On the path, ego is the greatest hurdle and love is the greatest boon

28, సెప్టెంబర్ 2020, సోమవారం

'వైద్యజ్యోతిష్యం - మొదటి భాగం' తెలుగు 'ఈ బుక్' విడుదలైంది


మీరు ఎన్నో 
నెలలనుండీ ఎదురుచూస్తున్న తెలుగు పుస్తకం 'వైద్య జ్యోతిష్యం - మొదటిభాగం' ను ఈ రోజున విడుదల చేస్తున్నాము. అయితే ఇది 'ఈ బుక్' మాత్రమే. ప్రింట్ పుస్తకాన్ని ఒక నెలలోపు విడుదల చేస్తాము.

ఈ పుస్తకం యొక్క ఇంగ్లీషు మాతృక 'Medical Astrology - Part I' మంచి ప్రజాదరణను పొందింది. నార్త్ ఇండియాలో, అమెరికా, యూరప్ లలో ఎంతోమంది దీనిని ఆదరిస్తున్నారు. ఈ పుస్తకం తెలుగులో రావాలని చాలామంది ఎప్పటినుంచో అడుగుతున్నారు.  అందుకే దీనిని తెలుగుపాఠకుల కోసం తెలుగులో ప్రచురిస్తున్నాము.

ఇంగ్లీషుమూలాన్ని తెలుగులోకి అనువాదం చెయ్యడానికి రెండునెలలుగా నిర్విరామంగా శ్రమించిన నా శిష్యురాలు అఖిలజంపాల కు హృదయపూర్వక కృతజ్ఞతలు తెలియజేస్తున్నాను. పుస్తకాలు వ్రాసే స్థాయిలోని తెలుగు తనకు రాకపోయినా, నేర్చుకుని మరీ ఆమె చాలా సంతృప్తికరంగా ఈ అనువాదాన్ని చేసింది.

నా శిష్యులలో ఇలాంటి పట్టుదలను. చిత్తశుద్ధిని, కార్యదీక్షను నేను కోరుకుంటాను. నా అడుగుజాడలలో నడిస్తేనే కదా నా శిష్యులయ్యేది? ఊరకే మాటలు చెబుతూ కూర్చుంటే ఎలా అవుతారు? నా జీవితంలో నేనెంతో కష్టపడి ఎన్నో సాధించాను. నా శిష్యులలో కూడా ఆ పట్టుదల నాకు కన్పించాలి. అప్పుడే వారిని ఒప్పుకుంటాను.

ఆధ్యాత్మికత అనేది చేతలలో కూడా కనిపించాలి. ఉత్త మాటలలో మాత్రమే కాదు.

యధావిధిగా ఈ పుస్తకం కూడా pustakam.org నుంచి లభిస్తుంది. చదవండి ! ఇందులో పంచిన జ్ఞానాన్ని మీ జీవితాలను దిద్దుకోవడానికి ఉపయోగించుకోండి !