“Most difficult thing in the world is to find people who are truly genuine"

30, అక్టోబర్ 2015, శుక్రవారం

నా అవార్డ్ వెనక్కిచ్చేస్తా జాగ్రత్త !!

ప్రస్తుతం దేశంలో ఒక పెద్ద ఫార్స్ నడుస్తోంది.

చాలామంది మేధావులూ,మేత-ఆవులూ తమతమ బిరుదులనూ అవార్డులనూ వెనక్కిచ్చేస్తున్నారు.ఇది చాలా సంతోషించదగిన విషయం. ఇదేంటీ ఇలా అంటున్నారని చదువరులకు అనుమానం రావచ్చు.

వీరందరూ వీరి బిరుదులనూ అవార్డులనూ వెనక్కు వాపస్ చెయ్యడానికి ఒక గొప్ప కారణాన్ని చూపిస్తున్నారు.అదేంటంటే - దేశంలో ఎమర్జెన్సీ నాటి పరిస్థితులు ఉన్నాయట.వాక్స్వాతంత్ర్యం లేదట.హిందూమతం అందరిమీదా రుద్దబడుతోందట.ఇవీ కారణాలు !!

వీరు చూపిస్తున్న కారణాలు ఏవీ నిజాలు కావు.

అసలు నిజమేమంటే - ఈ అవార్డులన్నీ గత ప్రభుత్వంలో పైరవీ చేసి తెచ్చుకున్నవి.మన దేశంలో నిజమైన టాలెంట్ కు గుర్తింపు ఎప్పుడూ లేదన్నది పచ్చివాస్తవం.అవార్డుల వెనుక ఎన్నెన్ని భాగోతాలు జరుగుతాయో ఇప్పుడు హైస్కూలు పిల్లాడిని అడిగితే చెబుతాడు.పైరవీలు, రికమెండేషన్లు లేకుండా మన దేశంలో ఏ అవార్డూ ఎవరికీ రాదు.పాత ప్రభుత్వంలో అలా అవార్డులు తెచ్చుకున్నవారు ఇప్పుడు తమతమ అవార్డులను వెనక్కు ఇచ్చేస్తున్నారు.అసలు సంగతి ఇదే.

అసలు ఇలాంటి వారికి అవార్డులు ఇవ్వడమే అతి పెద్ద తప్పు.ఎందుకంటే - పార్టీకీ దేశానికీ తేడా తెలియని వారికి అసలు అవార్డులు ఎందుకట? వీరంతా దేశభక్తులు కారు.ఒక పార్టీ భక్తులు.ఆ పార్టీ ఇప్పుడు అధికారంలో లేదుగనుక అదిచ్చిన అవార్డులను వీరు వెనక్కిచ్చేస్తున్నారు.ఈ అవార్డును మనకిచ్చింది ఒక పార్టీ కాదు, దేశం అన్న స్పృహ ఉంటే వారాపని చెయ్యరు.

కానీ వారలా వాపస్ ఇస్తున్నారంటే దానర్ధం ఏమంటే - "మాకు ఈ అవార్డులు మా ప్రతిభ ఆధారంగా రాలేదు.మేము వీటిని ప్రభుత్వంతో పైరవీ చేసి తెచ్చుకున్నాము.ఇప్పుడా ప్రభుత్వం లేదుగనుక మాకు చాలా బాధగా ఉన్నది.అందుకే ఏ చిన్న సాకు దొరికినా మా అవార్డులను వాపస్ చేస్తామని బెదిరిస్తాము." అని ఈ చర్యల ద్వారా వారే వారి గుట్టును బయట పెట్టుకుంటున్నారు.

ఇది తప్ప వీరి చర్యల వెనుక ఇంకేమీ లాజిక్కు నాకు కనపడటం లేదు.పార్టీకీ దేశానికీ తేడా తెలియని వారు మేధావులెలా అవుతారో నాకేమీ అర్ధం కావడం లేదు.

అసలిలాంటి వారికి అవార్డులు ఇవ్వడమే అతి పెద్ద తప్పు.అసలైన అర్హులు సమాజంలో ఎంతోమంది అజ్ఞాతంగా ఉండగా - ఇలాంటి పైరవీదారులకు అవార్డులు ఇవ్వడం అంటే ప్రభుత్వాధికారాలను దుర్వినియోగం చెయ్యడం తప్ప ఇంకేమీ కాదు.అయినా మన దేశంలో అధికారం అనేది సక్రమంగా ఎప్పుడు వినియోగం చెయ్యబడింది గనుక?

ఒక చిరుద్యోగి చాలా నిరాడంబరంగా బ్రతుకుతూ తన జీతంలో సింహభాగాన్ని సమాజంలో లేనివాళ్ళకు సాయం చెయ్యడానికి ఉపయోగిస్తున్నాడు.ఇంకొక సామాన్యుడు తన అవసరాలు ఎన్నింటినో మానుకొని లేనివాళ్ళకు సాయపడుతున్నాడు.ఇంకొక డ్రిల్లు మాస్టారు తన జీతం మొత్తాన్నీ తను పనిచేస్తున్న స్కూలు అభివృద్ధికే ఖర్చుపెడుతున్నాడు.ఇంకొక వ్యక్తి ఒకపూట తిండి తను మానుకొని ఆ డబ్బుతో ఇంకొకరి ఆకలిని తీరుస్తున్నాడు.ఇలాంటి వాళ్ళు మన దేశంలో ఎంతోమంది అజ్ఞాతంగా ఉన్నారు.వీరికి పేరు ప్రతిష్టలు అక్కర్లేదు.వీరు అవార్డులు ఆశించరు.బిరుదులూ ఆశించరు.ఆత్మతృప్తికోసం ఇవన్నీ చేస్తుంటారు.దేశభక్తితో ఇవన్నీ చేస్తుంటారు.అసలైన పద్మశ్రీలూ పద్మభూషణ్ లూ ఇలాంటి వారికి ఇవ్వాలి. అంతేగాని పార్టీ తొత్తులకూ పైరవీదార్లకూ బడా వ్యాపారస్తులకూ ఆర్ధిక మోసగాళ్ళకూ ఇప్పటికే మదించి ఉన్న తిమింగలాలకూ,కోట్లు ఉంచుకుని ఒక వెయ్యి దానం చేసేవాళ్ళకూ పేరు ప్రతిష్టలకోసం గొప్పకోసం 'సేవలు' చేసేవాళ్ళకూ కాదు.

ఇలాంటి కుహనా మేధావులంతా త్వరగా బయటపడి తమతమ అసలు రంగులు బయట పెట్టుకుంటే చాలా మంచిది.ఇలా బెదిరించడం వల్ల ఏమీ ఉపయోగం లేదనీ, అది వారివారి మేధోశూన్యతను బయటపెట్టుకోవడం మాత్రమేననీ ఇలాంటి వారు ఎంత త్వరగా గ్రహిస్తే అంత మంచిది.

ప్రస్తుతం దేశంలో వారంటున్న ఎమర్జెన్సీ పరిస్థితులు ఎక్కడున్నాయో నాకైతే ఏమీ కనపడటం లేదు.ఎవరిష్టం వచ్చినట్లు వారు మాట్లాడుతున్నారు గనుక వాక్స్వాతంత్రానికి కూడా ఏమీ భంగం వాటిల్లలేదు.ఒకవేళ నిజంగా అలాంటి ఎమర్జెన్సీ పరిస్థితులే గనక ఉంటే - వీరంతా ఇలా అవార్డులను వెనక్కు ఇవ్వగలిగేవారా?ఇలా ప్రభుత్వాన్ని బెదిరించగలిగేవారా?ఎమెర్జెన్సీలో ఇలా చేస్తే ఏం జరుగుతుందో తెలియదా?

ఇకపోతే హిందూమతం సంగతి.మనకు స్వతంత్రం వచ్చాక హిందూమతం నష్టపోయినంతగా మనదేశంలో ఇంకే మతమూ నష్టపోలేదు.అన్నిమతాలూ బాగానే బలపడ్డాయి.బలహీనం అయింది హిందూమతమే.అసలు ఈ దేశంలో హిందూమతం ఉన్నది గనుకనే ఇతర మతాలవారు హాయిగా బ్రతకగలుగుతున్నారు.మన పొరుగు దేశాన్ని చూస్తే ఈ విషయం చాలా చక్కగా మనకు అర్ధమౌతుంది.ఇంకాఇంకా హిందూమతాన్ని ఆడిపోసుకోవడం ఎందుకు?

ఇతర మతాలవారు హాయిగా డబ్బులిచ్చి మరీ ప్రచారాలు చేసుకుంటూ మత మార్పిడులు చేస్తూ, మతహింసకు పాల్పడుతూ,మన డబ్బుతో వారివారి మతయాత్రలు చేసుకుంటూ మళ్ళీ మనమీదే బురదజల్లుతూ ఉంటే అప్పుడంతా బాగానే ఉంది.ఇప్పుడు హిందూమతం గురించీ దాని విలువల గురించీ ఎవరైనా కొంచం మాట్లాడితే అది పెద్ద మతవాదం అయిపోతున్నది.అసలీ పోకడను ఇన్నాళ్ళనుంచీ పెంచి పోషించినది నెహ్రూ అనుచరులూ, కమ్యూనిస్టులూ.ఈ పోకడను అభివృద్దిగా వారు భావించారు.ఇది ఎంత అభివృద్దికి దారితీసిందో నేటి పరిస్థితులే చెబుతున్నాయి.బాగుచెయ్యడం ఎక్కడనుంచి మొదలుపెట్టాలో తెలియనంతగా సమాజాన్ని సర్వనాశనం చేసేశారు ఇప్పటిదాకా పరిపాలించిన పార్టీలు.ఇదీ దేశాన్ని వీరు చేసిన అభివృద్ధి !!

వీరిలో మొదటివారేమో బ్రిటిష్ కల్చర్ కు దాసానుదాసులు.బ్రిటిష్ వారు మన దేశాన్ని వదలిపోయినా వారి భావజాలాన్ని వీరు ఇప్పటికీ పెంచి పోషిస్తూనే ఉన్నారు.రెండవవారేమో చైనా తొత్తులు.నేటి చైనాను చూసైనా వీరు నేర్చుకోవాలి.కానీ వారాపనిని చెయ్యరు.చైనాలో ఇప్పుడు తమ కళలమీదా సాంస్కృతిక వారసత్వం మీదా వారికి మళ్ళీ ప్రేమ పెరుగుతున్నది.తమ చైనీస్ కల్చర్ ను ప్రపంచవ్యాప్తంగా వారు చాలా గొప్పగా ప్రమోట్ చేసుకుంటున్నారు.ఇక్కడ వీరేమో మన సంస్కృతికి వ్యతిరేక విషబీజాలను ఈనాటికీ ఇంకా చల్లుతూనే ఉన్నారు.వీరిద్దరూ మొదటగా మన దేశపు ప్రాచీన సంస్కృతిని ప్రేమించడం ఇప్పటికైనా నేర్చుకోవాలి.

ఏదేశమైనా తన సంస్కృతి ఆధారంగానే అభివృద్ధి చెందాలి.అలా జరగడమే అసలైన మార్గం కూడా.తన సంస్కృతిని తానే మర్చిపోవడం ఎలాంటిదంటే, అది ఒక చెట్టు తన వేర్లను విస్మరించినట్లుగా అవుతుంది.అప్పుడా చెట్టు ఎంతోకాలం బ్రతకలేదు.ఎదగలేదు.మన మూలాలను మనం ఎప్పుడూ మరచిపోకూడదు.వీళ్ళకు ఇంత సింపుల్ విషయమే తెలియదు.వీళ్ళు మేధావులట !! వీళ్ళని మేధావులుగా గుర్తించడమే మనం చేస్తున్న అతి పెద్ద పొరపాటు.ఈ రెండువర్గాలూ మాయమైతే గాని మన దేశంలో నిజమైన అభివృద్ధి కనిపించదు.అసలైన అభివృద్ధి నిరోధకులు వీరే.

అయినా దమ్మిడీ కూడా విలువలేని అవార్డులను వెనక్కిచ్చేస్తే వారికి మాత్రం పోయేదేముంది ? అలా ఇవ్వడం వల్ల దేశానికి వచ్చే నష్టం మాత్రం ఏముంది? ఈ తాటాకు చప్పుళ్ళతో వీళ్ళు ఎవర్ని బెదిరించాలనుకుంటున్నారో??
read more " నా అవార్డ్ వెనక్కిచ్చేస్తా జాగ్రత్త !! "

29, అక్టోబర్ 2015, గురువారం

O Chandamama Andala Bhama - Ghantasala




ఓ చందమామా అందాల భామా ఎందున్నదో పల్కుమా...

అంటూ ఘంటసాల మధురస్వరంలోనుంచి జాలువారిన ఈ గీతం ' జయం మనదే' (1956) అనే చిత్రం లోనిది.60 ఏళ్ళు గడచినా కూడా ఇది ఈనాటికీ మరపురాని మధురగీతాలలో ఒకటి.ఈ పాటలో ఎన్టీ రామారావు అంజలీదేవి నటించారు.

అసలు పాటలో కొసరాజు వ్రాసిన రెండు చరణాలే ఉన్నాయి. కానీ ఇంతమంచి రాగానికి రెండు చరణాలు నాకు సరిపోలేదు.అందుకే చివరి రెండు చరణాలు నేనే వ్రాసి ఈపాటను నాలుగు చరణాల పాటగా మార్చాను. నా సాహిత్యాన్ని ఎర్రరంగులో ఉంచాను.

ఈ గీతాన్ని యూట్యూబ్ లో ఇక్కడ చూడండి

https://youtu.be/jxD9MDLuWnc

అర్ధాన్ని ప్రత్యేకంగా వివరించనవసరం లేదుకదా !

చిత్రం:--జయం మనదే (1956)
సాహిత్యం:- కొసరాజు
సంగీతం:- ఘంటసాల వెంకటేశ్వరరావు
గానం:- ఘంటసాల వెంకటేశ్వరరావు, పి.లీల (ఆలాపన)
కరావోకే గానం :- సత్యనారాయణ శర్మ
Enjoy
----------------------------------------

ఓ చందమామ అందాలభామ ఎందున్నదో పల్కుమా – 2

సొగసూ వయసూ తన లావణ్యమే చాలనీ-2
పై సోయగాలు ఏలనీ లాలించుమా
సోయగాలు ఏలనీ లాలించుమా
ఓ చందమామ అందాలభామ ఎందున్నదో పల్కుమా

మదిలో మెదిలే మధురానందమే తాననీ – 2
ఇక ఆలసించరాదనీ బోధించుమా
ఆలసించరాదనీ బోధించుమా
ఓ చందమామ అందాలభామ ఎందున్నదో పల్కుమా

మనసే కరగీ ఈ రససీమలో తేలగా – 2
ఇక జాగుసేయనేలనీ సూచించుమా
జాగుసేయనేలనీ సూచించుమా
ఓ చందమామ అందాలభామ ఎందున్నదో పల్కుమా

జగమే మరచీ ప్రణయోల్లాసమే చిందగా – 2
ఇట ఓలలాడ రమ్మనీ శాసించుమా
ఓలలాడ రమ్మనీ శాసించుమా
ఓ చందమామ అందాలభామ ఎందున్నదో పల్కుమా...
read more " O Chandamama Andala Bhama - Ghantasala "

27, అక్టోబర్ 2015, మంగళవారం

Martial Arts Festival - 1

ముందే ప్లాన్ చేసినట్లుగా 24-10-2015 న మార్షల్ ఆర్ట్స్ ఫెస్టివల్ గుంటూరులో జయప్రదంగా జరిగింది.ఈ ఫెస్టివల్ కు పంచవటి మెంబర్స్ నాన్ మెంబర్స్ అందరూ కలసి 22 మంది హాజరయ్యారు.ఉదయం 8 గంటలకు మొదలైన ఈ క్లాస్ రాత్రి 7 వరకూ జరిగింది. వీరిలో - హైదరాబాద్, బెంగుళూరు,కరీంనగర్, తణుకు, భీమవరం, గుంటూరు, విజయవాడలనుంచి వచ్చిన మెంబర్స్ ఉన్నారు.

ఈ ఫెస్టివల్ లో ప్రదర్శించిన/నేర్పించిన కొన్ని విషయాలు.

1. యోగా మరియు మార్షల్ ఆర్ట్స్ వ్యాయామాలు.ఇవి శరీరానికి Flexibility మరియు Endurance లను ఇస్తాయి.

2. మానవ శరీరంలో ఉన్న 26 ఆయుధాలు ఏమిటి? వాటిని ఎలా వాడాలి? ఏయే సందర్భాలలో వాడాలి?

3. Iron Body Conditioning Exercises.వీటివల్ల శరీరానికి దృఢత్వమూ బలమూ పెరుగుతాయి.

4.రకరకాలైన మార్షల్ ఆర్ట్స్ టెక్నిక్స్ ఎలా ఉంటాయి? వీటిలో కరాటే, జూడో, అయికిడో, కుంగ్ ఫూ, తాయ్ చి, తాయ్ బాక్సింగ్, జుజుట్సు ల నుంచి ఎంచుకున్న కొన్ని టెక్నిక్స్ నేర్పడం జరిగింది.

5.తాయ్ చీ విద్యలో Yang Style మరియు Chen Style నుంచి ఫామ్స్ ప్రదర్శన మరియు Yang Form మొదటి భాగం లో కొంత పార్టు నేర్పడం జరిగింది.

6.నేను వాడే సీక్రెట్ వెపన్స్ నుంచి రెండింటిని మెంబర్స్ కు పరిచయం చెయ్యడం జరిగింది.

7.పంచింగ్ బ్యాగ్, కిక్ పాడ్స్, పంచింగ్ పాడ్స్ తో మెంబర్స్ కు ట్రెయినింగ్ ఇవ్వడం జరిగింది.అలాగే స్టెప్పింగ్ విధానాలు కొన్నింటిని నేర్పడం జరిగింది. 

8.మెంబర్స్ లో రమేష్, సాగర్ అనబడే ఇద్దరు ఇప్పటికే కుంగ్ ఫూలో బ్లాక్ బెల్ట్ స్థాయిలో ఉన్నవారు.వీరు చేసిన కుంగ్ ఫూ ఫామ్స్ ఈ కార్యక్రమానికి హైలైట్ గా నిలిచాయి. రమేష్ ఒక కుంగ్ ఫూ మాస్టర్ గా హైదరాబాదులో స్కూల్ నడుపుతున్నాడు.వీరిద్దరికి తాయ్ ఛీ విద్యలో మెళకువలు (Practical applications of Tai Chi techniques) నేర్పడం జరిగింది.

9. Pranic Energy ని ఎలా ఫీలవ్వాలి? అన్న ప్రాధమిక విషయం అందరికీ నేర్పడం జరిగింది.

ఆ తర్వాత వీరిలో నలుగురికి నాదైన తంత్ర ధ్యానసాధనలో 1st Level Initiation ఇవ్వబడింది.

మళ్ళీ రెండునెలల తర్వాత కలుద్దామన్న నిర్ణయంతో Full Day Martial Arts Festival జయప్రదంగా ముగిసింది.చాలా దూరాలనుంచి నామీద నమ్మకంతో ఎంతో శ్రమకోర్చి వచ్చి ఈ క్లాస్ అటెండ్ అయిన అందరికీ నా కృతజ్ఞతలు తెలియజేస్తున్నాను.


Finger strike to face

Leopard fist Punch to face

Tiger Claw punch to face

Double Palm Punch

A Wing Chun Technique

Back Fist Attack to face

Hammer Punch to Abdomen

Swinging Knuckle Punch to face

Crane Punches on bags

Forearm Punches on bags

Forearm Punch to Throat area

Crane Punch to ribs

Elbow punch to bag

Elbow Punch to Chest area

Thrusting Elbow Punch to Solar Plexus

Elbow round punch to neck

Upward Elbow Punch to Jaw

Downward Elbow Strike on pad

Downward Elbow Strike to Shoulder

Finishing Elbow Strike to Spine and chop to neck

How to escape from a rear grab?

Showing a throwing technique on Teja

Hip Throw on Teja

Knee Kick to Abdomen

Knee kick to face

Round Kick on bag

Round Kick to Stomach area

Chopping punches on pads

Speed Punching on pads

Upper Cut punch

Punch to ribs

Thrusting Knife Hand Punch

Reverse Chop to ribs

Inner chop punch to temple

Finishing Heel Kick to bag


Yang Tai chi Form

Yang Tai Chi Form


Yang Tai Chi Form

Yang Tai Chi Form

Yang Tai chi Form

Yang Tai Chi Form

Golden Rooster Standing on One Leg

Yang Tai Chi Form

Shaolin Kung Fu Form by Sagar

Shaolin Kung Fu Form

Shaolin Kung Fu Form

Shaolin Kung Fu Form

Shaolin Kung Fu Form

Shaolin Kung Fu Form

Cart Wheel Kick on pads

Round Kick

Flying Kick by Ramesh

Demonstrating body conditioning exercise with gravel bags

Giridhar doing body conditioning exercise

Giridhar - Body conditioning

Sagar - Body Conditioning

Raghavendra - Body conditioning

Raju - Body Conditioning

Pradeep - Body Conditioning

Babji - Body conditioning

Babji -  Body conditioning with Dumb Bells

Teja - Body Conditioning

Keerti Kiran Reddy - Body Conditioning

Prasad - Body Conditioning

Ravi Shankar - Body Conditioning

Vamsee - Body Conditioning

Seshendra - Body Conditioning

Shankar - Body Conditioning

Ramesh - Perfect Stance and Body Conditioning

Giridhar - Body Conditioning

Giridhar - Iron Body Training

Round Kick to inner thigh - Iron Body Conditioning

Swinging the gravel bag

Sagar - Swinging the bag

Giridhar - Swinging 2 bags at a time


Giridhar carrying Babji on his shoulders and gravel bags
in his hands - Irond Body Training

Ramesh showing Yang Tai Chi Form


Kicks with ankle weights

Teja Punching with dumb bells

Sriram Kicking with ankle weights ON

Street Defence technique

Street defense technique

Street defense technique

Street defense technique

street defense technique

Body Throw

read more " Martial Arts Festival - 1 "