“The world is a puzzle; no need to make sense out of it." - Socrates

11, జులై 2022, సోమవారం

ఈ గురుపూర్ణిమకు ఎవ్వరూ హైదరాబాద్ కు రావద్దు

ఈ సంవత్సరం జూలై 13 నా పుట్టినరోజునాడు గురుపూర్ణిమ వచ్చింది. హైదరాబాద్ వస్తామని చాలామంది నాకు మెయిల్స్ ఇస్తున్నారు.

ఇండియాలోను, ఇతర దేశాలలోను ఉన్న నా శిష్యులందరికీ మెసేజిగా ఈ పోస్ట్ వ్రాస్తున్నాను. ప్రతి ఏడాదీ జరుపుకున్నట్లుగానే ఈ ఏడాది కూడా గురుపూర్ణిమను జరుపుకుందాం.

కానీ ఒక మార్పు.

ప్రస్తుతం హైదరాబాద్ వర్షాలతో ఉంది. ఈ వర్షంలో పడి నన్ను చూడటం కోసం దూరాభారాలనుండి ఎవ్వరూ హైదరాబాద్ కు రావద్దు. మీమీ ఇళ్లలోనే ఉండి, నేను చెప్పిన సాధనను చెయ్యండి. మీకు కావలసింది అక్కడే లభిస్తుంది.

హైదరాబాద్ లో ఉన్న శిష్యబృందానికి కూడా ఇదే సూచన. మీరు కూడా మీ మీ ఇళ్లలోనే ఉండి నేను చెప్పినట్లు చెయ్యండి. సరిపోతుంది. వర్షంలో ప్రయాణం పెట్టుకుని మీరు ఇబ్బంది పడకండి. మీ కుటుంబసభ్యులను ఇబ్బంది పెట్టకండి.

దూరంతో మనకు సంబంధం లేదు.

వచ్చే ఏడాది గురుపూర్ణిమను మన ఒంగోలు ఆశ్రమంలో జరుపుకుందాం.

గమనించండి.