నా జ్యోతిష్యవిధానంలో, శనికక్ష్యకు బయటగా ఉన్న యురేనస్, నెప్ట్యూన్, ప్లూటో గ్రహాలను కూడా నేను లెక్కిస్తాను. ఇప్పుడు శాస్త్రవేత్తలు ప్లూటోను గ్రహంగా లెక్కించడం లేదు. కానీ చాలా రుజువులు కనిపించిన మీదట, ఇప్పటికీ ప్లుటోను కూడా గ్రహంగానే నేను లెక్కిస్తాను.
ఇకపోతే, నెప్ట్యూన్ ను వరుణుడు అని మనం పిలుస్తాం. ఈ గ్రహం ఒక్కొక్క రాశిలో 14 ఏళ్లపాటు ఉంటుంది. గతంలో, 25 ఏప్రియల్ 2008 న మకరాన్ని వదలిపెట్టి కుంభంలోకి ప్రవేశించింది. అప్పటినుంచీ నిన్నటివరకూ కుంభంలో ఉన్నది. నిన్న, కుంభాన్ని వదలి మీనంలోకి ప్రవేశించింది. మరొక్క 14 ఏళ్లపాటు అంటే, 2036 వరకూ మీనంలో సంచరిస్తుంది.
ఈ గోచారఫలితాలు ఎలా ఉంటాయో చూద్దాం.
------------------------------------------------------------------------
మేషం
చాలాకాలం నుంచీ ఉంటున్న ప్రదేశాన్ని విడచిపెడతారు. లాభం తగ్గుతుంది. ఖర్చు ఎక్కువౌతుంది.
వృషభం
లాభాలతో కూడిన జీవితం మొదలౌతుంది. ఇది 2036 వరకూ నడుస్తుంది. ఊహించినదానికంటే ఎక్కువ కూడబెడతారు.
మిధునం
వీరి వృత్తి ఉద్యోగాలు మందగిస్తాయి. అయితే, లిక్కర్ వ్యాపారం మాత్రం బాగుంటుంది. వైద్యులకు బాగుంటుంది.
కర్కాటకం
దూరదేశాలకు వెళతారు. భక్తిమార్గంలో మునుగుతారు. ఆధ్యాత్మికచింతన, ముఖ్యంగా తంత్రసాధన రాణిస్తుంది.
సింహం
పిత్రార్జితం కలసి వస్తుంది. విపరీతమైన లాభాలుగాని, విపరీతమైన నష్టాలు గాని ఉంటాయి. త్రాగి వాహనాలు నడిపితే యాక్సిడెంట్లో పోతారు.
కన్య
వివాహజీవితం, సమాజసంబంధాల పైన ఫోకస్ ఉంటుంది. ఘర్షణ తప్పదు. మాఫియాలతో, దొంగలముఠాలతో సంబంధాలు ఏర్పడతాయి.
తుల
శత్రుబాధ, రోగబాధ పెరుగుతాయి. జలప్రమాదం జరుగుతుంది. త్రాగుడుకు బానిసలై లివర్, కిడ్నీ జబ్బులు తెచ్చుకుంటారు.
వృశ్చికం
ఆధ్యాత్మికచింతన పెరుగుతుంది. పిల్లలు వ్యసనాలకు బానిసలై పాడైపోతారు.
ధనుస్సు
తల్లికి గండం. జాతకులకు మానసిక వ్యాధి లేదా గుండెజబ్బు తలెత్తవచ్చు.
మకరం
అతివాగుడు, మాటదూకుడు ఎక్కువౌతాయి. జలగండం ఉంది.
కుంభం
కుటుంబం పెరుగుతుంది. మాట చెల్లుబాటు అవుతుంది.
