అతికామ యోగాలు

జ్యోతిర్విజ్ఞానం లో, ఒక మనిషిలోని అతి కామ వాంచలను తెలుసుకోగలిగే కొన్ని యోగాలు ఉన్నవి.బృహత్పరాశరాది ప్రాచీన జ్యోతిష్య గ్రంధాలలో దీని గురించి అనేక యోగములు (కాంబినేషన్స్) ఇవ్వబడ్డాయి. ఈ అనేక వందల రకములైన యోగములను తరచి చూడగా కొన్ని ముఖ్య సూత్రములు కనిపిస్తాయి.

జాతక చక్రంలో సప్తమ స్థానం కామ విషయికంగా అతి ముఖ్యమైనది. గ్రహ పరంగా శుక్రుడు,కుజుడు,రాహువు ముఖ్య గ్రహాలు. అలాగే వీరి రాశులైన వృషభం,తులా,మేషం,వృశ్చికం ముఖ్యమైనవి.

సప్తమానికి ఎదురుగా ఉండే లగ్నంకూడా ముఖ్యమైనదే. ఎందుకనగా, ఇది జాతకునికి సూచిక మాత్రమే గాక, ఇందులో ఉండే గ్రహం సప్తమాన్ని చూస్తుంది. అలాగే సప్తమంలో ఉండే గ్రహం లగ్నాన్ని చూస్తుంది. కనుక లగ్నం కూడా ముఖ్యమైనదే.

శని గ్రహం సామాన్యంగా సోమరితనాన్ని, బద్దకాన్ని,కష్టాలను,బాధలను సూచిస్తుంది. కాని పై గ్రహాలతో కూడి ఉంటే నీచ ప్రవర్తనను చూపుతుంది. అతికామం కలిగిన వారు సామాన్యంగా నీచ ప్రవర్తన కలిగి ఉంటారు కనుక ఈ గ్రహం కూడా ముఖ్యమైనదే.

పై నాలుగు గ్రహాల నక్షత్రాలు పరిశీలించగా, మొత్తం పన్నెండు నక్షత్రాలు వస్తాయి. వీనిలో తిరిగి సూక్ష్మ పరిశీలన చెయ్యగా-

**కుజునిదైన మేష రాశి(అగ్ని తత్వ రాశి) గనుక, ఇందులో ఉండే శుక్ర నక్షత్రమైన భరణి
**శుక్రునిదైన వృషభ రాశి (భూతత్వ రాశి) లోని కుజ నక్షత్రమైన మృగశిర ఒకటి రెండు పాదములు
**అలాగే, శుక్రునిదైన తులా (వాయు తత్వ రాశి) రాశిలో కుజునిదైన చిత్తా నక్షత్రం మూడు నాలుగు పాదాలు, రాహువుదైన స్వాతి నక్షత్రం నాలుగు పాదాలు.

అలాగే, కుటుంబ స్థానం అయిన రెండవ భావం మరియు సుఖ స్థానం అయిన నాల్గవభావం కూడా ముఖ్యమైనవే. వెరసిపైన చెప్పిన నక్షత్రాలు, రాశులు, భావాలు, గ్రహముల కలయిక అతికామ యోగాలను ఇస్తుంది. ఈ కాంబినేషన్స్ కుఎటువంటి వారు కూడా అతీతులు కారు. నేను నిత్యానంద జాతకం చూడలేదు. కాని జరుగుతున్న విషయాలను బట్టిఅతని జాతకంలో రాహువు,శుక్రుడు,కుజుడు-ఈ మూడు గ్రహాల పాత్ర అతి బలీయంగా ఉందని ఊహిస్తున్నాను.

ఎందుకనగా, రాహువు+శుక్రుల కలయిక సినిమా స్టార్స్, మోడల్స్ తో శృంగారాన్ని ఇస్తుంది. విలాసాలు,కుతంత్రాలతోకూడిన జీవితం కూడా ఈ కాంబినేషన్ ఇస్తుంది. శుక్రుని బలం వల్ల ముఖంలో చక్కని కళ, సమ్మోహనమైన నవ్వుఉంటాయి.కుజుని బలీయమైన స్థితి వల్ల ధృఢమైన శరీరం ఉంటుంది. ఇవన్నీ ఇతని విషయంలో ఉన్నాయి కనుకజాతకంలో పై గ్రహాల పాత్ర ఖచ్చితంగా ఉంటుంది అని చెప్పవచ్చు. అంతేగాక, ఈ కాంబినేషన్ వల్ల, బయటి వారి రహస్యప్లాన్ లకు జాతకుడు బలి కావటం కూడా అప్పుడప్పుడు జరుగుతూ ఉంటుంది. ఈ మొత్తం వ్యవహారంలో క్రైస్తవమిషనరీల కుతంత్రం కూడా ఉండవచ్చు అనటానికి కూడా అవకాశం ఉన్నది.

ఏది ఏమైనప్పుటికీ, జాతకంలో అతికామ యోగాల పరిశీలన వల్ల జాతకుని మానసిక సంతులనం, నిగ్రహం ఎంతవరకుఉన్నాయి అన్న విషయం, అతనికి/ఆమెకు కామాసక్తి ఎంతవరకు ఉంటుంది అన్న విషయాలు తెలుసుకోవచ్చు.

read more " అతికామ యోగాలు "

బంధ త్రయం

హఠ యోగములో చాలా రకములైన ముద్రలు బంధములు ఉన్నాయి. వీటన్నింటి పరమ ప్రయోజనం ఏమనగా, ప్రాణాపాన వాయువులను ఏకం చెయ్యటం ద్వారా నిద్రాణ స్థితిలో ఉన్న కుండలినీ శక్తిని జాగృతం చేసి, ఆ శక్తినిషట్చక్రములగుండా ఊర్ద్వగామినిని జేసి శిరస్సులో ఉన్న సహస్ర దళ పద్మమువరకు చేర్చుటయే.ఈ క్రియలన్నింటిలోబంధ త్రయం అనబడే మూడు బంధములు చాలా ముఖ్యమైనవి. అవి మూలబంధము, ఉడ్డియాణ బంధము,జాలంధరబంధము.

వీటిని గురించి హఠయోగ ప్రదీపిక, ఘేరండ సంహిత, శివ సంహిత మొదలగు యోగ గ్రంధములు వివరంగా వర్ణించాయి. ఇవి గాక మంత్ర, తంత్ర రహస్య దీపిక అయినట్టి లలితా సహస్ర నామావళి వీటిని గురించి ఇలా చెప్పింది.

కామేశ్వర ప్రాణ నాడీ కృతజ్ఞా కామ పూజితా
శృంగార రస సంపూర్ణా జయా జాలంధర స్థితా
ఓడ్యాణ పీఠనిలయా బిందు మండల వాసినీ
రహొయాగ క్రమారాధ్యా రహస్తర్పణ తర్పితా

ఈ మంత్ర్ర శ్లోకములలో, రహో యాగము అనబడే ఒక రహస్య ప్రక్రియ నిగూఢంగా సూచించబడింది. ఇది గురుముఖతా మాత్రమే నేర్చుకోవలసి ఉంది.

"కామేశ్వర ప్రాణ నాడీ కృతజ్ఞా కామ పూజితా" అనే మంత్రములో హఠయోగ ప్రక్రియ అయిన మూల బంధముసూచింప బడుతున్నది. "శృంగార రస సంపూర్ణా జయా జాలంధర స్థితా" అనే మంత్రములో జాలంధర బంధముసూచింప బడుతున్నది. "ఓడ్యాణ పీఠనిలయా బిందు మండల వాసినీ" అనే మంత్రములో ఉడ్డియాణ బంధముసూచింప బడుతున్నది. వెరసి ఈ మూడు క్రియలూ ఒక క్రమంలో మంత్ర, ధ్యాన పూరితంగా చేసే క్రియనేరహోయాగము అని అంటారు. దీని వలన కలిగే ఫలితాలు ఏమిటి?

మూల బంధమువల్ల మనిషిలోని కామ శక్తి అదుపులోకి వస్తుంది. బ్రహ్మచర్య పాలన చేయాలనుకునే వారికిమూలబంధ సాధన అత్యంత ప్రయోజనకారిగా ఉంటుంది. దీనివల్ల సాధకునిలోని కామము తన సహజ చాపల్యమునువదలి, అంతర్ముఖముగా మారి, శ్రరీరములో ప్రాణ శక్తిగా స్థితురాలై ఉన్నటువంటి దేవిని అనగా కుండలినీ శక్తినిఆరాధించడం మొదలు పెడుతుంది. బాహ్యముగా ప్రవహించి వృధా అయిపోతున్న తనను నిగ్రహించుకోగలిగినందుకుసాధకునికి కామశక్తి కృతజ్ఞురాలై ఉంటుంది. ఈ ప్రక్రియనే రహస్య నామములు " కృతజ్ఞా కామ పూజితా" అనేమంత్రము ద్వారా సూచించాయి. అంతే గాక ఈ ప్రక్రియ వల్ల "కామేశ్వర ప్రాణ నాడీ" అనబడు సుషుమ్నా నాడి జాగృతంఅవుతుంది. మూసి ఉన్న సుషుమ్నా ద్వారం తెరుచుకుంటుంది. దీనివల్ల సాధకునికి అనేక దర్శనాలు కలుగుతాయి. హార్మోన్ సిస్టంలో మార్పులవల్ల శరీరంలో అనేక ఊహించని మార్పులు వస్తాయి.

ఓడ్యాణ బంధము లేక ఉడ్డియాణ బంధము అనబడే ప్రక్రియ వల్ల శరీరములొని క్రింది భాగాలలో ఉన్నటువంటి ప్రాణ శక్తిఊర్ధ్వ గామిని అవుతుంది. అందువల్లనే దీనికి ఉడ్డియాణ బంధము అనే పేరు వచ్చింది. మూల బంధమువల్లప్రాణాపాన వాయువులు ఒకటౌతాయి. సుషుమ్నా నాడి తెరుచుకుంటుంది. ఈ క్రియ వల్ల సుషుమ్నా నాడి లో ఉన్న షట్చక్రములు ఉత్తేజితములౌతాయి. అనుకోని అద్భుత దేవతా దర్శనాలు సాధకునికి కలుగుతాయి. కొత్త కొత్త నాడీ కేంద్రములు ఉత్తేజితములవటం వల్ల శరీరంలో కొత్త శక్తులు అందుబాటులోకి వస్తాయి. అతీంద్రియ శక్తులు మేలుకొంటాయి. ఉడ్డియాణ బంధము వల్ల కుండలిని ఊర్ధ్వ గామిని అయి సుషుమ్నా నాడి గుండా ప్రయాణిస్తుంది. అలా ప్రయాణం చేసి మెదడుకు చేరడం వల్ల సాధకుని శరీర రసాయన పొందిక మొత్తం మార్పుకులోనవుతుంది.మెదడులోని రెండు హెమిస్ఫియర్స్ మధ్య ఉన్న చిన్న బ్రిడ్జి వంటి అతుకు పెద్దదై మెదడు మొత్తం ఒకేయూనిట్ గా మారడం వల్ల, నిద్రాణంగా ఉన్న మెదడులోని అనేక భాగాలు మేల్కొంటాయి. దీనివల్ల అతీత లోకాలదర్శనం, out of the body experience వంటి అలౌకిక అనుభవాలు కలుగుతాయి. లైంగిక శక్తి అయిన బిందువుక్రింది నుంచి పైకి ప్రయాణం చేయటం వల్ల, "నాద- బిందు- కళ" లనబడే మూడు స్థాయిలలో ఒకటైన బిందువు అన్నస్థితికి ఈ శక్తి చేరుకుంటుంది. ఈ రహస్యాన్నే "బిందుమండల వాసినీ" అంటూ ఈ మంత్రం సూచనాత్మకంగా తెలిపింది.

జాలంధర బంధము అనే క్రియ వల్ల పైకి ప్రయాణం చేసిన కుండలినీ శక్తి తిరిగి క్రిందకు జారకుండా శిరస్సులోఆపబడుతుంది. బాగా సాధనలో అనుభవం ఉన్న సాధకులు అయితే ఈ క్రియ వల్ల శక్తిని ముఖం యొక్క ముందుభాగం ద్వారా క్రిందకు ప్రయాణింపజేసి తిరిగి హృదయ స్థానానికి తీసుకు రాగలుగుతారు. ఇది చాలా ఉన్నత తరగతికిచెందిన సాధన మరియు చాలా కష్ట సాధ్యమైన క్రియ. ఈ ప్రక్రియ వల్ల " శ్రృంగార రస సంపూర్ణా" అనబడే transcendental bliss అందుబాటులోకి వస్తుంది. సాధారణంగా ప్రపంచమంతా దేనికోసంవెంపర్లాడుతుందో, ఆ orgasmic bliss అనే క్షణికానందానికి ఎన్నో మిలియన్ల రెట్లు ఎక్కువైన మరియు స్వచ్చమైన ఆనందాన్ని ఈ "శ్రృంగార రస సంపూర్ణా" అనబడే స్థితి ఇస్తుంది. అంతే గాక ఈ స్థితికి చేరిన సాధకుడు ప్రపంచములోనిఅన్నింటినీ జయించగలుగుతాడు కనుక "జయా" అని ఈ మంత్రము సూచిస్తుంది.

ఈ మూడు క్రియలనూ చెయ్యగలిగినప్పుడు అది రహోయాగము అనబడు రహస్య యోగ ప్రక్రియ అవుతుంది. ఈరహస్యాన్ని " రహొయాగ క్రమారాధ్యా రహస్తర్పణ తర్పితా" అన్న మంత్రం సూచిస్తున్నది. ఇక్కడ ఉన్న ఇంకొక యోగరహస్యం ఏమనగా, మనం బాహ్యంగా చేసే ఏ తర్పణమైనా పైనుంచి క్రిందకు వదులుతాము. కాని రహస్తర్పణము అనబడే ఈ తర్పణము మాత్రం శరీరం లోపల జరుగుతుంది. బాహ్య ప్రక్రియకు భిన్నంగా ఇది క్రిందనుంచి పైకి వ్యతిరేకదిశలో జరుగుతుంది. క్రింది నుంచి పైకి శక్తి రూపంగా ప్రవహించి సహస్రార కమలంలో ఉన్న నిత్య బోధ స్వరూపుడైన పరమ శివుని అభిషేకిస్తుంది.

ఈ ప్రక్రియ ఎటువంటి సిద్ధిని సాధకునికి కలుగజేయగలదో తరువాతి మంత్రం చెబుతుంది.

సద్య: ప్రసాదినీ విశ్వ సాక్షిణీ సాక్షివర్జితా
షడంగ దేవతా యుక్తా షాడ్గుణ్య పరిపూరితా

ఇది "సద్య ప్రసాదిని", అనగా తత్క్షణమే సిద్దిని కలిగించగలట్టి క్రియ. "విశ్వ సాక్షిణీ" విశ్వము నంతటినీ మనో నేత్రంతోసాధకునికి దర్శింపచేస్తుంది. "సాక్షివర్జితా" ప్రపంచాతీత నిర్గుణ స్థితికి సాధకుని తీసుకు పోతుంది. "షడంగ దేవతాయుక్తా", షట్చక్ర దేవతలైన పంచభూతములు, మనస్సు సాధకుని సర్వదా ప్రసన్నంగా కాచుకొని ఉంటాయి. "షాడ్గుణ్యపరిపూరితా" ఈ ఆరు శక్తుల యొక్క గుణములు పరిపూర్ణముగా సాధకునికి ధారాదత్తం అవుతాయి. అనగా శివ శక్తుల కుమారుడైన షణ్ముఖునిగా సాధకుడు పరివర్తనం చెందగలడు. అనగా భూమిమీద నడిచే దేవతగా మారగలడు.

ఇట్టి అద్భుత స్థితికి సాధకుని తీసుకుపోగల శక్తి ఈ యోగ క్రియలకు ఉన్నది. కాకపోతే పట్టుదలగా సాధన చేసేవారు, సాధనలో ఆటంకాలను, ప్రమాదాలను జాగ్రత్తగా అధిగమిస్తూ ముందుకు పోయేవారు చాలా అరుదుగా ఉన్నారు. అదివేరే విషయం. ఈ క్రియలను గురుముఖంగా నేర్చుకోని సాధన చేస్తే మానవ పరిణామ క్రియ అతి త్వరితంగా జరిపిస్తుంది. దీనిని అంతర్గత పరుసవేది విద్య అని పిలువవచ్చు. క్షుద్ర లోహం అయిన ఇనుము, పరుసవేదిని తాకి బంగారుగా ఎలా మారుతుందొ అలాగే ఈ Inner Alchemy అనబడే అంతర్గత పరుసవేది విద్య సాధారణ మానవుని దేవతగా మార్చగల శక్తిని కలిగి ఉన్నది. మన యోగ శాస్త్రం ఇట్టి రహస్య ప్రక్రియలకు కాణాచి. లలితా సహస్ర నామములలో ఎన్నో ఇట్టి రహస్య ప్రక్రియలు నిగూఢంగా ఉన్నాయి.

read more " బంధ త్రయం "

యోగ సాధన

ప్రాచీన భారతదేశంలో, ప్రతిరోజూ యోగసాధన చెయ్యటం చిన్ననాటినుంచి పిల్లలకు నెర్పెవారు. ప్రకృతి సహజమైన ఆహారం తీసుకునేవారు.ప్రకృతి సిద్ధమైన ఆయుర్వేద ఔషధాలు వాడేవారు.కనుక మనుషులు ఆరొగ్యంగా నిండు నూరేళ్ళు జీవించేవారు. ఎన్ని ఉన్నా ఆరోగ్యం లేకుంటే మనిషి పని సున్నా అన్న సంగతి వారికి బాగా తెలుసు. కనుకనే ఆహార వ్యవహారాలలో చాలా జాగ్రత్తలు పాటించేవారు.

కాని నేడు ఆహారం కలుషితమై పోయింది. ప్రమాదకరమైన జంక్ ఫుడ్ వాడకం ఎక్కువైంది. టీలు కాఫీలు కూల్ డ్రింకులే కాక తాగుడూ మాదకద్రవ్యాల   వాడకం విచ్చలవిడిగా పెరిగింది. ఇక, వ్యవహారంలో చూద్దామా అంటే, శరీరానికి కదలిక లెని స్థితి కలిగింది. మనస్సుకు టెన్షన్ పెరిగింది. సైడ్ ఎపెక్ట్స్ ఇచ్చే సింతటిక్ డ్రగ్స్ వాడకం ప్రబలింది.టీవీ సెల్ ఫోనూ కంప్యూటరూ మనిషి నరాలవ్యవస్థతో ఆడుకుంటున్నాయి. వెరసి ఆహార వ్యవహారాలు రెండూ అదుపు తప్పాయి.

కనుక ప్రతి కుటుంబంలో రోగాలు ఎక్కువైనాయి.పుట్టిన పిల్లలకే గుండెలో చిల్లులు కనబడుతున్నాయి.నాలుగేళ్ళకే సొడాబుడ్డి కళ్ళద్దాలు వస్తున్నాయి.ఆరేళ్ళకే డయాబెటీస్ లక్షణాలు కనిపిస్తున్నాయి.అంటే తల్లితండ్రుల ధాతువులు అంతగా క్షీణించిన స్థితిలో ఉన్నాయన్నమాట.అనేక మందికైతే అసలు సంతానమే కలగటం లేదు.ఈ పరిస్థితికి కారణాలేమిటో తెలుసుకుందామా?

అబ్బాయిలు హైస్కూల్ వయసుకే దురభ్యాసాలకు అలవాటు పడి విలువైన తమ శక్తిని వృధా చెసుకుంటూ కళావిహీనమైన ముఖాలతో దర్శనం ఇస్తున్నారు. కుహనా ఇంగ్లీషు డాక్టర్లు వీరిని పత్రికలలో ప్రోత్సహిస్తూ సమాజపతనానికి యువకుల నిర్వీర్యతకూ కారకులౌతున్నారు. అబ్బాయిలలో కనిపిస్తున్న ఇంకొక ప్రమాదకర ధోరణి కాలేజి వయసులోనే తాగుడుకు అలవాటు పడటం. చాలా కుటుంబాలలో ఇదొక ఫేషన్ అయింది. కొడుకు తాగి వస్తే చూచీ చూడనట్టు ఊరుకుంటున్న తల్లి దండ్రులు నేడు చాలామంది ఉన్నారు. ఎందుకనగా తండ్రి పార్టీలలో తాగుతూ (అది ఏ కారణం వల్లనైనా కావచ్చు) కోడుకుకు ఎలా బుద్ధి చెప్పగలడు?

ఆడపిల్లల పరిస్తితి మరీ ఘోరంగా ఉన్నది. చాలా మందికి నెలసరి సరిగ్గా రాని స్థితి ఉంది. యుక్తవయసు పిల్లల్లో కడుపు నోప్పి, లుకోరియా, ఒవేరియన్ సిస్ట్ లు సర్వ సాధారణం అయ్యాయి.కంటిచూపు మాట ఇక చెప్పే పనిలేదు.ఊబకాయం చాలా ఇళ్ళలో కనిపిస్తున్నది.ఈ అమ్మాయిలు రేపు వివాహం అయిన తరువాత ఎన్ని బాధలు పడతారో, ఎటువంటి ఎలుక పిల్లలకు జన్మ నిస్తారో తలుచుకుంటే బాధగా ఉంటుంది. హైదరాబాద్ లాంటి నగరాలలో కాలేజి ఆడపిల్లలు క్లాసులు ఎగ్గొట్టి బీరు తాగటం నిజమే నని ఈ మధ్యనే నాకు తెలిసింది. వాళ్ళు వేస్తున్న ఇతర వేషాలగురించి నేను వ్రాయదలుచుకోలేదు.

ఆహారదోషాల వల్ల శరీరాలలొ బలం తగ్గటం ఒకఎత్తు అయితే, మన నిత్యజీవిత విధానాలవల్ల కొని తెచ్చుకుంటున్న రోగాలు ఇంకొక ఎత్తు. మితి మీరిన టీవీ, కంప్యూటర్ వాడకాల వల్ల దృష్టిదోషాలు,రోజంతా కదలకుండా కూచొని పనిచెయ్యటం,దుమ్ము ధూళితో కూడిన వాతావరణం కల సిటీలలో తప్పనిసరిగా బతకవలసి రావడం, మానసికంగా టెన్షన్ల వల్ల వచ్చే అనెక రోగాలు ఇంకొన్ని.

ఈ అవస్థలను అధిగమించాలంటే, మంచి ఆహారం వేళకు తీసుకోవటం, దురభ్యాసాలు మానుకొని,సాధ్యమైనంత వరకూ ఇంగ్లీషు మందులు వాడకం ఆపి,ఆయుర్వేద ఔషధాలు కాని, హోమియో ఔషధాలు కాని తీసుకుంటూ, ప్రతిరోజూ కనీసం ఒక గంట సేపు యోగా చేస్తే చాలు. కొన్ని నెలలలో మంచి ఆరోగ్యం మన సొంతం అవటం మనమే చూడవచ్చు.

"సిక్ మాన్ ఆఫ్ ఏషియా" అని పెరు పడిన చైనా ఇప్పుడు ఒలింపిక్స్ లో అమెరికా వంటి అగ్రరాజ్యాలతో దీటుగా పోటీపడి పతకాలు సాధిస్తున్నదంటే ఆదేశంలో వ్యాయామవిద్యకు ఇస్తున్న విలువే కారణం. స్కూళ్ళలో చిన్నప్పటి నుంచి తప్పనిసరిగా కిగాంగ్, వూషూ వంటి అభ్యాసాలు నెర్పించి క్రమం తప్పకుండా చేయించటం వల్లనే చైనీయులు అంత ప్రగతి సాధించగలిగారు. కొందరికి ఇది బాలహక్కుల హననంగా కనిపించవచ్చు.అదంతా ఒక ఆదర్శం అంటూ లేని జాతి మాట్లాడే మాటలు మాత్రమె అని నా భావన. ఉన్నతమైన ఆదర్శాలున్నపుడు కష్టం తప్పదు. చిన్నప్పటి నుంచే సుఖపడటం నేర్పితే తర్వాత కష్టమూ తప్పదు.

చైనీయులు వారి వీరవిద్య అయిన కుంగ్ ఫూ ను ఆదరిస్తున్న తీరు మనకూ ఆదర్శం కావాలి. మన స్కూళ్ళలో కష్టమైన వీరవిద్యలను నేర్పకుంటే నేర్పకపోయారు కాని, కనీసం యోగాను తప్పనిసరిగా ఒక పీరియడ్ గా పెట్టి,అందరికీ తప్పనిసరిగా నేర్పించాలి. ముఖ్యంగా బాలికలకు దీనిని కంపల్సరీ పీరియడ్ చెయ్యాలి. తద్వారా ఆ బంగారుతల్లులు మంచి ఆరోగ్య వంతులుగా మారి, వారినుంచి మంచి ఆరోగ్యవంతమైన తరువాతి తరం తయారు కాగలుగుతుంది.ఎవరికైనా తల్లే ప్రధమగురువు అన్నది సత్యం.తల్లి ఆదర్శమాత అయితే సంతానం ఆదర్శవంతంగా ఉంటుంది.లేకుంటే అది అసాధ్యం. 

అబ్బాయిలకు బ్రహ్మచర్యపాలన, యోగాభ్యాసాల వల్ల కలిగే అధ్బుత ఉపయోగాలను, వీటికి వ్యతిరేకమైన చెడుఅలవాట్ల వల్ల కలిగే భయంకర నష్టాలను పెద్దలు సిగ్గుపడకుండా వివరించాలి.ఋషి సాంప్రదాయాన్ని పునరుద్ధరించాలి.అమ్మాయిలు, అబ్బాయిలు పెళ్ళివరకూ తప్పని సరిగా బ్రహ్మచర్యపాలన చెయ్యాలి.మంచి ఆహారం తీసుకుంటూ, యోగాభ్యాసం చెయ్యాలి.అప్పుడు తరువాత పుట్టే తరం పిల్లలు అద్భుతమైన తెలివితేటలు,మంచి ఆరోగ్యం,మంచి ప్రవర్తన,సహజంగానే కలిగిన వారౌతారు. వారికి నీతి నియమాలను తల్లితండ్రులు ప్రత్యేకంగా చెప్పవలసిన పని, నేర్పవలసిన పని ఉండదు. అలాంటి పిల్లలు తల్లిదండ్రులకు సూచనలిచ్చే స్థాయిలో ఉంటారుగాని నేటి యువత లాగా చవకబారు పోకడలతో ఉండరు. ముందుగా మనం సక్రమమైన రీతిలో ఉంటే మన పిల్లలు కూడా సక్రమంగానే ఉంటారని తల్లిదండ్రులు గుర్తుంచుకోవాలి.

ఈ మధ్యకాలంలో తిరిగి మన ప్రాచీనవిద్యలైన ఆయుర్వేదం,యోగాభ్యాసాలు పూర్వ వైభవం సంతరించుకునే దిశగా ముందడుగు వెయ్యటం శ్లాఘనీయం.బీ.కే.ఎస్ అయ్యంగార్,బాబా రాందేవ్ మొదలైన యోగా గురువులు ఈ దిశగా చక్కని కృషి చేశారు. ప్రతి ఇంటిలోనూ యోగాభ్యాసం ఒక విప్లవంలా వస్తే తిరిగి ఆరోగ్య,ఆదర్శ భారతదేశాన్ని మనం ఒక పదేళ్లలో చూడవచ్చు.అలా కాకుండా సమాజం ప్రస్తుత ధోరణిలోనే పోతే మాత్రం వినాశనం తప్పదు.

read more " యోగ సాధన "

గురుచండాల యోగం- కొన్ని ఆలోచనలు

గురు గ్రహం (బృహస్పతి) రాహు నక్షత్రాలలో సంచారం చేసినపుడు నక్షత్ర పరంగా సంబంధం కలుగుతుంది. గురువు రాశి చక్రాన్ని చుట్టిరావటానికి పన్నెండు సంవత్సరాలు పడుతుంది. అంటే ఆయన ఒక్కొక్క రాశిలో దాదాపుగా ఏడాది పాటు ఉంటాడు.

రాహు నక్షత్రాలు ఆర్ద్ర, స్వాతి మరియు శతభిషం. ఇందులో ఆర్ద్ర నక్షత్రం బుధుని రాశి అయిన మిథునంలోనూ, స్వాతీ నక్షత్రం శుక్రునిదైన తులా రాశిలోనూ, శతభిషా నక్షత్రం శనిదైన కుంభరాశిలోనూ ఉన్నాయి.

ఆయా నక్షత్రాలలో సంచారం చెయ్యటంవల్ల కలిగే గురు చండాలయోగం ప్రతి పన్నెండు సంవత్సరాలకు ఒకసారి రావాలి. మూడు నక్షత్రాలనూ లెక్కలోకి తీసుకుంటే ప్రతి నాలుగేళ్ళకు ఒకసారి రావాలి. మరి ప్రతి నాలుగేళ్ళకూ మతపరమైన చండాలాలు బయట పడాలి. అలా జరుగుతున్నవా? ఇది కాక ప్రతి పన్నెండేళ్ళకూ ఒకసారి గురువు నీచ రాశి అయిన మకరంలో ఏడాది పాటు ఉంటాడు. అప్పుడేం జరుగుతున్నది?

ఈ మూడు నక్షత్రాలూ సమానమైన రాహు ప్రభావం కలిగి ఉంటాయా? అంటే ఉండవు అనిపిస్తుంది. ఆర్ద్ర పైన బుధుని ప్రభావం, స్వాతి మీద శుక్రుని ప్రభావం, శతతార మీద శని ప్రభావం ఉంటాయి. అదీగాక స్వతహాగా ఈ మూడు నక్షత్ర మండలాలూ విభిన్నమైన లక్షణాలు కలిగినటువంటివి. అంటే గురువు ఈ మూడు నక్షత్రాలలోనూ సంచారం చెసినపుడు ఇన్ని రకాల మిశ్రమ ప్రభావాలకు లోనవుతాడు. కనుక ప్రతిసారీ ఒకే రకమైన సంఘటనలు జరుగవు. ఇది గాక, ఆయా సమయాలకు గురుని మీద మిగతా గ్రహాల దృష్టి ప్రభావాలు అయా ఫలితాలను మార్పు చెస్తాయి. గ్రహాల పరిభ్రమణ కాలం లోని తేడాల వల్ల ప్రతి పన్నెండేళ్లకు గ్రహాలు మళ్ళీ అదే స్థితిలో ఉండవు. కనుక అదే గ్రహ స్థితి తిరిగి రాదు. కనుక అవే ఫలితాలు కూడా రావు. కాని ఇన్ని రకాల మిశ్రమ ప్రభావాల వల్ల, రకరకాలైన సంఘటనలు జరుగవచ్చు.

ఇంతకు ముందు జరిగిన కొన్ని మతపరమైన సంఘటనలను, తేదీలతో సహా ఒక పట్టికగా తయారు చెసుకోగలిగితే, ఆయా సమయాలలో ఆయా గ్రహాల నక్షత్రాల స్థితిగతులను పరిశీలించి, కొన్ని నిర్దుష్ట సూత్రాలు రాబట్టవచ్చు. దానిని బట్టి ముందు ముందు జరుగబోయే సంఘటనలు అంచనా వెయ్యవచ్చు. రీసెర్చి పరంగా ఇది ఒక మంచి కోణం. పాఠకులెవరైనా ఇటువంటి సంఘటనలు+ తేదీలతో కూడిన టేబుల్ తయారు చేసి ఇవ్వగలిగితే ఈ విషయంలో రీసెర్చి చెయ్యవచ్చు.జ్యోతిషపరంగా దీనికి తగిన డేటా నేను కూర్పు చేస్తాను.

జ్యోతిష విజ్ఞానం నిజమా కాదా అన్న సందేహాలు, వాదాలు, తర్కాలతో కామెంట్స్ రాసే మిత్రులు దీన్ని ఒక ప్రాజెక్ట్ వర్క్ గా తీసుకోని చూడవచ్చు. నా సహకారం అందిస్తాను. ఉత్సాహం ఉన్నవారు ప్రయత్నం చెయ్యవచ్చు.

read more " గురుచండాల యోగం- కొన్ని ఆలోచనలు "

కుహనా స్వాముల రాసలీలలు- గురు చండాల యోగం

నిన్న వెలుగులోకి వచ్చిన నిత్యానందస్వామి ఉదంతం అత్యంత బాధాకర మైన విషయం.ప్రస్తుతం అనేకఆశ్రమాలు,బాబాలు తామర తంపరగా పుట్టుకు వస్తున్నారు.గుడ్డిజనం కూడా వాళ్ళను గుడ్డిగా నమ్ముతున్నారు. చివరకు మోసపోతున్నారు.ఈ ఆశ్రమాలు దొంగ వ్యాపారులకు, డ్రగ్ మాఫియాలకు, హైక్లాస్ వ్యభిచారానికి నిలయాలుగా మారుతున్నాయి.అవినీతితో కుళ్ళిపోతున్న నేటి సమాజానికి ఇటువంటి అవినీతి గురువులే గతేమో అనిపిస్తున్నది.

ఆధ్యాత్మికత అనేది తేలికగా డబ్బులిచ్చి కొనుక్కునే వస్తువు కానేకాదు. అసలు దీనికి డబ్బుకు ఎటువంటి సంబంధమూలేదు.మచ్చలేని, నిరాడంబర జీవితం గడిపిన రామకృష్ణ పరమహంస,రమణమహర్షి వంటి బ్రహ్మజ్ఞులే నిజమైన జగద్గురువులు.ఆధ్యాత్మిక పురొగతి పొందటం అనేది ప్రపంచంలో అత్యంత కష్టమైన పని. అది ధనంతో దొరికేది కానే కాదు.డబ్బులిచ్చి కొనుక్కునే పాదపూజలు,దర్శనాల వల్ల అందే వస్తువు కాదు. అలా దొరికే పనైతే,బుద్ధుని వంటి మహారాజులు, రాజ్యాలు త్యజించి తపస్సు చెయ్యవలసిన అగత్యం లేదు. వివేకానందుని వంటి పవిత్రాత్ములు అంతగా కష్టపడి, తిండీ నీళ్ళూ మానుకుని, ఏళ్లకేళ్ళు సాధన చెయ్యనవసరం లేదు.

నేటి విలాసవంతమైన ఆశ్రమాలకు, ఆధ్యాత్మిక జీవితానికి ఎన్నటికీ పొత్తు కుదరదు.విలాస జీవితం గడుపుతూ,విగ్గులు ధరిస్తూ, జుట్టుకు గడ్డానికి రంగు వేసుకునే బాపతు నేటి గురువులు ఎన్నటికీ ఆధ్యాత్మిక ఔన్నత్యం పొందలేరు.స్త్రీ సాంగత్యం మనసా వాచా కర్మణా త్యజించనివాడు సాధకుడే కాలేడు ఇక గురువుగా ఎలా కాగలడు? ఇతరులకు మార్గదర్శనం అసలే చెయ్యలేడు.గురువు అనే మాటకు అర్హత సంపాదించలేడు.ఒక మహనీయ సాధువు ఏమి చెప్పారంటే, ఇటువంటి దొంగ గురువులు భయంకరమైన చెడు కర్మను పోగు చెసుకుంటున్నారు.వారికి భగవంతుని చేతిలో హీనమైన శిక్షలుంటాయి.వారి తరువాతి జన్మలు చాలా నీచంగా, దారుణమైన బాధలతో, మోస పూరిత జీవితాలతో కూడి ఉంటాయి.

భగవద్గీతను,వేదాలను బట్టీపట్టినంత మాత్రాన, స్టేజీలెక్కి ఉపన్యాసాలిచ్చినంత మాత్రాన ఎవడూ గురువు కాలేడు. పవిత్ర జీవితాన్ని గడపని వానికి ఆధ్యాత్మిక లోకంలో ప్రవేశం దొరకదు. వాటిలో ఉన్న విషయాలను జీవితంలో ఆచరించటం ముఖ్యం. ఒకడు గనుక ఈ గ్రంధాలేమీ చదువక పోయినా,వాటిలోని విషయాలను ఆచరిస్తున్నట్లైతే అతడు ఇటువంటి కుహనా గురువుల కంటే ఎంతో ఉన్నతుడు.

శ్రీ రామకృష్ణుని మాటలలో చెప్పాలంటే--భగవంతుని ముఖాముఖి దర్శించిన వాడే గురువు అనే పదానికి అర్హుడు. పరమహంస యోగానందగారి మాటలలో చూస్తే--సంకల్ప మాత్రాన సవికల్ప,నిర్వికల్ప సమాధి స్థితులను అందుకోగల సామర్ధ్యం ఉన్నవాడె నిజమైన యోగి మరియు సద్గురువు అనబడతాడు.

అటువంటి సామర్ధ్యం ఆషామాషీ వ్యవహారం కాదు. కోట్లమందిలో ఒకనికి మాత్రమే అది వీలవుతుంది. లేదా అదీ వీలు కాకపోవచ్చు.రమణ మహర్షిమాటలో చెప్పాలంటే-- నేను గురువును అన్న స్పృహ లేనివాడే గురువు అవగలడు.

నీ గురువుని పగలే కాదు రాత్రి కూడా నిశితంగా గమనించు, పరిశీలించు. అతడు మచ్చలేని ప్రవర్తన కలవాడని తెలిన తరువాతే అతనిని గురువుగ అంగీకరించు-- అని శ్రీ రామకృష్ణులు తన శిష్యుడైన యోగానందస్వామికి చెప్పారు.

నలభై ఏళ్ళక్రితం అమెరికాలో సిద్ధయోగం అన్న పేరుతో అనెక ఆశ్రమాలు స్థాపించి, చివరకు సెక్స్ కుంభకోణాలతో వివాదాస్పదుడైన నిత్యానంద పరమహంసకు, ప్రస్తుత కుర్రకుంక వారసుడు.అసలు నిత్యానందుడూ ఇటువంటి వాడే. ఇతగాడూ అటువంటివాడే. బహుశా ఇతడు గురువుని మించిన శిష్యుడు కావచ్చు.

ఈ సందర్భంగా ఒక జ్యోతిష విచిత్రాన్ని గమనించాను. మత గురువులకు సూచకగ్రహం గురువు.పోయినేడాది గురువు మకరరాశిలో నీచస్థితిలో ఉన్నపుడు,మంత్రాలయం మఠం మునిగిపోయింది.కాని అది సత్సాంప్రదాయ మఠం. సద్గురువైన శ్రీరాఘవేంద్రుని ఆలయస్థానం.ఆ సమయంలో కుహనా గురువుల లీలలు బయట పడలేదు.ఎందుకనగా,మకరరాశిలో ఉత్తరాషాఢ,శ్రవణం,ధనిష్టా నక్షత్రాలున్నాయి.ఇవి రాహు నక్షత్రాలు కావు. కనుక కుహనా గురువుల బండారాలు బయటపడలేదు. మంచి గురువులకే బాధలు,కష్టాలు వచ్చాయి.

కాని ప్రస్తుతం గురువు, రాహు నక్షత్రమైన శతభిష లో సంచారం చెస్తున్నాడు. గురువుకు,రాహుసంబంధం కలిగితే అది గురుచండాలయోగం అనబడుతుంది. ప్రస్తుతం అది నక్షత్రపరంగా ఉంది.ఈ సమయంలోనే కుహనా గురువులగురించి చండాలమైన విషయాలు బయటపడుతున్నాయి. సమాజం మీద గ్రహప్రభావానికి ఇది ఒక ఉదాహరణ. ఇది మేదినీ జ్యోతిష పరంగా ఒక గమనిక.

ప్రస్తుతం, ఫిబ్రవరి పద్దెనిమిదో తారీకు నుంచి నిన్నటివరకూ గురువు కుంభరాశిలో అయిదవ నవాంశలో సంచరిస్తున్నాడు.ఈరోజు ఆరవ నవాంశలో ప్రవేశించాడు. అయిదవ నవాంశ అనగా, కుంభ వర్గోత్తమాంశ అవుతుంది. ఈ రోజునుంచి మీననవాంశలోకి ప్రవెశించాడు. కనుక నిన్నటి వరకూ శనిరాశిలొ శనినవాంశలో,రాహు నక్షత్రంలోఉన్నాడు కనుక నవాంశ మారబొయే ముందు అనగా 3-3-10 న కుహనా గురువుల జుగుప్సాకర వ్యవహారం బయటపెట్టాడు. ఈ రోజునుంచి స్వనవాంశలోకి ప్రవేశం కనుక ఆ అవకాశం లేదు. కనుకనే నిన్న ఈ విషయం బయట పడింది.

కలియుగంలో ఇటువంటి నీచగురువులు ఎక్కడ పడితే అక్కడ తయారౌతారని మన పురాణగ్రంధాలలో వ్యాస భగవానుడు చెప్పాడు. బ్రహ్మంగారు కూడా తన కాలజ్ఞానంలో చెప్పారు. నిజమైన గురువులు, నిజమైన శిష్యులు నేటి కాలంలో చాలా అరుదు. నిజమైన డైమండ్ అరుదుగా ఉంటుంది.విలువలేని అమెరికన్ డైమండ్స్ ఎక్కడ పడితే అక్కడే దొరుకుతాయి.కాని ఈ పతనం ఆధ్యాత్మికలోకానికి కూడా సోకటం, సమాజంలో అన్నీ కల్తీ అవుతున్నట్లే ఈ రంగమూ కావటం బాధాకరం అయిన విషయం.

read more " కుహనా స్వాముల రాసలీలలు- గురు చండాల యోగం "

చంద్ర యాత్ర - ఎడ్విన్ ఆల్డ్రిన్ జాతకం ఏం చెప్తోంది?

శంకర్-గిరి ( శంకరగిరి కాదు)అనే అజ్ఞాత నా పాత పోస్ట్ కు స్పందిస్తూ, నీల్ ఆరమ్ స్ట్రాంగ్ జాతకం ఒక్కటే కాదు, ఎడ్విన్ (బజ్) ఆల్డ్రిన్ జాతకం కూడా చూచి తరువాత, వారు చంద్రుని మీద దిగారా లేదా అనే విషయంలో ఒక నిర్ణయానికి రమ్మని చెప్పారు. అది తార్కికమే కనుక, నాక్కూడా నిజమే అనిపించింది. ఎందుకంటే 20-7-1969 న చంద్రునిమీద దిగిన ట్లుగా నాసా చెబుతున్న ఇద్దరిలో ఇతను కూడా ఒకడు. కనుక ఇతని జాతకంలో కూడా నిజానిజాలకు సంబంధించి ఏదైనా విశేషాలు కనిపించాలి. తార్కికంగా ఇది సరిగానే ఉంది.

కనుక ఎడ్విన్ ఆల్డ్రిన్ జాతకం పరిశీలించాను. ఇతను 20-1-1930 న న్యూ జేర్సీలోని మోంట్ క్లెయిర్ లో మధ్యాన్నం 2-17 కి పుట్టాడుట. సవరించగా సరియైన జన్మ సమయం 2-19 నిమిషాలని వచ్చింది. అతని జాతకం పైన ఇచ్చాను. మనం చూడవలసింది ఈ ఒక్క సంఘటనే కనుక పని చాలా సులభం.

ఇతని లగ్నం మిథునం అయింది. నక్షత్రం=చిత్త రెండో పాదం. సంఘటన జరిగిన రోజు ఇతని జాతకంలో శని/శని/శని/రవి/శని దశ జరిగింది. శని నవమాదిపతిగా సప్తమంలో ఉండి సుదూర ప్రయాణాన్ని సూచిస్తున్నాడు. ఆయన దశమ దృష్టి చతుర్ధంలో ఉన్న చంద్రుని మీద ఉంది. తృతీయ దృష్టి నవమం అయిన కుంభ రాశి మీద ఉంది. కనుక దూరంగా ఉన్న చంద్రుని మీదకు ప్రయాణం సూచింప బడింది. కాని శనికి ఉన్న అష్టమాదిపత్యం ఏం చెబుతున్నదంటే- ఈ విషయంలో ఏదో రహస్యం దాగి ఉంది అని చూపిస్తున్నది. ఎందుకనగా అష్టమ స్థానం రహస్యాలకు నెలవు కనుక.

ఈ జాతకంలో ఇంకొక్క ముఖ్యమైన కాంబినేషన్- త్రుతీయాధిపతిగా దగ్గర ప్రయాణాన్ని సూచించే రవి, రహస్య విషయాలకు నెలవైన అష్టమంలో, రహస్య విషయాలకు ఇంకొక ఆవాసమైన ద్వాదశాధిపతి యగు శుక్రునితో కలిసి, బుద్ధి కారకుడైన లగ్నాధిపతి యైన బుధుడు వక్ర స్తితిలో ఉండగా కొలువై ఉన్నాడు. రవి అధికారులకు రాజులకు కారకుడు. అంటే ఈ జాతకం వరకూ నాసా అధికారులకూ,అమెరికా అధ్యక్షునికీ సూచకుడు. ఈ కాంబినేషన్ వల్ల ఏమి తెలుస్తున్నది? ప్రత్యేకంగా చెప్పవలసిన పని లేదు. అధికారుల ఒత్తిడితో, దగ్గర ప్రయాణాన్ని దూర ప్రయాణం గా చిత్రీకరించి, రహస్య కార్యక్రమాలలో పాలు పంచుకున్నట్లు తెలుస్తున్నది.

ఇక వృత్తి ని చూపించే దశమ స్థాన అధిపతి అయిన గురువు స్తితి చూద్దామా? ఆయన వక్ర స్తితిలో ఉండి, రహస్య కార్య క్రమాలకు నెలవైన ద్వాదశ రాశిలో కొలువై ఉన్నాడు. కనుక వృత్తి పరంగా ఏదో కీలక రహస్యం ఈ మొత్తం వ్యవహారం లో దాగుంది అని ఈ కాంబినేషన్ ల వల్ల తెలుస్తోంది. ఇటువంటి విషయాల్లో ఖచ్చితమైన రుజువులు ఇవ్వగల గుళిక కూడా ద్వాదశంలో గురువుతో కలసి ఒకే నక్షత్రమైన రోహిణిలో ఉండటం చూచిన తర్వాత ఇక అనుమానానికి ఆస్కారమే కనిపించదు. రోహిణి అనే నక్షత్రానికి విమ్సోత్తరీ దశా పరంగా చంద్రుడే అధిపతి. కనుక చంద్రునికి+వృత్తికి సంబంధించి ఒక నెగటివ్ రహస్యం ఈ మొత్తం వ్యవహారం లో ఉంది అని గుళిక+వక్రి గురువుల కాంబినేషన్ తో సూచింప బడటం లేదూ?

అప్పుడే ఒక నిర్ణయనికి రావడం ఎందుకు? వృత్తిని సూచించే దశమాంశ చక్రం పరిశీలించగా- లగ్నం చంద్రునిదైన కర్కాటక రాశి అయింది. కనుక ఈయన వృత్తికి చంద్ర సంబంధం ఉంది అని తెలుస్తొంది. కాని వృత్తి స్థానం అయిన దశమ స్తానం లో శని నీచ స్తితిలో కొలువై ఉన్నాడు.

నీల్ ఆరం స్ట్రాంగ్ జాతకంలో కూడా ఇలాగే దశమాంశ చక్రంలో శని నీచలో కొలువై ఉండి, వృత్తి పరముగా ఈ మొత్తం వ్యవహారం లో వీరిద్దరూ కలసి పనిచెయ వలసిన కర్మ బంధాన్ని ఇద్దరి జాతకాలలో చూపిస్తున్నాడు. ఈ కాంబినేషన్ వీరిద్దరి జాతకాలలో ఈ మొత్తం వ్యవహారాన్ని పట్టించే Karmic Signature అని చెప్పవచ్చు.

ఆల్డ్రిన్ జాతకంలో దశమాంశలో శనికి నీచభంగం జరుగలేదు. ఎందుకనగా తద్రాశి నాధుడైన కుజుడు గాని తదుచ్చ నాధుడైన రవి గాని లగ్నం నుంచి గాని , చంద్రాత్ గాని కేంద్ర స్థానములలో లేరు. వృత్తిచక్రమైన దశమాంశలొ శని పార్ట్నర్ లను, రహస్య కార్యకలాపాలను చూపించే సప్తమ,అష్టమ రాసులకు అధిపతిగా నీచ స్తితిలో ఉంటే-- జ్యోతిష్య విద్యలో కొద్దిపాటి ప్రవేశం ఉన్నవారికి కూడా తెలుస్తుంది దీని అర్థం ఏమిటి అని. ఈ ఒక్క గ్రహ స్తితి చాలు ఈయన వృత్తి పరంగా పార్ట్ నర్లతో కలసి రహస్య కార్యక్రమాలలో పాలుపంచుకున్నాడు, ఇందులో మతలబు ఉంది అని చూపటానికి.

తరువాత దశమాంశ చక్రములో ఇతర గ్రహముల స్తితి చూద్దామా? వింశాంశ దశల్లో ఈ ఘటన జరిగిన సమయానికి శని/శని/శని/రవి/శని దశ జరిగింది అని చెప్పాను కదా.వీరిలో శని కాక మిగిలిన గ్రహం రవి. ఆ రవి, అధికారులను సూచిస్తూ, దశమాంశ లో లగ్నాత్ పంచమం (బుద్ధి స్తానం) లో నీచకు దగ్గరగా ఉండటం చూడవచ్చు. దీని అర్థం నేను ప్రత్యేకంగా చెప్పనక్కరలేదు. ఈ పాటికి చదువరులకు అర్థం అవుతుంది అని ఆశిస్తాను. ఈ శని రవులిద్దరూ షష్ట-అష్టక స్తితిలో ఉండటం బట్టి ఇది ఏమాత్రం మంచి కార్యక్రమం జరిగే సమయం కాదు అని తేలుతోంది. పైగా వీరిద్దరూ పరస్పర మిత్ర గ్రహాలు కారు, బద్ద శత్రువులు. కనుక వీరి దశా సమయంలో అటువంటి విజయం సాధించే అవకాశాలు దాదాపు మృగ్యం అని చెప్పవచ్చు.

అతి ముఖ్యమైన నవాంశ చక్రం ఏమి చెబుతున్నదో చూద్దాము. రాశి చక్రంలో లగ్నాధిపతి యగు బుధుడు(బుద్ధి కారకుడు), నవాంశ లగ్నమగు వృశ్చిక రాశి నుంచి పంచమం(బుద్ధి స్తానం) అగు మీనం లో నీచ స్తితిలో ఉండి, అధికార కారకుడగు రవితో కలసి ఉండటం చూడవచ్చు.

దీనర్థం ఏమిటో ఈపాటికి పై విశ్లేషణ అంతా చదివిన చదువరులే నాకు చెప్పగలరు. అయినా నేనే చెప్తాను.బుద్ధి కారకుడు, బుద్ది స్థానంలో,వక్రించి ఉండి, అదీ అధికార గ్రహం అయిన రవితో కలిసి ఉండటంతో---- వక్ర బుద్ధితో, అధికారుల వత్తిడితోలేదా వారి కుమ్మక్కుతో, కాకమ్మ కథ అల్లినట్లు, చక్కగా అద్దంలో చూచినట్లు కనిపిస్తోంది.

ఇప్పటికీ నమ్మలేక పోతున్నాము కదా!! పోనీ బెనెఫిట్ ఆఫ్ డౌట్ కింద ఇంకా చూద్దామని పరిశీలించగా--లగ్నారూడం తృతీయం అయిన సింహం అయింది. ఇది దగ్గర ప్రయాణానికి సూచిక. వృత్తిని సూచించే దశామారూడం కర్కాటక రాశిలో పడి, వృత్తి పరంగా దగ్గర ప్రయాణాలనే సూచిస్తున్నది కాని దూర ప్రయాణాలను కాదు. (పై జాతకంలో A-10 అనేది కర్కాటక రాశిలో ఉన్నట్లు తీసుకోవాలి. పొరపాటున సింహ రాశిలో పడింది.)

ఇంకా లాంగ్ రోప్ ఇచ్చి చూద్దామని ఇంకో కాంబినేషన్ పరిశీలించిగా --లగ్నారూడం నుంచి అష్టమ స్థానాధిపతి (రహస్యం) అయిన గురువు వక్ర స్తితిలో వృత్తిని సూచించే దశమ స్తానంలో ఉండటమూ, ఆయనకు తోడుగా గుళిక ఉండటమూ కళ్ళ ముందు కనపడుతున్న నగ్న సత్యం. కనుక వృత్తి పరంగా, ప్రపంచానికి ఇచ్చిన కమ్యూనికేషన్ పరంగా, నిజం కాని రహస్యం ఖచ్చితం గా దాగి ఉంది అని ఘంటాపథం గా రుజువు అవుతున్నది.

ఇంకా చాలా రకాలుగా పరిశీలించవచ్చు. కాని ఇంక అవసరం లెదు అని అనిపిస్తున్నది.

ఆ రోజు చంద్రునిపైన దిగినట్లు గా నాసా ప్రచారం చేసిన వారు ఇద్దరు. ఒకరు నీల్ ఆర్మ్ స్ట్రాంగ్ మరియు రెండవ వారు ఎడ్విన్ (బజ్) ఆల్డ్రిన్. ఆ ఇద్దరి జాతకాల్లో ఆశ్చర్య కరమైన ఒకే రకమైన కాంబినేషన్ లు కనిపించాయి. అవేమిటొ పైన వివరించాను. ఇద్దరూ కలసి ఒకే పని చేసినప్పుడు అలా కనిపించటం లో ఆశ్చర్యం లేదు. కాని ఫలితం ఇలా సూచితం కావటమే ఆశ్చర్య కరం. ఎన్ని రకాలుగా పరిశీలించినా చివరికి అన్నీ ఒక వైపే వేలు చూపుతూ ఉన్నాయి. ఒక్కటంటే ఒక్కటి కూడా తద్వ్యతిరేక యోగాలు లేవు. ఇప్పుడేమనుకోవాలి?

కాబట్టి చివరికి ఏమి తేలింది? అది నేనెందుకు చెప్పాలి? ఈపాటికి చదువరులకు అర్థం అయ్యే ఉంటుంది కదా. ఇంతా చేసి ఇదంతా నా ఊహాగానం మాత్రమె అని కొట్టి పారేసే వాళ్ళు చాలా మంది ఉంటారని నాకు తెలుసు. అయినా సరే నాకు కనిపించిన దాన్ని నేను వ్రాశాను. ఇంతకూ ముందే వ్రాశినట్లు నిజానిజాలు నాసా వారికి, ఆ దేవునికే ఎరుక.

ఇప్పుడు ఒక మనిషిగా, నా వ్యక్తిగత అభిప్రాయం చెప్తాను.

వాళ్ళు చంద్రుని మీద దిగినా దిగక పోయినా- ప్రపంచంలో, ముఖ్యంగా ఆఫ్రికా లాంటి పేద దేశాలలో ఆకలితో చచ్చిపోతున్న వారికీ , చదువుకునే స్తోమత లేక బాల్యాన్ని చాకిరీ లో మగ్గిస్తున్న వారికీ, కట్నాలు ఇచ్చుకోలేక 50 ఏళ్ళొచ్చినా ఇంకా పెళ్ళికాక కన్యలుగానే ఉన్నవారికీ, మందులు కొనుక్కునే స్తోమత లేక రోగాలకు బలైపోతున్న వారికీ, తిండికోసం వ్యభిచారగృహాల్లో మగ్గుతున్నవారికీ....ఇలా అనేకానేక సమస్యలలో కొట్టుమిట్టాడుతున్న వారికి ఒరిగిందేమీ లేదు.

సైన్యం కోసం, ఆయుధ పోటీకోసం లక్షల కోట్ల డాలర్లు ఖర్చు పెట్టటం, ఉగాండాలో,ఇథియోపియాలో ఆకలితో జనం చచ్చిపోతున్నా, లక్షలాది టన్నుల గోధుమలు సముద్రానికి ఆహారం చెయ్యటం, ఎంత ఖర్చు చేసారో ఊహకందక పోయినా, చంద్రునిమీద కనీసం నీరు అనేది ఉందా లేదా అనే విషయం ఈనాటికీ చెప్పలెక పోవటం వంటివి మాత్రమే మనం సాధించిన విజయాలేమో? చివరికి సాధించింది ఏమిటి, మనం అడుగు పెట్టి చంద్రుని మీద వాతావరణాన్ని కలుషితం చెయ్యడం తప్ప. ఇవీ నా వ్యక్తిగత అభిప్రాయాలు. వీటికీ జ్యోతిష్య విద్యకూ సంబంధం లేదు.

తరువాత,ఇక ప్రస్తుత విషయానికి వస్తే, ఇదంతా నేను భారతీయ జ్యోతిష్య విద్య ఆధారంగా వ్రాశాను. పాశ్చాత్యులు కూడా దీనిపైన వ్రాశారు. ఈ విషయంలో పాశ్చాత్య జ్యోతిష్కుల అభిప్రాయం కూడా చూడాలనుకునే వారు ఈ క్రింది లింకు చూడవచ్చు. కాకుంటే వెస్ట్రన్ అస్ట్రాలజీ లో ప్రవేశం లేని వారికి ఆ విశ్లేషణ గందరగోళంగా ఉంటుంది. అస్సలు కొరుకుడు పడదు. కారణం- ఇతర గ్రహాలతో బాటు, డార్క్ మూన్(లిలిత్) మొదలైన గణిత బిందువులను కూడా వారు లెక్కలోకి తీసుకున్నారు. జ్యోతిష్య విద్యలో ప్రవేశం లేనివారికి నేను పైన వ్రాసిన విశ్లేషణ అర్థం కాదు. కాని ఓపెన్ మైండ్ ఉండి, జ్యోతిష్య జ్ఞానం కలవారికి నా ఈ వ్యాసం విందు భోజనమే అవుతుంది. ఇంకా ఆసక్తి ఉన్నవారు ఈ క్రింది లింకు చూడవచ్చు.

http://www.zimbio.com/NASA/articles/Hgt3af2Ex4G/fake+moon+landing+astrologer+skeptics+సి

read more " చంద్ర యాత్ర - ఎడ్విన్ ఆల్డ్రిన్ జాతకం ఏం చెప్తోంది? "

నీల్ అర్మ్ స్ట్రాంగ్ చంద్రుని మీద అడుగు పెట్ట లేదా?

"విధిని చేతుల్లోకి తీసుకోగలమా" అని నేను వ్రాసిన పోస్ట్ కి ఒక అజ్ఞాత స్పందిస్తూ-- నీల్ ఆర్మ్ స్ట్రాంగ్ చంద్రుని మీద దిగినప్పుడు అతని జాతకంలో చంద్రుని సంబంధం ఏమి ఉండవచ్చు --అంటూ అడిగారు. అదీ ఎందుకు అడిగారో నాకు తెలియదు, బహుశా జ్యోతిష్యం అంటే మనుషులలో సహజం గా ఉండే ఎగతాళి తో కావచ్చు కాని, నేను జవాబిస్తూ తప్పకుండా ఆ సమయంలో చంద్ర దశ ఆయన జాతకంలో జరుగుతుండ వచ్చు లేదా చంద్రునికి సంబంధించిన దశ కావచ్చు, దూర/విదేశీ ప్రయాణం సంబంధం ఉండవచ్చు అని చెప్పాను.తరువాత నేను యాదాలాపంగా నీల్ ఆర్మ్ స్ట్రాంగ్ జాతకం చూచాను. దానితో అనేక కొత్త విషయాలు తెలీడమే కాక, అనేక అనుమానాలు కూడా తలెత్తాయి. అసలు అమెరికా వారు చంద్రుని మీద అడుగు పెట్టింది నిజమా లేక బూటకమా అని సందేహాలు కలిగాయి.

కాని ఒక్క విషయం కొట్టొచ్చినట్లు కనిపించింది. వీరు చంద్రుని మీద దిగినట్లు గా చెబుతున్న 20-7-1969 న నీల్ ఆర్మ్ స్ట్రాంగ్ జాతకంలో నిజం గానే చంద్ర దశ జరుగుతున్నది. నేను యాదాలాపంగా ఊహించింది నిజం అయింది. ఆయన జాతకం పక్కన ఇచ్చాను.నీల్ ఆర్మ్ స్ట్రాంగ్ 5-8-1930 న 12.10 కి ఒహియో రాష్ట్రం లోని సెయింట్ మేరీస్ లో పుట్టాడని నెట్ లో దొరికింది. కాని అదీ సరైన సమయం కాదు. కుంద స్ఫుట విధానం తో సరి చేయగా సరియైన సమయం 12.09 అని తేలింది. దానిని బట్టి ఆయన లగ్నం వృషభం 27.48 మరియు నక్షత్రం= మూలా ఒకటో పాదం అని తేలింది.జాతకాన్ని పూర్తిగా చూడలేదు. కాని వీరు చంద్రుని మీద దిగిన ఒక్క సంఘటన మాత్రమె చూచాను. ఆ రోజున ఆయన జాతకంలో చంద్ర/కేతు/రాహు/కుజ/చంద్ర దశ (దశ/అంతర్దశ/విదశ/సూక్ష్మ దశ /ప్రాణ దశ) జరిగింది. ఇక విశ్లేషణ చూద్దాం.

>>చంద్రుడు తృతీయాధిపతిగా ప్రపంచం తో కమ్యూనికేషన్ ను చూపుతున్నాడు. అలాగే దగ్గర ప్రయాణాన్ని సూచిస్తున్నాడు.అమెరికా నుంచి చంద్రుని మీదకు పోవటం దగ్గర ప్రయాణం కాదు. కనుక ప్రపంచానికి అబద్దపు కమ్యూనికేషన్ ఇచ్చినట్లు సూచిస్తున్నది.

>>కాని చంద్రుడు నవమాధిపతి అయిన శని తో కలసి ఉండటం తో దూరపు ప్రయాణం, విదేశీ ప్రయాణం సూచితం అయింది. కాని అదే శని వక్రించి ఉండటం తో అదీ నిజం కాదు అని తేలుతోంది. అదీగాక శని చంద్రులు అష్టమంలో ఉండటంతో అది వక్ర బుధ్ధీతొ ఆడిన నాటకం కావడానికి ఆస్కారం ఎక్కువగా ఉంది.

>>శని తృతీయ దృష్టి దశమం మీద ఉంది. కనుక వృత్తి పరమైన, అబద్ద పూరిత కమ్యూనికేషన్ ప్రపంచానికి ఇవ్వడానికి ఇది సూచన గా ఉంది. అంతర్దశ, విదశా నాదులుగా ఉన్న కేతు/రాహులు ఆరు/పన్నెండు ఇళ్ళలో ఉండి రహస్య కార్యక్రమాలు, శత్రువుల ఒత్తిడు లను చూపుతున్నారు. చంద్రునికి వీరి సంబంధం ఎంత మాత్రం మంచిది కాదు. కనుక శత్రువులైన రష్యా (కేతువు) వారి పోటీని అధిగమించడానికి రహస్య ప్లాన్( రాహువు) తో ఈ నాటకం ఆడి ఉండ వచ్చు.

>>సూక్ష్మ దశా నాధుని గా ఉన్న కుజుడు ఈ లగ్నానికి మంచి వాడు కాదు. సప్తమాధిపతి గా పార్ట్ నర్లకు సూచకుడు. ఆయన లగ్నం లో కొచ్చి కూచోడం తో భాగ స్వాముల (నాసా అడ్మినిస్ట్రేషన్) వత్తిడికి లొంగి పోవలసి వస్తుంది. పైగా ఈయన ద్వాదశాదిపతిగా రహస్య కుట్రలకు సూచకుడు. ద్వాదశంలో రాహువు స్తితి దీనికి బలాన్ని ఇస్తున్నది.

>> ప్రాణ దశా నాదునిగా మళ్ళీ చంద్రుడే ఉన్నాడు. కనుక మళ్ళీ మళ్ళీ ఆయన్ను లెక్కించ నవసరం లేదు.

>> మన విశ్లేషణ నిజమా కాదా అనే విషయం లో ఈయన వృత్తి పరమైన విషయాలు చూపించే దశమాంశ సహాయం తీసుకుందాము. దశమాంశ లో లగ్నం తులాలగ్నం అయింది. సప్తమంలో శని నీచలో ఉన్నాడు. రాశి చక్రంలో వృత్తి స్థానాధిపతి గా ఉన్న శని, వృత్తిని చూపే దశామాంసలో నీచ స్తితి ని బట్టి, చంద్రుని మీద దిగటం అబద్దం కావచ్చు అని తేలుతున్నది. ప్రపంచం నివ్వెర పోయే అటువంటి విజయం సాధించే జాతకం ఖచ్చితం గా ఇలా ఉండదు. అంతే కాదు ఇది భాగ స్వాముల కుట్ర (సప్తమంలో శని నీచ స్తితి) అని క్లియర్ గా సూచనలు ఉన్నవి.

>>అదీగాక దశమాంశ లో వాక్ స్థానం అగు ద్వితీయం లో గురు/బుధ/కేతువుల స్తితి ఏమి చెబుతున్నదో చూద్దామా. గురువు, ఆకాశ యాన కారకునిగా, బుధ+కేతు యుతితో, కుట్ర పూరిత బుద్ధితో, వృత్తి పరమైన అబద్ద పూరిత వాక్కును చెప్పినట్లు సూచన క్లియర్ గా దశమాంశ చక్రం చూపిస్తున్నది.

>>చంద్రుని మీద దిగినట్లు గా చెపుతున్న 20-7-1969 తేదీనాడు గోచార శని మళ్ళీ మేష రాశిలో నీచ స్తితిలో ఉన్నాడు. ఇంతకంటే రుజువు ఇంకేం కావాలి?

>> ఇంకొంత లోతుగా చూద్దాము. లగ్నారూడం మకరం అయింది. అనగా తొమ్మిదో స్థానం అవటం తో దూర ప్రయాణానికి+శనికి దశమ ఆధిపత్యం తో వృత్తి సంబంధం గా ఈ జాతకుడు ప్రఖ్యాతి పొంద గలడు అని తెలుస్తున్నది. కాని ఇక్కడే అసలు రహస్యం ఉంది.ఇదే మకరం లో గుళిక స్తితుడై ఉండటం చూడ వచ్చు. కనుక పైన అనుకున్న విషయం లోనే అసలైన రహస్యం దాగుంది అని గుళిక గ్రహం చూపిస్తున్నది.

>> ఇక పొతే ఇప్పటికీ మన విశ్లేషణ తప్పేమో ఇంకా చూద్దాం అని పరిశీలించగా--దశమ ఆరూడం చూద్దాం. దశమాధిపతి శని దశమానికి పదకొండింట ఉండటం వల్ల దశమారూడం శని ఉన్న ధనుస్సు నుంచి పదకొండు అయిన తులా రాశి అయింది. అంటే పేరు ప్రఖ్యాతులు వృత్తి పరం గా వచ్చే అదృష్టం ఉంది అని తెలుస్తున్నది. కాని ఇక్కడ కేతువు స్తితుడై ఉండటం తో పరిస్తితి అంతా తారు మారు అయింది. కేతువు వల్ల రహస్య మాయమైన కుట్ర వల్ల ఆ పేరు వస్తుంది అని సూచితం అవుతున్నది.
పొతే, ఇలాంటి అనుమానాలు పాశ్చాత్య జ్యోతిష్కులకు కూడా వచ్చాయని ఇంటర్నెట్ లో వెతికితే కొన్ని వందల సైట్లు దర్శనం ఇచ్చాయి. పోనీలే మన వాదనకు కొంత బలాన్నిచ్చే వారు వారిలోనే ఉన్నారు అని అనిపించింది. ఇవీ అజ్ఞాత గారడిగిన నీల్ అరం స్ట్రాంగ్ ప్రశ్న వల్ల తెలిసిన విషయాలు.

కనుక ఇవన్నీ చూస్తె నాకు ఒకటే అనిపిస్తున్నది. అసలు అమెరికా వారు చంద్రుని మీద అడుగు పెట్టలేదు. ప్రపంచాన్ని నమ్మించటానికి స్టూడియో లో సెట్టు వేసి సినిమా తీసి లోకాన్ని నమ్మించారు. అని జ్యోతిష్య విజ్ఞానం చెప్తున్నది. నిజా నిజాలు దేవునికి, నాసా వారికి ఎరుక.

read more " నీల్ అర్మ్ స్ట్రాంగ్ చంద్రుని మీద అడుగు పెట్ట లేదా? "