“జ్ఞానాన్ని పొందటం కాదు. తానే అదిగా అయిపోతాడు"- రమణ మహర్షి

23, సెప్టెంబర్ 2018, ఆదివారం

'శ్రీ దత్తాత్రేయ యోగశాస్త్రం' తెలుగు ఇంగ్లీష్ ప్రింట్ పుస్తకములు ఈ రోజు విడుదలయ్యాయి

శ్రీ దత్తాత్రేయ యోగశాస్త్రం తెలుగు ఇంగ్లీష్ ప్రింట్ పుస్తకములు ఈ రోజున విడుదల అవుతున్నాయి. ఎవరి చేతులమీదుగా మా సంస్థలో ఏ పని జరగాలో ముందే నిర్ణయించబడి ఉంటుంది. జగన్మాత ఆ అదృష్టాన్ని కొంతమందికి అలా కలిగిస్తుంది. కనుక, ఇదే సమయానికి అనుకోకుండా ఇక్కడకు వచ్చిన వెంకటరాజుగారు, ప్రసాద్ గార్ల చేతుల మీదుగా ఈ పుస్తకములను విడుదల చేయించడం జరిగింది.

లోకం మెప్పులు, గొప్పలు, పటాటోపాల మీద మాకు నమ్మకం లేదు. వాటికి మేము ఏమాత్రం విలువనూ ఇవ్వము. మా పుస్తకాలను ఏ సోకాల్డ్ ప్రముఖుల చేతా ఆర్భాటంగా విడుదల చేయించము. ఆ పని మేమే చేస్తాం. ఎందుకంటే దేనికైనా కొన్ని అర్హతలనేవి ఉండాలి మరి ! పైగా, ఆ ప్రముఖుల చేతుల మురికి మా పుస్తకాలకు అంటుకోవడం మాకిష్టం లేదు.

యోగమార్గంలో పయనించే వారికి ఎంతో ఉపయోగపడే ఈ పుస్తకములను మా సంస్థనుండి ముద్రించడం ఒక అదృష్టంగా భావిస్తూ, త్వరలోనే 'శ్రీ జాబాల దర్శనోపనిషత్' ఇంగ్లీష్ ఈ బుక్ విడుదల అవుతుందని తెలియజేస్తున్నాను.

యధావిధిగా ఈ పుస్తకములు pustakam.org నుండి లభిస్తాయి.