ఈ సదనాన్ని ఎందఱో ఘోరంగా దోచుకున్నారు
నువ్వూ అంతేనా?
ఈ మనస్సు ఎందరినో పిచ్చిగా నమ్మింది
వారందరూ నమ్మకంగా దీన్ని మోసగించారు
నువ్వూ అంతేనా?
ఈ శిరస్సు ఎందరి భుజాలమీదనో ప్రేమగా వాలింది
వారందరూ నవ్వుతూ దీనికి వెన్నుపోటు పొడిచారు
నువ్వూ అంతేనా?
ఈ పిచ్చిప్రాణం కొందరి నుంచి ఎంతో ఆశించింది
కానీ వారంతా దానిని ఎంతో నిరాశపరచారు
నువ్వూ అంతేనా?
ఈ ఆత్మ ఎంతోమందికి తనను అర్పించుకుంటానంది
కానీ అందరూ దీనిని తిరస్కరించారు
నువ్వూ అంతేనా?
