'నేను మారాలని ఇంతరకూ ఎవరూ నాకు చెప్పలేదు. మొదటిసారిగా మీనుంచి మాత్రమే ఈమాటను వింటున్నాను' అని గతంలో ఒక శిష్యురాలు కాబోయినామె అన్నది.
నవ్వొచ్చింది.
'దేనికైనా మొదలనేది ఒకసారి ఉంటుందిగా' అన్నాను.
'ఉంటే, ఇప్పటిదాకా ఎందుకు ఎవరూ దీనిని నాకు చెప్పలేదు?' అన్నది.
ఆమె అతితెలివికి ముచ్చటేసింది.
'నీకు పెళ్లయిందా? అడిగాను.
'అయింది' అన్నది.
'మరి అప్పుడెందుకు ఈ మాటను నీవడగలేదు? నాకిప్పటిదాకా పెళ్లి కాలేదు. మొదటిసారి మీరు చేస్తున్నారు. మిమ్మల్నెలా నమ్మాలి? నేను చేసుకోను. అని మీ తల్లిదండ్రులను ఎందుకు అడగలేదు? ఎగురుకుంటూ ఎందుకు పెళ్లి చేయించుకున్నావు?' అన్నాను.
'అదీ ఇదీ ఒకటే ఎలా అవుతుంది?' అన్నది తెలివిగా.
'మరి ఏది ఏది ఒకటౌతుంది?' అడిగాను.
'ఏమో మరి ! మారడం ఎందుకసలు?' అన్నది మళ్ళీ.
'మారకు. మారమని ఎవరు నిన్ను బలవంతం చేస్తున్నారు? ' అడిగాను.
ఆమె మాయమైపోయింది.
ఆమె కనిపించడం అదే మొదటిసారి, అదే చివరిసారి.
కొన్నిసార్లు మొదటిసారే చివరసారి కూడా అవుతుంది !
