'Life is a game, it ends one day. Everything is fair in love and war, but not in life'

28, జులై 2010, బుధవారం

పాకిస్తాన్ లో కూలిన విమానం- మళ్ళీ నిజమైన జ్యోతిష్యం

రోజు బహుళ తదియ. అనగా పౌర్ణిమ నుంచి మూడోరోజు.

మొన్నటి పోస్ట్ లో ఇలా వ్రాశాను.

"గురు గ్రహం యొక్క కరుణా దృష్టి వల్ల ఎక్కడా పెద్దగా ప్రాణ నష్టం జరుగలేదు. కాని రోజునుంచి గురువు వక్రిస్తున్నాడు. అనగా రెట్రో మోషన్ లోకి పోతున్నాడు. అంటే రేపటినుంచి ఆయన రక్షణ ఉండదు. కనుక జరుగబోయే నష్టాలు రేపటినుంచి మొదలౌతాయి."

"ముఖ్యంగా జూలై 26 న కుజ శనులు ఒకే నక్షత్ర పాదంలోకి వస్తున్నారు. అనగా నవాంశ చక్రంలో కుంభరాశిలో కలిశి ఉంటారు. 27, 28 తేదీలలో వీరితో కేతువు కూడా కలుస్తున్నాడు.కనుక రేపటినుంచి, 28 తేదీలోపల ప్రమాద సూచక కాలంఅనిపిస్తున్నది."

ఈ రోజు పాకిస్తాన్ లోని మర్గలా కొండలలో ఎయిర్ బ్లూ కంపెనీ విమానం కూలిపోయింది. "పా"కిస్తాన్, "మ"ర్గలా, అనే పదాలు ప, మ అనే అక్షరాలతో మొదలు కావటం గమనించ గలరు.

మొన్న జరిగిన ఎయిర్ క్రాప్ట్ ప్రమాదాలలో పెద్దగా ప్రాణ నష్టం జరుగలేదు. కాని ఈ రోజు జరిగిన ప్రమాదం లో 152 మంది చనిపోయారు. ఒక్కరూ ప్రాణాలతో బతికి బయట పడలేదని అంటున్నారు. దీనికి కారణం 25 వ తేదీ నుంచి ఉపసంహరింపబడిన గురుగ్రహ అనుగ్రహమే.

వేద సమ్మతమైన జ్యోతిష్య జ్ఞానం అమోఘమైనది. దీనిలో ఇంకా రీసెర్చ్ జరిగాల్సి ఉన్నది. అదే జరిగితే ఖచ్చితంగా తేదీ,సమయం,ప్రదేశంతో సహా జరుగబోయే సంఘటనలు తెలుసుకోవచ్చు. దానికి సమయాన్ని వనరుల్ని వెచ్చించగల ఔత్సాహికులు కావాలి.

రీసెర్చ్ లో సహకరించడానికి ఎవరన్నా ముందుకొస్తున్నారా?