నిత్య జీవితం - 3

రేపూ ఎల్లుండీ ఏమౌతుంది (చాలామందికి ఈరోజే ఈ ఫలితాలు మొదలౌతాయి. చూచుకోండి)
-----------------------------------
మానసిక చింతా, శారీరిక శ్రమా ఎక్కువైపోతాయి. చికాకును కలిగిస్తాయి.
కమ్యూనికేషన్లలో లోపాలు ఏర్పడతాయి
ఇంటర్ నెట్ పని చెయ్యడంలో లోపాలు వస్తాయి
అనవసరంగా మాటలు పడవలసి వస్తుంది
'నేను తప్పు చెయ్యలేదు' అని రుజువు చేసుకునే పరిస్థితులు వస్తాయి
కష్టపడినా ఫలితం దక్కదు. చేసిన పని మళ్ళీ మొదటికి వస్తుంది.

read more " నిత్య జీవితం - 3 "

నిత్య జీవితం - 2

ఈరోజూ రేపూ ఏం జరుగుతుంది?

-------------------------------------------

విలువైన వస్తువులు పోగొట్టుకుంటారు.

పోలీస్ స్టేషన్లు దర్శిస్తారు. లేదా పోలీసులను కాంటాక్ట్ చేస్తారు.

సెక్సు కోరికలు నిద్రలేస్తాయి లేదా హెరాస్ మెంట్ కు గురౌతారు.

మెంటల్ టెన్షన్ ఎక్కువౌతుంది.

ఇంట్లో వాళ్ళతోనూ బయట వాళ్ళతోనూ గొడవలౌతాయి.

read more " నిత్య జీవితం - 2 "

గుండెనిండా గుడిగంటలు - ఎస్.పీ.బాలసుబ్రమణ్యం

'గుండెనిండా గుడిగంటలు' అంటూ బాలసుబ్రమణ్యం తనదైన శైలిలో మధురంగా ఆలపించిన ఈ గీతం 1998 లో వచ్చిన 'శుభాకాంక్షలు' అనే చిత్రంలోది. ఈ పాటను సిరివెన్నెల సీతారామ శాస్త్రి వ్రాయగా, కోటి సంగీతాన్ని అందించారు.

నా స్వరంలో కూడా ఈ పాటను వినండి మరి.

------------------------------------------------

గుండె నిండా గుడిగంటలు – గువ్వల గొంతులు – ఎన్నో మోగుతుంటే

కళ్ళ నిండా సంక్రాంతులు – సంధ్యా కాంతులు – శుభాకాంక్షలంటే

వెంటనే పోల్చాను నీ చిరునామా ప్రేమా

గుండె నిండా గుడిగంటలు – గువ్వల గొంతులు – ఎన్నో మోగుతుంటే

కళ్ళ నిండా సంక్రాంతులు – సంధ్యా కాంతులు – శుభాకాంక్షలంటే

చూస్తూనే మనసు వెళ్లి నీ ఒళ్లో వాలగా
నిలువెల్లా మారిపోయా నేనేనీ నీడగా

నిలువదు నిముషం – నువు ఎదురుంటే
కదలదు సమయం – కనబడకుంటే

నువ్వొస్తూనే ఇంద్రజాలం చేశావమ్మా- కవ్విస్తూనే చంద్రజాలం వేశావమ్మా

పరిచయమే చేశావే నన్నే నాకు కొత్తగ ఓ ప్రేమా

గుండె నిండా గుడిగంటలు – గువ్వల గొంతులు – ఎన్నో మోగుతుంటే

కళ్ళ నిండా సంక్రాంతులు – సంధ్యా కాంతులు – శుభాకాంక్షలంటే

నీ పేరే పలవరించే నాలోని ఆశలు
మౌనాన్నే ఆశ్రయించే ఎన్నెన్నో ఊసులు

తెరిచిన కనులే - కలలకు నెలవై
కదలని పెదవే - కవితలు చదివే

ఎన్నెన్నెన్నో గాధలున్న నీ భాషని – ఉన్నట్టుండి నేర్పినావె ఈ రోజుని

నీ జతలో క్షణమైనా బ్రతుకును చరితగ మార్చేస్తుందమ్మా

గుండె నిండా గుడిగంటలు – గువ్వల గొంతులు – ఎన్నో మోగుతుంటే

కళ్ళ నిండా సంక్రాంతులు – సంధ్యా కాంతులు – శుభాకాంక్షలంటే

వెంటనే పోల్చాను నీ చిరునామా ప్రేమా

read more " గుండెనిండా గుడిగంటలు - ఎస్.పీ.బాలసుబ్రమణ్యం "

నిత్య జీవితం - 1

నేటి నుంచీ కొత్త సీరీస్ ఒకటి మొదలు పెడుతున్నాను. జీవితాలపైన గ్రహప్రభావం ఎలా ఉంటుందో ప్రాక్టికల్ గా చెప్పడమే ఈ సీరీస్ ఉద్దేశ్యం. ప్రతిరోజూ మన జీవితాలలో మన చుట్టూ జరిగే సంఘటనలు ఏ విధంగా గ్రహసంచారాన్ని బట్టి ఉంటుంటాయో ఈ సీరీస్ రుజువు చేస్తాయి. మీమీ జీవితాలలో ఇక్కడ నేను చెప్పినవి జరుగుతున్నాయో లేదో మీరే పరిశీలించుకోండి మరి.

నాతో కలసి ఈ రహస్య ప్రపంచంలో విహరించడానికి మీకిదే నా ఆహ్వానం !!

ఈరోజూ రేపూ

----------------

అనవసరంగా అనుకోకుండా జరిగిన చిన్న చిన్న సంఘటనలు మనసును బాధిస్తాయి. డిప్రెషన్ తేలికగా కలుగుతుంది. విలాస వస్తువుల కోసం కాలం వెచ్చిస్తారు. ఈగో ప్రాబ్లంస్ తలెత్తుతాయి.

మనుషుల మధ్యన కమ్యూనికేషన్ కుంటుపడుతుంది. కమ్యూనికేషన్ డివైజెస్ రిపేర్లోస్తాయి. కానీ త్వరలోనే బాగౌతాయి.

read more " నిత్య జీవితం - 1 "

సఖియా వివరించవే - P.Suseela

సఖియా వివరించవే వగలెరిగిన చెలునికి నా కధా...

అంటూ పి.సుశీల మధురాతి మధురంగా ఆలపించిన ఈ గీతం 1963 లో వచ్చిన నర్తనశాల అనే సినిమాలోది. గాయనీమణులు ఆలపించిన గీతాలలో నాకు నచ్చే పాటలు కొన్నున్నాయి. అలాంటి ఎవర్ గ్రీన్ మధురగీతాలలో ఇదీ ఒకటి. ఈ పాటను రచించినది సముద్రాల రాఘవాచార్య అయితే సంగీతాన్ని సమకూర్చినది సుసర్ల దక్షిణామూర్తి.

మాధుర్యానికి లింగభేదం లేదని నేను చాలాసార్లు చెబుతూ ఉంటాను కదా ! అందుకే నా స్వరంలో కూడా ఈ పాటను వినండి మరి.

చిత్రం:-- నర్తనశాల (1963)

సాహిత్యం:-- సముద్రాల రాఘవాచార్య

సంగీతం:-- సుసర్ల దక్షిణామూర్తి

గానం:-- పి. సుశీల

కరావోకే గానం:-- సత్యనారాయణ శర్మ

వినండి మరి

------------------------------------------

సఖియా వివరించవే

వగలెరిగిన చెలునికి నా కధా

సఖియా వివరించవే

నిన్ను చూసి కనులు చెదరి - కన్నె మనసు కానుక జేసి

మరువలేక మనసురాక - విరహాన చెలికాన వేగేనని

సఖియా వివరించవే

మల్లెపూల మనసు దోచి - పిల్లగాలి వీచేవేళ

కలువరేని వెలుగులోన - సరసాల సరదాలు తీరేనని

సఖియా వివరించవే

వగలెరిగిన చెలునికి నా కధా

సఖియా వివరించవే

read more " సఖియా వివరించవే - P.Suseela "

ఈ రోజు నేనేం చేస్తున్నాను?

తిధుల ప్రకారం ఈరోజు నేను పుట్టినరోజు. పొద్దుటినుంచీ యధావిధిగా శిష్యులూ అభిమానులూ విషెస్ పంపిస్తున్నారు. కొందరు బాగా దగ్గరైన వాళ్ళు అనేక ప్రశ్నలు చనువుగా అడుగుతున్నారు. ఈరోజు నా షెడ్యూల్ ఎలా ఉంటుందా అని చాలామందికి సందేహాలున్నాయి. వారికందరికీ ఈ కవితే జవాబు.

------------------------------

ఈరోజు మామూలుగా నిద్రలేవలేదు

లోకం ఎరుగని ఎరుకలోకి

సునిశితంగా చూస్తూ నిద్రలేచాను

జన్మనిచ్చిన తల్లిని స్మరిస్తూ

జన్మజన్మల తల్లిని కూడా స్మరించాను

శరీరానికి తలంటి పోస్తూ

తలపులకూ తలంటి పోశాను

ఒంటికి పట్టిన మురికిని వదిలిస్తూ

మనసుకు పట్టిన మురికినీ కడిగేశాను

కొత్త దుస్తులు ధరిస్తూ

పాత దేహాన్ని వదలి షికారు కెళ్ళాను

రాళ్ళతో కట్టిన గుడికెళ్ళలేదు

సజీవపు గుండెలోకి తొంగి చూచాను

పనికిరాని పూజలు చెయ్యలేదు

లోపలి వెలుగును స్మరించాను

కొవ్వొత్తులు ఆర్పను

గుండెలలో దీపాలు వెలిగిస్తాను

వీధుల్లో తిరగను

లోపలి వీధుల్లో విహరిస్తాను

స్పెషల్ భోజనం చెయ్యను

స్పెషాలిటీనే వదిలేస్తాను

వస్తువులు కొనను
ఉన్నవాటినే వదిలిస్తాను

సినిమా కెళ్ళను

'లోకం' అనే సినిమా చూస్తాను

స్నేహితులను పలకరించను

నా హితులను తలచుకుంటాను

బంధువుల ఇళ్ళకెళ్ళను

నిత్యబంధువుతో ముచ్చట్లాడతాను

తాగి తందనాలాడను

నా మత్తులో నేనే చిత్తైపోతాను

పుట్టిన రోజును జరుపుకోను

ఎప్పుడూ పుట్టని వెలుగులో నిలిచి ఉంటాను

read more " ఈ రోజు నేనేం చేస్తున్నాను? "

నిజంగా పుట్టిన రోజు...

పుట్టిన రోజులు

గతంలో ఎన్నో చూచాను

ఈరోజు మాత్రం చచ్చే రోజును

చవి చూద్దామనుకుంటున్నాను

పుట్టిన తర్వాత జీవితంలో

ఇన్నాళ్ళూ ఓడిపోయాను

చావులోనైనా గెలుపును

రుచి చూద్దామనుకుంటున్నాను

బ్రతకాలని ఆశిస్తూ

నిరంతరం చస్తూ బ్రతికాను

చావులోనైనా నిజంగా

బ్రతకాలని అనుకుంటున్నాను

చావంటూ భయపడుతూ

ఇన్నాళ్ళూ భయంభయంగా బ్రతికాను

కనీసం చావులోనైనా భయాన్ని

గెలుద్దామనుకుంటున్నాను

నన్ను నేను మర్చిపోయి

అందరికోసం ఇన్నేళ్ళూ బ్రతికాను

ఇప్పుడు నాలో నేను మునిగిపోతూ

నాకోసం చద్దామనుకుంటున్నాను

అందరి కుళ్ళుస్వార్ధాల కోసం

నా జీవితాన్ని ఎంతో వృధా చేశాను

ఈ ఆఖరి ఆహుతిలో పరమార్ధాన్ని

అర్ధం చేసుకుందామని అనుకుంటున్నాను

నావారు కాని అందరి కోసం

జీవితాన్ని ఇన్నాళ్ళూ పందెం కాశాను

ఎవరూ లేని ఒంటరితనం కోసం

నేడు చావును పొందాలనుకుంటున్నాను

బ్రతుకు భిక్షనాశిస్తూ

ఎందరి తలుపులనో తట్టాను

ఇప్పుడు నా తలపులనే కరగించి

నేనే లేకుండా పోదామని ఆశిస్తున్నాను

నాలోని నిమ్నత్వాన్ని ఆహుతి చేస్తూ
నాలోని ధన్యత్వానికి ఆజ్యం పోస్తూ
నా అంతరిక యజ్ఞంలో నేనే సమిధనై
కాలిపోదామనుకుంటున్నాను

లోకాన్ని చదివిన తెల్లని మనసుతో
శోకాన్ని దాటిన చల్లని ఆత్మతో
జీవితవృక్షానికి పండిన పండునై
రాలిపోదామనుకుంటున్నాను

అహాలూ అసూయలూ అస్సలంటూ లేని
ద్వేషాలూ దైన్యాలూ మచ్చులే కనరాని  
విశాల గగనపు సుదూర సీమలో
తేలిపోదామనుకుంటున్నాను

వెన్నుపోట్లూ కత్తిగాట్లూ
నయవంచనలూ నమ్మకద్రోహాలూ
ఏవీ ఎరుగని అతి మంచితనంలో
సోలిపోదామనుకుంటున్నాను

అమాయకత్వపు కళ్ళతో
అసూయ నెరుగని మనసుతో
అపురూపమైన ఆత్మసౌందర్యంతో
వెలిగే నా ప్రేయసి కౌగిలిలో
వాలిపోదామనుకుంటున్నాను

బంధాలను దాటుకుంటూ బాధల్ని చీల్చుకుంటూ
భవాన్ని ఓర్చుకుంటూ బ్రతుకును నేర్చుకుంటూ
అసూయా ద్వేషాలంటని అపురూప అందాన్ని
ఆస్వాదించాలనుకుంటున్నాను

లోకపు కుళ్ళుల కంటకుండా
తక్కువ బుద్ధులు సోకకుండా
నిర్మలంగా వెలిగే ఉజ్జ్వలసీమలో
నిద్ర పోదామనుకుంటున్నాను

ఈ పుట్టిన రోజుతో
నేను నిజంగా చచ్చిపోవాలి
ఈ చావులో అసలైన నేను
నిజంగా పుట్టాలి...

read more " నిజంగా పుట్టిన రోజు... "

నిన్నటి వరకూ...

నిన్నటి వరకూ

ఏసీ రూముల్లో సుఖాలు పొందిన దేహం

ఈనాడు

శవపేటికలో పురుగులకు

ఆహారమౌతోంది

నిన్నటి వరకూ

సమసమాజం కోరి తపించిన మనసు

ఈనాడు

సమంగా పంచభూతాలలో

విలీనమౌతోంది

నిన్నటివరకూ

అధికారంతో విర్రవీగిన దర్పం

ఈనాడు

ఒంటరిగా శ్మశానపు మట్టిలో

అలమటిస్తోంది

నిన్నటి వరకూ

అడుగులకు మడుగులొత్తిన సేవకులు

ఈనాడు

పత్తా లేకుండా

పారిపోయారు

నిన్నటివరకూ

అన్నీ తెలుసన్న అహం

ఈనాడు

ఏం చెయ్యాలో తెలియక

బిక్కచచ్చిపోతోంది

నిన్నటి వరకూ

లోకాన్ని మారుస్తానన్న గర్వం

ఈనాడు

తన గతేమిటంటూ

కుములుతోంది

నిన్నటి వరకూ

ఆహా ఓహో అన్నవాళ్ళంతా

ఈనాడు

' ఆ ! ఏముందిలే?'

అంటున్నారు

నిన్నటి వరకూ

చిటికెలో అన్నీ వచ్చేవి

ఈనాడు

అరిచినా ఎవరూ

రావడంలేదు

నిన్నటి వరకూ

అందరూ నావారే అనుకున్నాను

ఈనాడు

నాకెవరూ లేరని

తెలుసుకున్నాను

నిన్నటి వరకూ అంతా

నాదే అనుకున్నాను

ఈనాడు

నాకేమీ లేదని తెలుసుకున్నాను

ఒకప్పుడు నేనుంది

విలాసాల సౌధంలో

ఈనాడు నేనుంది

శ్మశానపు మట్టిలో

దీనికోసమా నేను విర్రవీగింది?

దీనికోసమా నేను గర్వంతో పొంగింది?

దేనికోసం నేనిన్నాళ్ళూ పరుగెత్తింది?

దేనికోసం ఎందరినో బాధించింది?

ఇది ముందే తెలిస్తే ఎంత బాగుండేది?

ఒళ్ళు దగ్గర పెట్టుకుని బ్రతికేవాడిని

ఇది ముందే గ్రహిస్తే ఎంత బాగుండేది?

ఒళ్ళు పోయాక ఇలా చచ్చేవాడిని కాదు...

read more " నిన్నటి వరకూ... "

జీవితం

జీవితం

దేనినో ఆశించి
ఉన్నదాన్ని చేజార్చుకోవడం
దేనినో ఊహించి
కానిదానికి ఓదార్చుకోవడం

దూరపు కొండలను చూస్తూ
ఎదురుగా ఉన్నదాన్ని విస్మరించడం
భారపు బండలను మోస్తూ
కుదురుగా ఉండలేక వెర్రులెత్తడం

దేవుడెంత ఇచ్చినా
ఇంకేదో ఇవ్వలేదని ఏడవడం
దేబిరింత లాపలేక
దేవుళ్ళాడుతూ లోకాన్ని వదలడం

ప్రేమించేవారిని దూరం చేసుకోవడం
ఆత్మీయులతో వైరం పెంచుకోవడం
అనవసరపు బరువులకు చాన్సులివ్వడం
అపసవ్యపు దరువులకు డాన్సులెయ్యడం

అన్నీ తెలుసనుకుంటూ
అడుసులో కాలెయ్యడం
అన్నీ కాలిపోయాక
ఆకులు పట్టుకోవడం

వయసు ఛాయల్లో కాలిపోవడం
మనసు మాయల్లో కూలిపోవడం
మంచి చెప్పినా వినకపోవడం
వంచనలకేమో లొంగిపోవడం

డబ్బు సంపాదన కోసం ఆరోగ్యాన్ని పణం పెట్టడం
అదే ఆరోగ్యాన్ని మళ్ళీ డబ్బుతో కొనుక్కోవడం
అహంతో అందరినీ దూరం చేసుకోవడం
ఆఖరికి వాళ్ళే కావాలని అలమటించడం

ఎందుకు బ్రతుకుతున్నామో
తెలియకుండా బ్రతకడం
ఎక్కడికి పోతున్నామో
తెలియకుండా పోవడం

ఏ నేలపై నడుస్తున్నామో
అదే మట్టిలో మట్టిగా రాలడం
ఏ గాలిని పీలుస్తున్నామో
అదే గాలిలో గాలిగా తేలడం

ఇదే జీవితం...

read more " జీవితం "

10-7-17 నుంచి 16-7-2017 వరకూ ఏమౌతుంది?

మేషరాశి

ఇంటిలో గొడవలు జరుగుతాయి. మానసిక చింత ఎక్కువౌతుంది. వాహన ప్రమాదాలు జరుగుతాయి.

వృషభరాశి

అనవసరమైన మాటల వల్ల చికాకులు కలుగుతాయి.

మిధునరాశి

కంటిసమస్యలు ఎదురౌతాయి. నోటి దురుసు వల్ల సమస్యలు వస్తాయి. ఇంటిలో గొడవలు జరుగుతాయి.

కర్కాటకరాశి

తలకు దెబ్బలు తగులుతాయి. జీర్ణసమస్యలు ఎదురౌతాయి.

సింహరాశి

ఆరోగ్యం మందగిస్తుంది. అలసట కలుగుతుంది. మానసిక చింత ఎక్కువౌతుంది.

కన్యారాశి

చెడు స్నేహాల వల్ల నష్టం ఉంటుంది. మంచి చెప్పినా తలకెక్కదు.

తులారాశి

వృత్తి ఉద్యోగాలలో అనుకోని ఆటంకాలు కలుగుతాయి. ఒక మంచి ఒక చెడు జరుగుతాయి.

వృశ్చికరాశి

దైవిక కార్యాలలో యాక్సిడెంట్లు కలుగుతాయి. ఆధ్యాత్మికంగా మోసపోతారు.

ధనూరాశి

దీర్ఘరోగాలు బాధిస్తాయి. మానసిక చింత ఎక్కువౌతుంది. నష్టం వాటిల్లుతుంది.

మకరరాశి

జీవితభాగస్వామితో విభేదాలు వస్తాయి. వారి ఆరోగ్యం చెడుతుంది. సంసారంలో గొడవలు జరుగుతాయి.

కుంభరాశి

ఆరోగ్యం మందగిస్తుంది. స్నేహితులతో విడిపోతారు. పెద్దలతో విభేదాలు వస్తాయి.

మీనరాశి

సంతానం గురించి చింత కలుగుతుంది. మానసికంగా అల్లకల్లోలం ఉంటుంది.

read more " 10-7-17 నుంచి 16-7-2017 వరకూ ఏమౌతుంది? "