకిలా జరిగిందని 
వెర్రి ముఖాలతో మిర్రిగా చూస్తారు 

మంచిలోనీ చెడును చెడులోని మంచిని 
కాంచగల్గేవారు కట్టులో ఉంటారు
దుమ్ము సోకిన యెడల దులిపేసుకుంటారు 
దూరదృష్టీ తోడ ధీమంతులౌతారు 

ఆడించు శక్తులను ఆలోకనము చేయు 
నేర్పుగలవారు నవ్వుకుంటుంటారు   
వెలుగు చీకట్ల వింతాటలను చూచి
చిరునవ్వు చిందించి మిన్నకుంటారు